Dewteronomi 3:11 - An Bibel Kernewek 20234 (Kernewek Kemmyn)

¹¹ Rag ny veu gesys saw unnsel Og myghtern Bashan dhiworth remenant an Refaim. Otta, y weli o gweli a horn: a nyns usi yn Rabbath a vebyon Ammon? Naw kevelin yw y hys ha peswar kevelin y les, war-lergh kevelin gour.

Dewteronomi 3:11 Iomraidhean Croise

Jenesis 14:5

Hag y'n peswardhegves blydhen, Kedorlaomer ha'n vyghternedh esa ganso a dheuth ha fetha an Refaim yn Ashteroth-karnaym ha'n Zuzim yn Ham ha'n Emim yn Shave-kiryathaym,

Jenesis 6:15

Yndella ty a'n gwra. Hys an gorhel a vydh trihans kevelin, ha'y les hanter-kans kevelin, ha'y ughelder deg kevelin warn ugens.

2 Samuel 11:1

Yn gwenton an vlydhen, y'n termyn mayth a myghternedh yn-rag dhe vatalyas, Davydh a dhannvonas Yoab ha'y wesyon ganso, hag oll Ysrael; hag i a dhistruis an Ammonysi, hag omsettya a-dro dhe Rabba. Mes Davydh a wortas yn Yerusalem.

2 Samuel 12:26

Lemmyn Yoab a vatalyas orth Rabba an Ammonysi, ha kemmeres an sita ryel.

Yeremia 49:2

Rakhenna otta, an dydhyow a dheu, yn-medh an Arloedh, pan wrav an arm a vatel dhe vos klewys erbynn Rabba a'n Ammonysi; y fydh krug difeyth, ha'y threvow a vydh leskys gans tan; ena Ysrael a dhiserit an re a wrug y dhiserita ev, yn-medh an Arloedh.

Ezekiel 21:20

Gwra fordh rag kledha dhe dhos erbynn Rabba an Ammonysi, hag erbynn Yuda, hag erbynn Yerusalem yn hy kres.

Ezekiel 25:5

My a wra Rabba peurva rag kowrvergh, hag Ammon growedhva rag deves. Ena hwi a woer my dhe vos an Arloedh.

Amos 1:14

Ytho my a worr tan yn fos Rabba, dhe dhevorya hy falesyow gans garm yn dydh an gas, gans annawel yn dydh an korwyns;

Amos 2:9

Byttegyns my a dhistruis an Amoryas a-dheragdha may feu y ughelder kepar hag ughelder an kederwydh, hag ev maga krev avel derow; distrui a wrug vy y frut a-vann ha'y wreydh a-woeles.

Dewteronomi 2:11

Ynwedh i o tybys dhe vos Refaim, kepar ha'n Anakim, mes an Moabysi a's henwis Emim.

Dewteronomi 2:20

(Henna ynwedh o tybys dhe vos tiredh Refaim, neb esa trigys ynni kyns; mes an Ammonysi a's henwis Zamzummim.

Yoshua 12:4

Or Og myghtern Bashan, onan a remenant an Refaim, trigys yn Ashtaroth hag yn Edrei;

Yoshua 13:12

oll gwlas Og yn Bashan, a rewlyas yn Ashtaroth hag yn Edrei. Ev unnsel a veu gesys a remenant an Refaim, mes Moyses a's gweskis, ha'ga fesya.

Diskwedhyans 21:17

Hag ev a vusuras hy fos, peswar kevelin ha seyth ugens, musur mab-den, henn yw a'n el.

1 Samuel 17:4

Hag y teuth yn-mes a gamp an Filistysi kampyer, ha'y hanow Goliath a Gath, neb o hwegh kevelin ha dornva yn ughelder.