Dewteronomi 26:7 - An Bibel Kernewek 20234 (Kernewek Kemmyn)

⁷ Ena ni a grias war an Arloedh, Duw agan tasow, ha'n Arloedh a glewas agan lev ha gweles agan galar, ha'gan trobel, ha'gan arwask.

Dewteronomi 26:7 Iomraidhean Croise

Jenesis 21:17

Ha Duw a glewas lev an maw, hag el Duw a elwis dhe Hagar mes a nev ha leverel dhedhi, ‘Pandr'a hwer dhis, Hagar? Na gemmer own rag Duw re glewas lev an maw le may ma.

Jenesis 29:32

Ha Lea a gonsevyas ha dineythi mab ha gelwel y hanow Rewben: rag hi a leveris, ‘An Arloedh re viras devri war ow galarow, rag ow gour a'm kar lemmyn.’

2 Samuel 16:12

Martesen an Arloedh a wel ow galar hag attyli dhymm gans da yn le y volleth hedhyw.’

Salmow 119:132

Treyl war-tu ha my, ha bydh grassyes orthiv, herwydh dha usadow orth an re a gar dha hanow.

Salmow 31:8

Ny'm gessys vy yn dorn an eskar; ty re worras ow threys yn tyller ledan.

Salmow 50:15

Ha galw warnav yn dydh anken; my a'th telirv, ha ty a wra ow gordhya.

Eksodus 2:23

Ha dell hwarva y'n termyn hir na, myghtern Ejyp a verwis, ha mebyon Ysrael a gynis drefenn an gethneth ha kria, ha'ga kri a yskynnas dhe Dhuw, drefenn aga hethneth;

Eksodus 2:25

Ha Duw a welas mebyon Ysrael, ha Duw a's aswonnis.

Eksodus 3:9

Ha lemmyn, otta, kri mebyon Ysrael re dheuth dhymm, ha my re welas an arwask mayth arwask an Ejyptianys warnedha.

Eksodus 4:31

Ha'n bobel a grysis; ha pan glewsons an Arloedh dhe wul vri a vebyon Ysrael ha gweles aga galar, i a omblegyas ha gordhya.

Eksodus 6:5

Dhe voy, my re glewas kynvann mebyon Ysrael yw synsys yn kethneth gans an Ejyptianys, ha my re borthas kov a'm kevambos.

Yeremia 33:2

Yndellma y lever an Arloedh a wrug an nor, an Arloedh a'n formyas dh'y fastya – an Arloedh yw y hanow:

1 Samuel 9:16

‘A-vorow a-dro dhe'n termyn ma my a dhannvon dhis gour mes a bow Benyamin, ha ty a wra y untya avel rewler war oll ow fobel Ysrael. Ev a saw ow fobel a-dhiworth dorn an Filistysi. My re viras war ow fobel, drefenn aga garm dhe dhos dhymm.’