Dewteronomi 26:5 - An Bibel Kernewek 20234 (Kernewek Kemmyn)

⁵ Ena ty a worthyp ha leverel a-rag an Arloedh dha Dhuw, ‘Aramean gwandrek o ow thas, hag ev eth yn-nans dhe Ejyp ha godriga ena gans boghes tus hag ena mos ha bos kenedhel vras, krev ha niverus.

Dewteronomi 26:5 Iomraidhean Croise

Jenesis 12:2

Ha my a vynn dha wul kenedhel vras, ha my a'th vennik ha gul dha hanow meur y vri, ha ty a vydh bennath:

Jenesis 24:4

Mes ke dhe'm pow vy ha dhe'm kerens ha kemmer gwreg rag ow mab, rag Ysak.’

Jenesis 25:20

Hag Ysak o dew-ugens bloedh pan gemmeras Rebeka avel gwreg, myrgh Bethuel a Aram, dhiworth Padan-aram, hwoer Laban a Aram.

Jenesis 27:41

Lemmyn Esaw a'n jevo eskarogeth erbynn Yakob drefenn an vennath may hwrussa y das y venniga gensi, hag Esaw a leveris yn y golonn, ‘Yma'n dydhyow a gynvann a-barth ow thas ow tos nes. Ena my a vynn ladha ow broder Yakob.’

Jenesis 28:5

Ytho Ysak a dhannvonas Yakob yn-kerdh; hag ev eth dhe Padan-aram, dhe Laban mab Bethuel a Aram, broder Rebeka, mamm Yakob hag Esaw.

Jenesis 31:20

Ha Yakob a doellas Laban a Aram, rag ni wrussa leverel dhodho ev dhe vos ow fia.

Jenesis 31:24

Mes Duw a dheuth dhe Laban a Aram yn hunros y'n nos ha leverel dhodho, ‘Bydh war na wrylli leverel travyth dhe Yakob, na da na drog.’

Jenesis 31:40

Dybrys en y'n jydh der an toemmder hag y'n nos der an rew, ha hun a fias dhiworth ow dewlagas.

Jenesis 43:12

Ha kemmerewgh diwweyth an myns a vona yn agas dorn, hag ynwedh an mona a veu daskorrys yn ganow agas seghyer; kemmerewgh e arta yn agas dorn. Martesen gwall ova.

Jenesis 45:11

Ha my a wra dha sostena ena, rag y fydh pymp blydhen moy a dhivoetter, na dhyffi ha bos boghosek, ty ha'th vayni ha myns eus dhis.”

Jenesis 45:7

Ha Duw a'm dannvonas a-dheragowgh dhe fastya ragowgh remenant y'n pow ha dhe witha bewnans ragowgh dre dhelivrans bras.

Jenesis 46:27

Ha mebyon Yosep a veu dineythys dhodho yn Ejyp a veu dew enev. Oll an enevow a ji Yakob a dheuth dhe Ejyp a veu deg ha tri-ugens.

Jenesis 47:27

Ytho Ysrael a drigas yn pow Ejyp, yn pow Goshen. I a gavas tiryow ena, ha doen frut, ha kressya yn feur.

Jenesis 47:4

Hag yn-medhons i dhe Faro, ‘Ni re dheuth dhe driga y'n pow, rag nyns eus peurva yn pow Kanan rag flokk dha wesyon, rag tynn yw an divoetter yn pow Kanan. Ytho lemmyn, gas dha wesyon dhe driga yn pow Goshen, ni a'th pys.’

Eksodus 1:12

ha dhe voy y's arwasksons, dhe voy i a balshas, hag i a omlesas, ha divlaster a's tevedha drefenn mebyon Ysrael;

Eksodus 1:5

Hag oll an enevow ow tos a vordhos Yakob a veu deg den ha tri-ugens; ha Yosep, yth esa ev yn Ejyp.

Eksodus 1:7

ha mebyon Ysrael a dhug frut, hesya a wrussons ha palshe, ha galloesek dres eghenn ens, ha'n tiredh o lenwys gansa.

Hosea 12:12

Yakob a fias dhe bow Aram, Ysrael a servyas rag gwreg, ha rag gwreg y hwithas deves.

Hosea 12:13

Ha dre brofoes an Arloedh a dhros Ysrael mes a Ejyp, ha dre brofoes y feu gwithys saw.

Oberow 7:15

Ytho Yakob eth yn-nans dhe Ejyp, hag ev ha'gan tasow a verwis,

Dewteronomi 1:10

an Arloedh agas Duw re'gas kressyas, hag ottahwi hedhyw avel ster an nev yn palster.

Dewteronomi 10:22

Dha dasow eth yn-nans dhe Ejyp, deg ha tri-ugens enev; ha lemmyn an Arloedh dha Dhuw a'th settyas avel an ster a nev yn palster.

Dewteronomi 26:4

An oferyas a gemmer an ganstell dhiworth dha leuv ha'y settya a-rag alter an Arloedh dha Dhuw.

Dewteronomi 7:7

Nyns o drefenn agas bos moy ages poblow erell y hwrug an Arloedh agas kara ha'gas dewis – rag yth ewgh an lyha a'n poblow oll;