Dewteronomi 26:13 - An Bibel Kernewek 20234 (Kernewek Kemmyn)

¹³ Ena ty a lever a-rag an Arloedh dha Dhuw, ‘My re removas an dra sans dhiworth an chi, hag ynwedh my re'n ros dhe'n Levyas ha dhe'n alyon, dhe'n omdhivas ha dhe'n wedhwes herwydh oll dha worhemmynn a worhemmynnsys dhymm. Ny dremenis dres dha worhemmynnow na'ga ankevi.

Dewteronomi 26:13 Iomraidhean Croise

Salmow 119:139

Tan ow holonn re'm distruis, drefenn ow eskerens dhe ankevi dha eryow.

Salmow 119:141

Byghan ov vy ha dispresys, mes ny ankovav dha arghadowyow.

Salmow 119:153

Mir orth ow anken, ha gwra ow delivra, rag ny ankevis vy dha lagha.

Salmow 119:176

My re wandras yn sowdhan avel davas yw kellys; hwila dha was, rag ny ankevis dha worhemmynnow.

Salmow 119:93

Bynitha ny ankovav dha arghadowyow, rag dredha ty re'm bewhas.

Salmow 26:6

My a wolgh ow diwleuv yn gwiryonsys, ha mos a-dro dhe'th alter, A Arloedh,

Lavarow Koth 3:1

Ow mab, na ankov ow dyskans, gas dhe'th holonn gwitha ow gorhemmynnow;

Oberow 24:16

Rakhenna my ow honan a striv prest dhe synsi kowses divlam a-rag Duw ha tus oll.

2 Korinthianys 1:12

Lemmyn, hemm yw agan bost, dustuni agan kowses, ni dhe omdhegi y'n bys yn sempledh ha gwiryonsys Duw, heb skentoleth an kig mes dre ras Duw, ha dres oll orthowgh hwi.

2 Korinthianys 11:31

Duw ha Tas an Arloedh Yesu, re bo ev benniges trank heb worfenn, a woer nag esov vy ow leverel gowyow.

Dewteronomi 14:29

ha'n Levyas (na'n jeves kevrenn nag eretons genes), ha'n alyon, ha'n omdhivas, ha'n wedhwes usi y'th yetys a yll dos ha dybri ha bos lenwys, rag ma'th vennikko an Arloedh dha Dhuw yn pub lavur a'th leuv a wredh.

Dewteronomi 26:12

Wosa kowlwul degevi pub dega a'th askorr y'n tressa blydhen, blydhen an dega, ena ty a re dhe'n Levyas, dhe'n alyon, dhe'n omdhivas ha dhe'n wedhwes, may tepprons y'th yetys ha bos gwalghys.

Dewteronomi 26:14

Ny dhybris dhiworto pan esen ow kyni, na remova travyth anodho pan en vy avlan, na ri travyth anodho dhe dhen marow. My re woslowas lev an Arloedh ow Duw ha gul war-lergh pup-tra a worhemmynnsys dhymm.

1 Thessalonianys 2:10

Hwi yw testow, ha Duw ynwedh, fatell en ni sans ha gwiryon ha divlam dhywgh hwi neb a grys.