Dewteronomi 26:10 - An Bibel Kernewek 20234 (Kernewek Kemmyn)

¹⁰ ha lemmyn otta, my re dhros kynsa frut an tir a wrussys y ri dhymm, A Arloedh.’ Ena ty a wra y settya a-rag an Arloedh dha Dhuw ha plegya dhe'n dor a-rag an Arloedh dha Dhuw.

Dewteronomi 26:10 Iomraidhean Croise

1 Kroniklys 29:14

‘Mes piw ov vy, ha piw yw ow fobel, ni dhe alloes profya yndella mar hel? Rag dhiworthis jy y teu pup-tra, hag a'th leuv dha honan yth eson ow ri dhis.

Salmow 22:27

Oll pennow an norvys a berth kov ha treylya dhe'n Arloedh; hag oll teyluyow an kenedhlow a wordh a-dheragos.

Salmow 22:29

Oll an vrasyon war an nor a dheber ha gordhya; oll an re a dhiyskynn dhe'n doust a ombleg a-dheragdho, ha ny yll denvyth bewhe y enev y honan.

Salmow 86:9

Oll an kenedhlow a wrussys a dheu hag omblegya a-dheragos, A Arloedh, ha gordhya dha hanow.

Salmow 95:6

Deun, gordhyen hag omblegya, gwren ni mos war benn-dewlin a-rag an Arloedh agan Gwrier.

Eksodus 22:29

Ny wredh strechya offrynna dhiworth leunder dha drevas na a sugen dha winwaskow. Kynsa-genys dha vebyon ty a re dhymm.

Eksodus 23:19

An kynsa a gynsa frut dha dhor ty a wra dri a-ji dhe ji an Arloedh. Ny wredh bryjyon mynn yn leth y vamm.

Lavarow Koth 10:22

Bennath an Arloedh a wra den rych, ha ny geworr tristans gans henna.

Lavarow Koth 3:9

Enor an Arloedh gans oll dha substans, ha gans kynsa froeth a'th trevas;

Ysay 66:23

Dhiworth unn loer nowydh dhe loer nowydh arall, ha dhiworth unn sabot dhe sabot arall, oll kig a dheu dhe wordhya a-ragov, yn-medh an Arloedh.

Romanyon 2:1

Ytho ny'th eus askus, A dhen, piwpynag a vi, ow preusi den arall; rag pan vreusydh den arall y preusydh er dha bynn dha honan rag ty, an breusyas, a wra an keth taklow dha honan.

1 Korinthianys 10:31

Ytho, po dybri po eva a wrewgh, po pypynag a wrewgh, pup-tra dhe wordhyans Duw gwrewgh.

Dewteronomi 18:4

Kynsa frut dha ys, dha win, ha'th oyl, ha'n kynsa a gnew dha flokk a redh dhodho.

Dewteronomi 26:17

Re dhisklersys hedhyw an Arloedh dhe vos dha Dhuw, ha ty dhe gerdhes yn y fordhow, ha gwitha y ordenansow ha'y worhemmynnow ha'y vreusow, ha goslowes orth y lev.

Dewteronomi 26:2

ty a gemmer neppyth a'n kynsa a oll frut an tir a dhredh mes a'th tir a wra an Arloedh dha Dhuw y ri dhis ha'y worra yn kanstell, ha mos dhe'n tyller a wra an Arloedh dha Dhuw y dhewis dhe wul dh'y hanow triga ena,

Dewteronomi 26:4

An oferyas a gemmer an ganstell dhiworth dha leuv ha'y settya a-rag alter an Arloedh dha Dhuw.

Dewteronomi 8:18

Mes porth kov a'n Arloedh dha Dhuw, rag yth yw ev neb a re dhis nerth dhe wul golusogneth, rag may fastyo y gevambos a dos dhe'th tasow, kepar hag y'n jydh hedhyw.

Diskwedhyans 22:9

Hag ev a leveris dhymm, ‘Na wra henna: dha geskethwas ov vy, hag a'th vreder an brofoesi, hag a neb a with lavarow an rol-skrifa ma: gwra gordhya Duw.’