Dewteronomi 24:8 - An Bibel Kernewek 20234 (Kernewek Kemmyn)

⁸ Yn termyn plag a lovryjyon, gwayt gul gans rach pup-tra a wra an oferysi leviek y dhyski dhis; dell worhemmynnis dhedha, yndella gwayt y wul.

Dewteronomi 24:8 Iomraidhean Croise

Yeremia 33:18

na ny vydh oferysi an Levysi heb gour y'm lok dhe offrynna offrynnow leskys ha dhe leski offrynnow ys, ha dhe wul sakrifisow bys vykken.

Levitikus 13:57

ena mar omdhiskwa hwath y'n dillas, po y'n steuv po y'n anwi, po yn neppyth a ledher, pla owth omlesa yw; ty a lesk gans tan an dra may ma an pla ynno.

Levitikus 14:14

Ha'n oferyas a gemmer rann a woes an offrynn kammweyth, ha'n oferyas a'n gorr war vin skovarn dhyghow neb a dal bos glanhes, ha war veus y leuv dhyghow, ha war veus y droes dyghow.

Levitikus 14:2

Hemma a vydh lagha an klavorek y'n jydh mayth yw glanhes. Ev a vydh dres dhe'n oferyas;

Levitikus 14:57

dhe dhyski pan yw avlan ha pan yw glan. Hemm yw an lagha a lovryjyon.

Matthew 8:4

Hag yn-medh Yesu dhodho, ‘Gorwith na leverri ger dhe dhenvyth, mes ke hag omdhiskwa dha honan dhe'n oferyas ha doro dha ro a ordenas Moyses, avel dustuni dhedha.’

Mark 1:44

ha leverel dhodho, ‘Gwayt na leverri travyth orth denvyth, mes ke war dha hyns, omdhiskwa dha honan dhe'n oferyas, hag offrynn rag dha lanheans an taklow a worhemmynnis Moyses, yn dustuni dhedha.’

Luk 17:14

Ha pan y's gwelas ev a leveris dhedha, ‘Kewgh, omdhiskwedhewgh agas honan dhe'n oferysi.’ Hag i ow mos yn-kerdh, glanhes vons.

Luk 5:14

Hag ev a worhemmynnis dhodho, na lavarra dhe dhenvyth; ‘Mes ke dhe omdhiskwedhes dha honan dhe'n oferyas, ha gwra offrynn rag dha lanheans kepar dell worhemmynnis Moyses, yn dustuni dhedha.’