Dewteronomi 24:7 - An Bibel Kernewek 20234 (Kernewek Kemmyn)

⁷ Mars eus gour kevys ow tenladra onan a'y vreder, mebyon Ysrael, ha'y dhyghtya avel kethwas ha'y wertha, ena an lader na a verow. Yndella ty a garth an drog a-dhiworthowgh.

Dewteronomi 24:7 Iomraidhean Croise

Job 24:3

I a herdh dhe-ves asen an omdhivas; i a gemmer ojyon an wedhwes avel arwoestel.

Job 24:9

‘Tus a gib an omdhivas dhiworth an vronn, ha kemmeres yn goestel fleghik an boghosek.

Eksodus 21:16

Piwpynag a lattro gour, kyn y'n gwerth po kyn fydh kevys ganso yn y berghennogeth, a vydh gorrys dhe'n mernans.

Ezekiel 27:13

Yavan, Tubal, ha Meshek, yth ens i dha varchons; enevow tus ha lestri a vrons a geschanjsons rag dha wara.

Dewteronomi 13:6

Mara'th tynnyo yn-dann gel dha vroder, mab dha vamm, po dha vab, po dha vyrgh, po gwreg dha askra, po dha gothman yw kepar ha'th enev dha honan, ow leverel, ‘Deun ha servyn duwow erell’, na aswonnsys jy na'th tasow,

Dewteronomi 17:7

Leuv an dhustunioryon a vydh kynsa warnodho dh'y ladha, ha leuv oll an bobel a-wosa. Yndella ty a garth an drog yn-mes ahanowgh.

Dewteronomi 19:19

ena y hwrewgh dhodho ev kepar dell vynnas gul dh'y vroder. Yndella ty a garth an drog a-dhiworthowgh.

Dewteronomi 24:6

Den ny gemmer melin avel arwoestel, na men-melin gwartha, drefenn ev dhe gemmeres avel goestel an bewnans a wour.

1 Timothi 1:10

an re a wra fornikasyon gans horys po gwer, an re a lader tus, gowygyon ha gowlioryon, ha pypynag arall yw erbynn dyskas yagh

Diskwedhyans 18:13

ha sinnamon, ha spisa, hag ethow hag eli, ha frankynkys, ha gwin, hag olew, ha bleus fin, ha gwaneth, ha bestes, ha deves, ha mergh, ha kertys, ha kethwesyon, hag enevow tus.