Dewteronomi 23:7 - An Bibel Kernewek 20234 (Kernewek Kemmyn)

⁷ Na aborr Edomyas, drefenn ev dhe vos dha vroder. Na aborr den a Ejyp, rag ty a veu alyon yn y bow.

Dewteronomi 23:7 Iomraidhean Croise

Jenesis 25:30

Yn-medh Esaw dhe Yakob, ‘Gas vy dhe eva lemmik a'n kowl rudh ma, my a'th pys, rag skwith ov vy.’ Rag henna y hanow a veu gelwys Edom.

Jenesis 46:7

y vebyon, ha mebyon y vebyon ganso, y vyrghes, ha myrghes y vebyon. Hag oll y has ev a dhros ganso bys yn Ejyp.

Jenesis 47:12

Ha Yosep a ros sosten dh'y das ha'y vreder hag oll chi y das gans bara, war-lergh niver an fleghes.

Jenesis 47:27

Ytho Ysrael a drigas yn pow Ejyp, yn pow Goshen. I a gavas tiryow ena, ha doen frut, ha kressya yn feur.

Jenesis 47:6

Yma pow Ejyp a-dheragos. Gas dha das ha'th vreder dhe driga yn gwella rann an pow; gas i dhe driga yn pow Goshen. Ha mar kodhes bos yn aga mysk gwer abel, gorr i dhe vos gwithysi war ow chatel vy.’

1 Myghternedh 11:25

Ev o eskar Ysrael dydhyow oll Solomon, ow kul dregynn kepar dell wrug Hadad; ev a dhispresyas Ysrael hag a reynyas war Edom.

Ezra 9:12

Lemmyn ytho na rewgh agas myrghes dh'aga mebyon, ha na gemmerewgh aga myrghes dh'agas mebyon. Nevra na hwilewgh kevambos kres gansa, may fowgh krev, ha dybri dader an tir, ha'y asa dh'agas fleghes avel eretons bynitha.”

Salmow 105:23

Ena Ysrael a dheuth yn Ejyp, ha Yakob a drigas avel alyon yn pow Ham.

Eksodus 22:21

Ny wredh kammdhyghtya alyon na'y arwaska, drefenn hwi dhe vos alyons yn pow Ejyp.

Eksodus 23:9

Ynwedh, ny wredh arwaska alyon; hwi a aswonn kolonn alyon, rag hwi o alyons yn pow Ejyp.

Levitikus 19:34

An alyon trigys genowgh a vydh dhywgh kepar ha genesik yntredhowgh. Ty a'n kar kepar ha ty dha honan, rag hwi o alyons yn pow Ejyp. An Arloedh agas Duw ov vy.

Malaki 1:2

My re'gas karas, yn-medh an Arloedh. Mes hwi a lever, ‘Fatell y'gan kersys?’ A ny veu Esaw broder Yakob? yn-medh an Arloedh, Hwath my re garas Yakob,

Niverow 20:14

Moyses a dhannvonas kannasow a Kadesh dhe vyghtern Edom, ‘Yndellma y lever dha vroder Ysrael: Ty a woer oll an anken yw hwarvedhys dhyn:

Dewteronomi 10:19

Kerewgh an alyon; rag hwi a veu alyons yn pow Ejyp.

Dewteronomi 23:8

Fleghes genys dhedha y'n tressa henedh – aga diyskynnysi a yll dos a-ji dhe guntelles an Arloedh.