Dewteronomi 23:4 - An Bibel Kernewek 20234 (Kernewek Kemmyn)

⁴ drefenn na'gas metsons gans bara ha gans dowr y'n fordh pan dheuthewgh yn-mes a Ejyp, hag arveth er dha bynn Balaam mab Beor dhiworth Pethor yn Aram Naharaym dhe'th vollethi.

Dewteronomi 23:4 Iomraidhean Croise

1 Myghternedh 18:4

pan esa Yezebel ow ladha profoesi an Arloedh, Obadia a gemmersa kans profoes, aga hudha yn mogowyow, hanter kans yn pubonan, ha'ga sostena gans bara ha dowr.

Ezra 9:1

Wosa an taklow ma dhe vos kowlwrys, an bennsevigyon a dheuth dhymm, ow leverel, ‘Ny wrug pobel Ysrael, ha'n oferysi ha'n Levysi, dibarth yntra i ha kenedhlow an broyow, ow kul herwydh aga thaklow kasadow, kepar ha'n Kananysi, an Hittysi, an Perizzysi, an Yebusysi, an Ammonysi, an Moabysi, an Ejyptianys, ha'n Amorysi.

Nehemia 13:2

drefenn na vetsons fleghes Ysrael gans bara ha dowr, mes i a arvethas Balaam er aga fynn rag aga mollethi. Byttegyns, agan Duw a dreylyas an volleth dhe vennath.

Ysay 63:9

yn oll aga anken. Nyns o kannas nag el mes y lok ev a's sawyas. Yn y gerensa hag yn y druedh ev a's dasprenas; ev a's drehevis ha'ga doen oll an dydhyow koth.

Yeremia 49:1

A-dro dhe'n Ammonysi. Yndellma y lever an Arloedh: A nyns eus mebyon dhe Ysrael? A nyns eus her dhodho? Prag ytho yth eritas Milkom Gad ha'y bobel re annedhis yn y sitys?

Kynvannow 1:10

An eskar re ystynnas y dhorn war oll hy fythow drudh; rag hi re welas an kenedhlow dhe entra yn hy thyller sans, an re a dhifennsys jy orta mayth entrons y'th kuntelles.

Ezekiel 44:9

Yndellma y lever an Arloedh Duw: Ny dheu y'm sentri estren vyth, antrodreghys y golonn na antrodreghys y gig, na hwath an estrenyon usi yn mysk mebyon Ysrael.

Zekaria 2:8

Rag yndellma y leveris Arloedh an luyow, wosa y wolewder dhe'm dannvon dhe'n kenedhlow a wrug agas pylla; rag piwpynag a wrello agas tochya a doch bew y lagas.

Niverow 22:17

rag my a re dhywgh yn sur enor meur, ha pup-tra a leverydh dhymm my a'n gwra; dewgh, mollethewgh an bobel ma ragov.” ’

Niverow 23:7

Ha Balaam a gemmeras yn-bann y gows, ha leverel, ‘A-dhiworth Aram Balak re'm dros, myghtern Moab a venydhyow an howldrevel: Deus, molleth Yakob ragov, ha deus, kuhudh Ysrael!

Matthew 25:40

Hag y hwra an Myghtern gorthybi ow leverel dhedha, “Yn hwir y lavarav dhywgh, par dell y'n gwrussowgh dhe onan a'n lyha a'm breder ma, dhymmo vy y'n gwrussowgh.”

Oberow 9:4

hag ev a goedhas dhe'n dor, ha klewes lev ow leverel dhodho, ‘Sowl, Sowl, prag y'm helghydh vy?’

Yoshua 24:9

Ena Balak mab Sippor, myghtern Moab, a sevis dhe omladh erbynn Ysrael. Ev a dhannvonas ha gelwel dhe Balaam mab Beor, dh'agas mollethi.

2 Peder 2:15

Ow kasa an fordh ewn, i a sowdhanas, ow siwya fordh Balaam mab Beor a garas gober droktra,

Lyther Yud 1:11

Go-i rag kerdhes war fordh Kayn hag omri aga honan rag gober dhe gammweyth Balaam, hag yn rebellyans Koragh mos dhe goll.

1 Samuel 25:11

A gemmerav ow bara ha'm dowr ha'n kig re beu ledhys genev rag ow knyvyoryon, ha'y ri dhe wer na wonn vy a-ble teuthons?’