Dewteronomi 22:1 - An Bibel Kernewek 20234 (Kernewek Kemmyn)

¹ Na vir orth ojyon dha vroder po y oen ow mos yn stray, hag omgudha ragdha; gwra aga daskorr dhe'th vroder.

Dewteronomi 22:1 Iomraidhean Croise

Lavarow Koth 24:11

Delirv an re yw draylys dhe-ves dhe'n mernans, ha saw an re usi ow trebuchya troha dibennans.

Lavarow Koth 27:10

Na forsak dha goweth na koweth dha das; ha na enter dhe ji dha vroder yn dydh dha derroes. Gwell yw kentrevek eus yn ogas ages broder eus pell.

Lavarow Koth 28:27

Neb a re dhe'n voghosogyon, ny'n jevydh edhomm, mes neb a gudh y dhewlagas a'n jevydh mollothow pals.

Ysay 58:7

A nyns yw ranna dha vara gans an den nownek, ha dri boghosogyon dhiannedh y'th chi; pan welydh den noeth, y gwetha, ha ma na omgudhydh dhiworth dha gig dha honan?

Ysay 8:17

My a worta an Arloedh neb a gudh y fas dhiworth chi Yakob, hag ynno y fydh ow govenek.

Ezekiel 34:16

An re kellys a hwilav, ha'n re gyllys yn stray a dhrov dhe dre, ha'n re terrys a golmav, ha'n re wann a grevhav; mes an re dew ha'n re grev my a dhistru. My a's mag gans breus.

Ezekiel 34:4

Ny wrussowgh krevhe an deves gwann, na yaghhe an re klav, na kelmi an re brew; ny dhresowgh dhe-dre an re a wandras yn sowdhan, na ny hwilsowgh an re kellys, mes gans nerth hwi re's rewlyas, ha gans garowder.

Levitikus 20:4

Ha mar mynn pobel an tir kudha aga lagasow rag an gour na yn neb fordh, hag ev ow ri y has dhe Molek, ha ny'n ladhons,

Levitikus 6:3

po mar kavas neppyth o kellys ha leverel gow yn y gever ha ti yn fals a-dro dhe onan a'n taklow gwrys gans den, ha pegha yndellma:

Zekaria 7:9

Yndellma y lever Arloedh an luyow: Breusewgh gans gwirvreus; gwrewgh mersi ha piteth an eyl dh'y gila.

Matthew 10:6

mes kyns oll ewgh dhe dheves kellys chi Ysrael.

Matthew 15:24

Mes ev a worthybis, ow leverel, ‘Ny veuv vy dannvenys saw dhe dheves kellys chi Ysrael.’

1 Korinthianys 9:9

Rag yn lagha Moyses skrifys yw, ‘Na wra kelmi ojyon hag ev ow trushya.’ Yw oghen mayth yw Duw prederus a-dro dhedha?

Dewteronomi 22:2

Mar nyns yw dha vroder kar-ogas dhis po ny'n aswonnydh, doro an best dhe'th chi, hag y fydh genes bys pan wra dha vroder y hwilas; ena ty a'n daskorr dhodho.

1 Peder 2:25

Rag yth esewgh ow mos yn sowdhan kepar ha deves, mes lemmyn treylys owgh hwi dhe'n bugel ha'n epskop a'gas enev.