Dewteronomi 21:5 - An Bibel Kernewek 20234 (Kernewek Kemmyn)

⁵ Ha'n oferysi, mebyon Levi, a nes; rag an Arloedh dha Dhuw a wrug aga dewis dh'y servya ha dhe venniga yn hanow an Arloedh; ha gansa y fydh breusys pub kedrynn ha pub strekys.

Dewteronomi 21:5 Iomraidhean Croise

1 Kroniklys 23:13

Mebyon Amram: Aron ha Moyses. Aron a veu diberthys gans y vebyon bys vykken dhe sakra an taklow moyha sans, dhe leski offrynnow a-rag an Arloedh, dhe venystra dhodho ha dhe leverel bennathow yn y hanow bys vykken.

2 Kroniklys 19:10

Yn pub ken a dheu a-ragowgh dhiworth agas breder trigys yn aga sitys, yn skoellya goes, po treuspassow erell erbynn an lagha, an gorhemmynnow, an ordenansow, po an rewlys, ena hwi a's gwarn, rag na vons kablus dre begha erbynn an Arloedh, ha rag na dheffo konnar warnowgh ha war agas breder. Mar kwrewgh yndella, ny vydhowgh kablus.

Ezekiel 42:13

Ena yn-medh ev dhymm, ‘Helyow an gogledh ha helyow an dyghow a-rag an garth yw helyow sans may hyll an oferysi dybri an taklow an moyha sans. Ena i a sett an taklow an moyha sans, an offrynn greun, an offrynn pegh ha'n offrynn kammweyth, rag an tyller yw sans.

Ezekiel 44:24

Yn ken a lagha i a sev yn breus, hag i a vreus herwydh ow breusow vy. I a with ow lagha ha'm ordenansow rag oll ow goelyow apoyntys, hag i a with ow sabotys sans.

Levitikus 9:22

Hag Aron a dhrehevis y leuv troha'n bobel ha'ga benniga, ha diyskynna dhiworth offrynna an offrynn pegh ha'n offrynn leskys ha'n offrynnow kres.

Malaki 2:7

Rag y koedh dhe dhiwweus an oferyas gwitha skians, hag y tal dhe dus hwilas dyskans a'y anow, drefenn y vos kannas Arloedh an luyow.

Dewteronomi 10:8

Y'n termyn na an Arloedh a dhibarthas loeth Levi dhe dhegi argh kevambos an Arloedh, dhe sevel a-rag an Arloedh dh'y servya ha dhe venniga yn y hanow bys y'n jydh hedhyw.

Dewteronomi 18:5

Rag an Arloedh dha Dhuw re'n dewisas yn-mes a'th loethow oll, dhe sevel ha dhe servya yn hanow an Arloedh, ev ha'y vebyon bys vykken.

Dewteronomi 19:17

an dhew wour, a's teves an gedrynn, a sev a-rag an Arloedh, a-rag an oferysi ha'n vreusysi a serv y'n dydhyow na.

Dewteronomi 21:4

Henavogyon an dre na a dhre an lejek yn-nans dhe nans a dhowr ow resek na veu gonedhys na plynsys, ha terri ena konna an lejek y'n nans.