Dewteronomi 21:1 - An Bibel Kernewek 20234 (Kernewek Kemmyn)

¹ Mar kevir den ledhys y'n tir a wra an Arloedh dha Dhuw y ri dhis dh'y erita, a'y wrowedh y'n gwel, ha nyns yw godhvedhys piw a'n gweskis,

Dewteronomi 21:1 Iomraidhean Croise

Jenesis 4:10

Hag ev a leveris, ‘Pandr'a wruss'ta? Yma lev goes dha vroder ow karma warnav dhiworth an dor.

Salmow 5:6

Ty a dhistru an re a wowlever; an Arloedh a gas an gour goesek ha fals.

Salmow 9:12

Rag neb a wovynn goes yn dial a berth kov anedha; ny ankev garm an voghosogyon.

Lavarow Koth 28:17

Den hag yw beghys gans skoellya goes neb den, re hwillo skovva y'n pytt; na res nagonan gweres dhodho.

Ysay 26:21

Rag awotta an Arloedh ow tos yn-mes a'y le dhe gessydhya annedhysi an norvys rag aga anewnder. An dor a dhiskudh an krow skoellys warnodho; ha ny gudh y re ledhys byth moy.

Oberow 28:4

Ha pan welas an deythyogyon an sarf ow kregi a'y leuv, i a leveris an eyl dh'y gila, ‘Yn tevri, an den ma yw moldrer re beu sawys dhiworth an mor, mes ny wrug Ewnder y asa yn few.’

Dewteronomi 19:10

ma na vo goes gwiryon skoellys y'th tir a wra an Arloedh dha Dhuw y ri dhis avel eretons, ha ty dhe vos kablus a skoellya goes.

Dewteronomi 20:20

Saw gwydhenn a wodhes nag yw gwydhenn boes, honna y hyllydh distrui ha treghi rag drehevel tommenn erbynn an dre a woestel bel er dha bynn, bys pan goettho.

Dewteronomi 21:2

ena dha henavogyon ha'th vreusysi a yn-mes ha musura an pellder dhe'n trevow usi a-dro dhe'n den ledhys,

Dewteronomi 3:18

Ena my a worhemmynnis dhywgh y'n tor' na, ow leverel, ‘An Arloedh agas Duw re ros dhywgh an tir ma dh'y erita. Oll agas kasoryon, ervys rag batel, a wra mos a-dreus kyns agas breder, mebyon Ysrael.