Dewteronomi 2:9 - An Bibel Kernewek 20234 (Kernewek Kemmyn)

⁹ Ena an Arloedh a leveris dhymm, ‘Na omladh erbynn Moab ha na enter yn kas gansa, rag ny rov dhis travyth a'ga thiredh avel eretons, rag my re ros Ar dhe vebyon Lot avel eretons.’

Dewteronomi 2:9 Iomraidhean Croise

2 Kroniklys 20:10

Lemmyn, awotta mebyon Ammon, Moab, ha Menydh Seir! Ny essys dhe'n Ysraelysi dos yn aga thiredh pan dheuthons yn-mes a bow Ejyp; ytho i a dreylyas dhiworta heb aga diswul.

Salmow 83:8

Asshur ynwedh re junyas gansa; i re weresas dhe vebyon Lot. Sela.

Ysay 15:1

Profoesans a-dro dhe Moab: Ar yn Moab yw gwastys, distruys yn unn nos. Kir yn Moab yw gwastys, distruys yn unn nos.

Niverow 21:15

ha ledrow an nansow a ystynn dhe drigva Ar, hag a boes trohag or Moab.’

Niverow 21:28

Rag tan eth yn-rag a-dhiworth Heshbon, flamm dhiworth sita Sihon. Ev a gowlloskas Ar Moab, arlydhi breow Arnon.

Niverow 22:4

Ha Moab a leveris dhe henavogyon Midyan, ‘An routh ma a wra dybri pup-tra eus a-dro dhyn, par dell dheber an ojyon gwels an gwel.’ Ytho Balak mab Sippor, neb o myghtern Moab y'n termyn na,

Dewteronomi 2:29

kepar dell wrug dhymm mebyon Esaw usi trigys yn Seir, ha'n Moabysi usi trigys yn Ar, erna dreussiv an Yordan war-tu ha'n tir neb a re dhyn an Arloedh agan Duw.’

Dewteronomi 2:5

Na entrewgh yn kas gansa; rag ny rov dhywgh travyth a'ga thiredh, hwath lowr rag trettya godhen troes, rag my re ros menydh Seir dhe Esaw avel eretons.

Breusysi 11:15

hag a leveris dhodho, ‘Yndella a lever Yefthagh: Ny dhegemmeras Ysrael tir Moab dhe-ves na tir an Ammonysi,

Breusysi 11:17

Ena Ysrael a dhannvonas kannasow dhe vyghtern Edom, ow leverel, “Gas ni dhe dremena dre dha dir”; mes ny vynna myghtern Edom goslowes. I a dhannvonas ynwedh dhe vyghtern Moab, mes ny vynna assentya. Ytho Ysrael a wortas orth Kadesh.

Breusysi 11:18

Ena i a vyajyas der an gwylvos, i a dremenas ryb pow Edom ha tir Moab hag a dheuth dhe denewen an est dhe bow Moab hag a gampyas a'n tu arall dhe Arnon. Ny entersons tir Moab, rag Arnon o or Moab.