Dewteronomi 2:7 - An Bibel Kernewek 20234 (Kernewek Kemmyn)

⁷ Rag an Arloedh dha Dhuw re'th vennigas yn pub ober a'th leuv. Ev a woer dha gerdh dre'n gwylvos bras ma. An dew-ugens blydhen ma an Arloedh dha Dhuw re beu genes, ha ny fyllsys a dravyth.’

Dewteronomi 2:7 Iomraidhean Croise

Jenesis 12:2

Ha my a vynn dha wul kenedhel vras, ha my a'th vennik ha gul dha hanow meur y vri, ha ty a vydh bennath:

Jenesis 24:35

ha'n Arloedh re vennigas ow arloedh yn fras, hag ev re dheuth ha bos bras; ev re ros dhodho deves ha chatel, arghans hag owr, kethyon ha maghtethyon, kowrvergh hag asenes.

Jenesis 26:12

Hag Ysak a hasas has y'n pow na ha kavoes kansplek y'n vlydhen na, ha'n Arloedh a'n bennigas.

Jenesis 30:27

Yn-medh Laban dhodho, ‘Mar kwrug vy kavoes gras y'th wolok, my re dhyskas dre dhewinieth an Arloedh dhe'm benniga a'th wovis.’

Jenesis 39:3

Ha'y arloedh a welas bos an Arloedh ganso, ha'n Arloedh dhe wul pup-tra esa ow kul dhe seweni yn y dhorn.

Jenesis 39:5

A-dhia'n termyn may hwrug ev y apoyntya war y ji ha war bup-tra esa dhodho, an Arloedh a vennigas chi an Ejyptyan drefenn Yosep; hag yth esa bennath an Arloedh war bup-tra esa dhodho y'n chi hag y'n gwel.

Nehemia 9:21

Rag dew-ugens blydhen ty a's sostena y'n gwylvos ma na fyllis dhedha travyth; ny gothhas aga dillas warnedha ha ny hwythfis aga threys.

Job 23:10

Mes ev a aswonn ow fordh vy; mara'm proffa, gylsen vy yn-mes kepar hag owr.

Salmow 1:6

rag an Arloedh a aswonn fordh an re wiryon, mes fordh an debeles a dhe goll.

Salmow 107:4

I a wandras y'n difeyth hag yn fordh an gwylvos, ny gavsons sita may trykkens ynni;

Salmow 31:7

My a vydh heudhik ha lowenhe y'th tregeredh, rag ty re welas ow foenvos, hag aswonn ankenyow ow enev.

Salmow 90:17

Ha bedhes favour an Arloedh agan Duw warnan ni, ha fast ober agan diwleuv warnan, fast ober agan diwleuv.

Eksodus 16:35

Ha mebyon Ysrael a dhybris an manna dew-ugens blydhen, bys pan dheuthons dhe dir annedhys; i a dhybris an manna bys pan dheuthons dhe or pow Kanan.

Yeremia 2:2

Ke ha kria yn skovornow Yerusalem, ow leverel, Yndellma y lever an Arloedh: My a berth kov ahanas, lelder dha yowynkneth, dha gerensa avel benyn bries nowydh, pan ythys war ow lergh y'n gwylvos, yn tir na veu gonedhys.

Hosea 13:5

My a'th wodhya y'n gwylvos, yn tir a syghter.

Amos 2:10

Ha my a'gas dros yn-mes a bow Ejyp, ha'gas hembronk dew-ugens blydhen y'n difeyth rag perghenna bro an Amorysi;

Niverow 1:1

An Arloedh a gewsis orth Moyses yn gwylvos Sinay, yn tylda an kuntelles, yn kynsa dydh an nessa mis, y'n nessa blydhen wosa i dhe dhos yn-mes a Ejyp, ow leverel,

Niverow 14:33

Ha'gas fleghes a vydh bugeledh y'n gwylvos dew-ugens blydhen, hag a wra godhevel rag agas dislender bys pan wra an diwettha a'gas korfow marow growedha y'n gwylvos.

Niverow 14:34

War-lergh niver an dydhyow mayth aspisowgh an tir, dew-ugens dydh, rag pub dydh unn vlydhen, hwi a dheg agas kammweyth, dew-ugens blydhen, ha hwi a wra aswonn ow displesour.’

Niverow 22:12

Duw a leveris dhe Balaam, ‘Ny wredh mos gansa; ny wredh mollethi an bobel, rag benniges yns.’

Niverow 32:13

Ha sorr an Arloedh a dhewis erbynn Ysrael, hag ev a wrug dhedha gwandra y'n gwylvos dew-ugens blydhen, bys pan veu gorfennys oll an henedh re wrussa drog yn golok an Arloedh.

Luk 22:35

Hag ev a leveris dhedha, ‘Pan y'gas dannvenis heb pors na skryp nag eskisyow, a fyllis dhywgh travyth?’ Yn-medhons i, ‘Travyth.’

Yowann 10:27

Ow deves a glew ow lev, ha my a's aswonn, hag i a'm siw.

Dewteronomi 1:19

Ena ni a omdennas dhiworth Horeb ha mos der oll an difeythtir bras hag euthyk a welsowgh, war an fordh dhe venydh an Amorysi, kepar dell worhemmynnis an Arloedh agan Duw dhyn; ha ni a dheuth bys yn Kadesh-barnea.

Dewteronomi 1:46

Ytho yth esewgh trigys yn Kadesh lies dydh, oll an dydhyow a drigsowgh ena.

Dewteronomi 2:14

Termyn agan kerdh dhiworth Kadesh-barnea bys pan dreussyn gover Zered o etek blydhen warn ugens; y'n kettermyn, oll henedh gwer an vresel re vawrsa yn-mes a'n kamp, dell dos an Arloedh dhedha.

Dewteronomi 2:6

Hwi a bren boes anedha a arghans ha dybri, hag ynwedh hwi a bren dowr anedha a arghans hag eva.

Dewteronomi 29:4

Mes ny ros dhywgh an Arloedh kolonn dhe wodhvos, na dhewlagas dhe weles, na dhiwskovarn dhe glewes bys y'n jydh hedhyw.

Dewteronomi 29:5

Dres dew-ugens blydhen my re'gas hembronkas y'n gwylvos; ny gothhas agas dillas warnowgh, ha ny gothhas dha sandal war dha droes.

Yoshua 5:6

Rag an Ysraelysi a gerdhas dewgens blydhen der an gwylvos, bys pan verwis oll henedh an vreselyoryon, an re gyllys yn-mes a Ejyp, na woslowsons orth lev an Arloedh. An Arloedh a dos dhedha na assa i dhe weles an tir re dosa dh'aga thasow dhe ri dhyn, tir a dhinwa leth ha mel.