Dewteronomi 2:5 - An Bibel Kernewek 20234 (Kernewek Kemmyn)

⁵ Na entrewgh yn kas gansa; rag ny rov dhywgh travyth a'ga thiredh, hwath lowr rag trettya godhen troes, rag my re ros menydh Seir dhe Esaw avel eretons.

Dewteronomi 2:5 Iomraidhean Croise

Jenesis 36:8

Ytho Esaw a drigas yn menydh Seir. Esaw yw Edom.

Jenesis 36:9

An re ma yw henedhow Esaw, tas Edom, yn menydh Seir.

Yeremia 27:5

My re wrug an nor, an den ha'n best usi war an nor, der ow galloes meur ha der ow bregh ystynnys, ha'y ri dhe biwpynag a blekkyo dhymm.

Ezekiel 35:2

Mab den, sett dha fas erbynn menydh Seir, ha profoes er y bynn,

Daniel 4:25

may fi fesys pell dhiworth tus, ha'th annedh a vydh gans bestes gwyls, gwrys dhe dhybri gwels avel oghen, ha glybys gans gluth an nevow. Warnas y tremen seyth seson, bys pan gonvedhydh bos an Ughella rewler yn gwlaskor mab-den, hag y's re dhe neb a vynno.

Daniel 4:32

hag i a'th fes pell dhiworth tus, ha'th annedh a vydh gans an bestes gwyls, hag i a'th wra dhe dhybri gwels avel oghen; warnas y tremen seyth seson bys pan wodhvydhydh bos an Ughella rewler yn gwlaskor mab-den, hag ev a's re dhe neb a vynno.’

Oberow 17:26

hag ev a wrug a unn den pub kenedhel a dus mayth annetthens enep kowal an nor, hag ev a apoyntyas aga oesow destnys hag oryon aga annedhow,

Oberow 7:5

Hwath ny ros dhodho eretons ynno, na kyn fe troesla, mes ev a dhedhewis y ri rag perghennogeth dhodho ev ha dh'y henedh war y lergh, kyn nag esa flogh dhodho.

Dewteronomi 2:22

dell wrussa rag mebyon Esaw, trigys yn Seir, pan dhistruis an Horysi a-ragdha, hag i a's fesyas ha triga yn aga le bys y'n jydh hedhyw.

Dewteronomi 2:6

Hwi a bren boes anedha a arghans ha dybri, hag ynwedh hwi a bren dowr anedha a arghans hag eva.

Dewteronomi 32:8

Pan ros an Ughella aga eretons dhe'n kenedhlow, pan rannas mebyon den, ev a settyas oryon poblow war-lergh niver mebyon Ysrael.

Yoshua 24:4

ha dhe Ysak my a ros Yakob hag Esaw. My a ros dhe Esaw menydh Seir rag y gavoes yn perghennogeth, mes Yakob ha'y vebyon eth yn-nans dhe Ejyp.