Dewteronomi 2:34 - An Bibel Kernewek 20234 (Kernewek Kemmyn)

³⁴ Ha ni a gemmeras oll y drevow y'n termyn na, ha sakra pub tre dhe dhistruyans, gwer, benynes, ha fleghes; ny essyn denvyth dhe skapya.

Dewteronomi 2:34 Iomraidhean Croise

Dewteronomi 3:6

Ni a's sakras dhe dhistruyans kepar dell wrussyn dhe Sihon myghtern Heshbon, ow tistrui pub tre, gwer, benynes, ha fleghes.

Dewteronomi 7:2

ha pan wra an Arloedh dha Dhuw aga delivra dhis, ty a wra aga gweskel, ha'ga sakra dhe dhistruyans. Na wra kevambos gansa, nag dhiskwedhes mersi.

Dewteronomi 7:26

Na dhro pyth kasadow dhe'th chi, ma na vi sakrys rag distruyans avello. Ty a'n kas gans kas kowal, ha'y aborrya, drefenn y vos sakrys rag distruyans.

Yoshua 10:28

Yoshua a gemmeras Makkeda an jydh na, ha gweskel an sita ha'y myghtern gans min an kledha; ev a's sakras dhe dhistruyans, ha peub esa ynni; ny asas denvyth dhe vos gesys. Hag ev a wrug dhe vyghtern Makkeda dell wrussa dhe vyghtern Yeriko.

Yoshua 10:40

Ytho Yoshua a weskis oll tir an vro venydhyek, an Negeb, an Shefela ha'n ledrow hag oll aga myghternedh; ny asas dhe vos gesys denvyth. Ev sakras dhe dhistruyans pup-tra a anellas, dell worhemmynnis an Arloedh, Duw Ysrael.

Yoshua 11:14

An Ysraelysi a byllas oll preydh an sitys ma ha gwitha ragdha aga honan an bestes ha'n preydh arall; mes i a weskis oll an dus gans min an kledha, bys pan y's distrusens oll. Ny assons dhe vewa denvyth a anellas.

Yoshua 6:21

Ena i a sakras dhe dhistruans gans min an kledha oll esa y'n sita, gwer ha benynes, gwer yowynk ha hen, oghen, deves hag asenes.

Yoshua 7:11

Ysrael re beghas; i re dreuspassyas erbynn ow hevambos a worhemmynnis dhedha. I re gemmeras re a'n taklow sakrys dhe dhistruyans; i re's ladras, ha'ga hudha, orth aga gorra gans aga lestri aga honan.

Yoshua 9:24

I a worthybis dhe Yoshua, ‘Y feu derivys dhe'th wesyon an Arloedh dha Dhuw dhe worhemmynna dh'y was Moyses ri dhywgh oll an pow, ha distrui oll annedhysi an pow a-ragowgh; ytho ni a berthi own a'gan bewnans a'gas govis, ha rakhenna ni a wrug an dra ma.

1 Samuel 15:3

Lemmyn, ke ha gwask Amalek, ha distru glan pup-tra a's teves, ha na wra aga sparya; mes ladh gour ha benyn, flogh ha fleghik, ojyon ha davas, kowrvargh hag asen.” ’