Dewteronomi 2:11 - An Bibel Kernewek 20234 (Kernewek Kemmyn)

¹¹ Ynwedh i o tybys dhe vos Refaim, kepar ha'n Anakim, mes an Moabysi a's henwis Emim.

Dewteronomi 2:11 Iomraidhean Croise

Jenesis 14:5

Hag y'n peswardhegves blydhen, Kedorlaomer ha'n vyghternedh esa ganso a dheuth ha fetha an Refaim yn Ashteroth-karnaym ha'n Zuzim yn Ham ha'n Emim yn Shave-kiryathaym,

Jenesis 6:4

Yth esa an Nefilim y'n nor y'n dydhyow na, hag a'y wosa keffrys, pan dheuth mebyon Duw dhe vyrghes mab-den; hag i a dhineythis fleghes dhedha. Tus alloesek ens i a dermyn koth, tus a vri.

2 Samuel 21:16

Hag Yshbi-benob, onan a vebyon an gewri, may feu poes y wuw trihans shekel a vrons, hag ev grogysys gans kledha nowydh, a brederis ev dhe ladha Davydh.

Niverow 13:22

I a yskynnas dhe'n Negeb, ha dos dhe Hebron; hag yth esa ena Ahiman, Sheshay, ha Talmay, diyskynnysi Anak. (Hebron a veu drehevys seyth blydhen kyns es Soan yn Ejyp.)

Niverow 13:28

Mes an bobel trigys y'n tir yw krev, ha'n sitys yw kerys ha pur vras; ha dres henna, ni a welas diyskynnysi Anak ena.

Niverow 13:33

Hag ena ni a welas an Nefilim (mebyon Anak a dheuth dhiworth an Nefilim), hag yth en ni yn agan dewlagas agan honan kepar ha kulyeges-reden, hag yndellma o agan semlans dhedha i.’

Dewteronomi 1:28

Ple'th en ni yn-bann? Agan breder re wrug dh'agan kolonn teudhi, ow leverel, “Pobel vrassa ha hirra ageson yns; aga sitys yw bras ha kerys bys y'n ebron, hag ynwedh ni a welas mebyon an Anakim ena.” ’

Dewteronomi 2:20

(Henna ynwedh o tybys dhe vos tiredh Refaim, neb esa trigys ynni kyns; mes an Ammonysi a's henwis Zamzummim.

Dewteronomi 3:11

Rag ny veu gesys saw unnsel Og myghtern Bashan dhiworth remenant an Refaim. Otta, y weli o gweli a horn: a nyns usi yn Rabbath a vebyon Ammon? Naw kevelin yw y hys ha peswar kevelin y les, war-lergh kevelin gour.

Dewteronomi 9:2

pobel vras ha hir, mebyon an Anakim a aswonnydh, ha ty re'n klewas bos leverys, ‘Piw a yll sevel a-rag mebyon Anak?’