Dewteronomi 18:9 - An Bibel Kernewek 20234 (Kernewek Kemmyn)

⁹ Pan dheudh jy dhe'n tir a wra an Arloedh dha Dhuw y ri dhis, ny dhyskydh gul war-lergh taklow kasadow an kenedhlow na.

Dewteronomi 18:9 Iomraidhean Croise

2 Myghternedh 17:11

hag ena i a loskas offrynnow yn pub tyller ughel, kepar dell wre an kenedhlow a wrug an Arloedh aga fesya a-ragdha. I a wre drogoberow a brovokyas an Arloedh dhe sorr;

2 Myghternedh 17:8

ha kerdhes yn ordenansow an kenedhlow a wrussa an Arloedh aga fesya yn-mes a-rag an Ysraelysi, ha kerdhes y'n taklow gwrys gans myghternedh Ysrael.

2 Kroniklys 28:3

hag ev a leski sakrifisow yn nans mab Hinnom, hag a wre dh'y vebyon tremena dre dan herwydh usadow kasadow an kenedhlow a wrug an Arloedh aga fesya a-rag mebyon Ysrael.

2 Kroniklys 36:14

Ynwedh oll an pennoferysi ha'n bobel o fest dislel, owth holya oll taklow kasadow an kenedhlow; hag i a dhefolas chi an Arloedh re wrussa y sakra yn Yerusalem.

Yeremia 10:2

Yndellma y lever an Arloedh: Na dhyskewgh fordh an kenedhlow, ha na vedhewgh digolonnek orth toknys nev; rag an kenedhlow yw digolonnek orta.

Levitikus 18:30

Ytho synsewgh ow charj, ma na wryllowgh travyth a'n ordenansow kasadow a'n par ma a veu gwrys kyns hwi dhe dhos, nag omdhefola dredha. An Arloedh agas Duw ov vy.

Dewteronomi 20:18

rag na'gas dyskons dhe wul war-lergh oll an taklow kasadow a wrons rag aga duwow, ha hwi a begh erbynn an Arloedh agas Duw.

Dewteronomi 9:4

Na lavar y'th kolonn, pan wra an Arloedh dha Dhuw aga fesya a-ragos, ‘Yth yw drefenn ow ewnder y hwrug an Arloedh ow dri dhe erita an tir ma.’ Yth yw drefenn sherewynsi an kenedhlow ma y hwra an Arloedh aga fesya a-ragos.

Dewteronomi 9:5

Nyns yw drefenn dha ewnder, na drefenn ewnhynseth dha golonn, yth esos ow tos dhe erita aga thir; mes yth yw drefenn sherewynsi an kenedhlow ma y hwra an Arloedh dha Dhuw aga fesya a-ragos, rag may fastyo an ger a dos an Arloedh dhe'th tasow, dhe Abraham, dhe Ysak, ha dhe Yakob.