Dewteronomi 18:10 - An Bibel Kernewek 20234 (Kernewek Kemmyn)

¹⁰ Ny vydh kevys yntredhowgh nebonan a offrynn y vab po y vyrgh gans tan, na neb a wra dewinieth, na koelyek, na gorhenyas, na pystrier,

Dewteronomi 18:10 Iomraidhean Croise

Jenesis 44:5

A nyns yw hemma an hanaf mayth yv ow arloedh anodho, ha gul dewinieth ganso? Ow kul hemma, hwi re wrug tebelwrians.” ’

2 Myghternedh 16:3

Mes ev a gerdhi yn hynsyow myghternedh Ysrael, hag a wrug dh'y vab tremena dre dan, herwydh gweythresow divlas an kenedhlow a fesyas an Arloedh a-rag pobel Ysrael.

2 Myghternedh 17:15

I a asas y laghys, ha'y gevambos a wrug ev gans aga thasow, ha'n gwarnyansow a ros ev dhedha. I a siwyas idolys koeg hag eth ha bos koeg aga honan; i a siwyas an kenedhlow esa a-dro dhedha, hag a-dro dhedha an Arloedh re worhemmynnsa na dalvia dhedha gul yndella.

2 Myghternedh 17:17

I a wre dh'aga mebyon ha myrghes tremena dre dan; i a dhevnydhya dewinieth ha pystri; hag i a omros aga honan dhe wul drog yn golok an Arloedh, orth y brovokya dhe sorr.

2 Myghternedh 21:6

Ev a wre dh'y vab tremena dre dan; ev a wre dewinieth ha pystri, ha dyghtya nygromons ha pystrioryon. Ev a wrug meur a dhrog yn golok an Arloedh, orth y brovokya dhe sorr.

2 Myghternedh 23:24

Hwath pella, Yosia a dhistruis an nygromonsoryon, an goelyogyon, an terafim, an imajys, hag oll an taklow kasadow a veu gwelys yn pow Yuda hag yn Yerusalem. Yndella ev a fastyas geryow an lagha o skrifys y'n lyver a gavas Hilkia an oferyas yn chi an Arloedh.

1 Kroniklys 10:13

Sowl a verwis drefenn y vos dislen dhe'n ARLOEDH. Ny withas ger an Arloedh hag ynwedh ev a hwilas kusul dhiworth nygromons,

2 Kroniklys 28:3

hag ev a leski sakrifisow yn nans mab Hinnom, hag a wre dh'y vebyon tremena dre dan herwydh usadow kasadow an kenedhlow a wrug an Arloedh aga fesya a-rag mebyon Ysrael.

2 Kroniklys 33:6

Ev a wre dh'y vebyon tremena dre dan yn nans mab Hinnom, hag a wre dewinieth ha pystri ha hus, hag a hwila kusul dhiworth nygromons. Ev a wrug droktraow pals yn golok an Arloedh, orth y brovokya dhe sorr.

Eksodus 22:17

Mar nagh hy thas yn tien hy ri dhodho, ev a wra tyli arghans par dhe ro demmedhyans rag gwyrghesow.

Eksodus 22:18

Ny esydh pystriores dhe vewa.

Ysay 47:13

Skwith yth os gans dha gusulyansow pals; seves ha'th sawya an re a hwither an nevow, neb a vir orth an ster; an re a dhargan yn termyn an loer nowydh an pyth a dheu warnas.

Yeremia 27:10

Rag i a brofoes gow dhywgh, may fydhowgh gorrys pell dhiworth agas tir; my a'gas fes yn-mes, ha hwi a dhe goll.

Yeremia 27:9

Ytho, na woslowewgh orth agas profoesi, na'gas koelyogyon, na'gas hunrosysi, na'gas hudoryon, na'gas pystrioryon, a gews dhywgh, ow leverel, ‘Ny servyowgh myghtern Babylon.’

Yeremia 32:35

Hag i a dhrehevis an tylleryow ughel a Baal yn nans mab Hinnom, dhe wul dh'aga mebyon ha'ga myrghes tremena der an tan dhe Molek, kyn na worhemmynnis dhedha, na ny dheuth y'm brys may hwrellens an dra gasadow ma, ow kul dhe Yuda pegha.

Yeremia 7:31

Hag i re dhrehevis an tylleryow ughel a Tofeth, usi yn nans mab Hinnom, dhe leski aga mebyon ha'ga myrghes y'n tan; tra na worhemmynnis, na ny dheuth y'm kolonn.

Levitikus 19:26

Ny wrewgh hwi dybri travyth gans goes. Ny wrewgh hwi dewinieth na koela orth koelyek.

Levitikus 19:31

Na dreylyewgh dhe nygromons, ha na hwilewgh koelyogyon, dhe vos defolys gansa. An Arloedh ov vy.

Levitikus 20:6

Ha'n den a dreyl dhe nygromons ha dhe goelyogyon, ow mos dhe horya gansa, my a vynn settya ow fas erbynn an den na ha'y dreghi dhe-ves dhiworth y bobel.

Mika 5:12

ha my a vynn defendya pystriow mes a dha dhorn, ha ty ny' fydh koelyogyon namoy;

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

Oberow 19:19

Ha niver da a'n re neb a wre pystri a guntellas aga lyvrow ha'ga leski a-rag an bobel oll; hag i a reknas an pris anedha, hag yth o hanter-kans mil vath a arghans.

Oberow 8:9

Lemmyn yth esa unn gour henwys Simon neb a wre pystria seuladhydh y'n sita, ha gorra marth yn bobel Samaria, ow leverel y vos nebonan meur y vri;

Galatianys 5:20

gordhyans idolys, pystri, kas, strif, envi, sorr, strif, fowt akord, eresys,

Dewteronomi 12:31

Na wra yndella dhe'n Arloedh dha Dhuw, rag i re wrug dh'aga duwow oll an taklow vil a wra an Arloedh aga hasa. I a lesk ynwedh aga mebyon ha'ga myrghes gans tan dh'aga duwow.

1 Samuel 15:23

Rag rebellyans yw avel pegh dewinieth, ha gorthter yw kepar ha kammweyth ha gordhyans idolys. Drefenn ty dhe skonya ger an Arloedh, ev ynwedh re'th skonyas a vones myghtern.’

1 Samuel 28:3

Lemmyn Samuel o marow, hag oll Ysrael a gynis ragdho, ha'y ynkleudhyas yn Rama, y sita y honan. Sowl re bellhasa an nygromonsoryon ha'n goelyogyon mes a'n pow.

1 Samuel 28:7

Ena yn-medh Sowl dh'y wesyon, ‘Hwilewgh ragov nygromonsores, may hallav mos dhedhi, ha govynn orti.’ Y wesyon a leveris dhodho, ‘Otta, yma nygromonsores yn Endor.’

1 Samuel 28:8

Ytho Sowl a dhivelebis y semlans hag omwiska yn dillas arall ha mos di, ev ha dew wour ganso. I a dheuth dhe'n venyn y'n nos. Hag yn-medh ev, ‘Gwra dewinieth ragov dre nygromons, ha dri yn-bann ragov ev neb a hanwav dhis.’

1 Samuel 28:9

Hag yn-medh an venyn dhodho, ‘Otta, ty a woer an pyth re wrug Sowl. Ev re droghas dhe-ves an nygromonsoryon ha'n goelyogyon mes a'n pow. Rakhenna prag yth esos ow settya antell rag ow bewnans dhe wul ow mernans?’