Dewteronomi 17:9 - An Bibel Kernewek 20234 (Kernewek Kemmyn)

⁹ Ty a dheu dhe'n oferysi leviek, ha dhe'n breusyas a serv y'n dydhyow na, ha govynn; hag i a dheriv dhis ervirans an vreus.

Dewteronomi 17:9 Iomraidhean Croise

1 Kroniklys 26:29

A'n Ysharysi: Kenania ha'y vebyon a veu apoyntys dhe dheverow tu a-ves rag Ysrael, avel soedhogyon ha breusysi.

Eksodus 18:16

pan vydh kedrynn dhedha, y tons dhymm ha my a vreus yntra den ha'y gentrevek, ha my a wra dhedha aswonn ordenansow Duw ha'y laghys.’

Eksodus 22:8

Mar ny vydh kevys an lader, perghennek an chi a nes dhe Dhuw, rag diskwedhes mar korras y dhorn dhe wara y gentrevek po na.

Yeremia 18:18

Ena i a leveris, ‘Dewgh, ha tewlel towlow erbynn Yeremia; rag ny vydh kellys an lagha dhiworth an oferyas, na kusul dhiworth an re fur, na'n ger dhiworth an profoes. Dewgh ha'y weskel gans an taves, ha na woslowyn dhe nagonan a'y eryow.’

Ezekiel 44:24

Yn ken a lagha i a sev yn breus, hag i a vreus herwydh ow breusow vy. I a with ow lagha ha'm ordenansow rag oll ow goelyow apoyntys, hag i a with ow sabotys sans.

Haggay 2:11

Yndellma y leveris an Arloedh: ‘Pys ervirans dhiworth an oferysi:

Zekaria 3:7

‘Yndellma y lever Arloedh an luyow: Mar kerdhydh y'm fordhow ha gwitha ow charj, ena ty a wra governa ow chi ha gwitha ow klosyow, ha my a re dhis awtorita dhe dhos ha mos yn mysk an re usi ow sevel omma.

Zekaria 7:3

ow leverel dhe'n oferysi yn chi Arloedh an luyow ha dhe'n brofoesi, ‘A dalav galari ha gul penys y'n pympes mis, dell wren vy nans yw lies blydhen?’

Malaki 2:7

Rag y koedh dhe dhiwweus an oferyas gwitha skians, hag y tal dhe dus hwilas dyskans a'y anow, drefenn y vos kannas Arloedh an luyow.

Dewteronomi 16:18

Ty a re breusysi ha soedhogyon yn oll dha yetys a wra an Arloedh dha Dhuw aga ri dhis, dre dha loethow; hag i a vreus an bobel gans gwirvreus.

Dewteronomi 17:10

Ena ty a wra war-lergh an ger a dherivons dhis dhiworth an tyller ma a wra an Arloedh y dhewis. Gwayt gul war-lergh pup-tra a dhyskons dhis.

Dewteronomi 21:5

Ha'n oferysi, mebyon Levi, a nes; rag an Arloedh dha Dhuw a wrug aga dewis dh'y servya ha dhe venniga yn hanow an Arloedh; ha gansa y fydh breusys pub kedrynn ha pub strekys.

Dewteronomi 25:1

Mars eus dadhel yntra gwer, dens i dhe vreuslys hag i a re barn dhedha; ena i a akwit an den gwiryon ha dampnya an tebelwas.

Dewteronomi 33:10

I a dhysk dha vreusow dhe Yakob, ha'th lagha dhe Ysrael. I a worr ynkys y'th tewfrik, hag offrynn kowlleskys war dha alter.