Dewteronomi 17:16 - An Bibel Kernewek 20234 (Kernewek Kemmyn)

¹⁶ Saw na geves dhodho y honan niver bras a vergh, ha na wres dhe'n bobel dehweles dhe Ejyp rag may kaffons mergh moy, rag an Arloedh re leveris dhywgh, ‘Na dhehwelewgh nevra y'n fordh ma arta.’

Dewteronomi 17:16 Iomraidhean Croise

2 Samuel 8:4

Davydh a gemmeras dhiworto mil varghek ha seyth kans, hag ugens mil droesek. Davydh a evredhis oll mergh an charettow, mes ev a asas lowr anedha rag kans charett.

1 Myghternedh 1:5

Adoniya mab Haggith a omdhrehevis, ow leverel, ‘My a vydh myghtern’: hag ev a bareusis ragdho charettow ha marghogyon, ha deg korfwithyas ha dew-ugens rag poenya a-ragdho.

1 Myghternedh 4:26

Solomon a'n jevo ynwedh dew-ugens mil stall a vergh rag y jarettow ha dewdhek mil varghek.

1 Myghternedh 5:6

Rakhenna gorhemmynn bos treghys ragov kederwydh a Lebanon. Ow wesyon a vydh gans dha wesyon, ha my a re gobrow dhe'th wesyon herwydh dha hwans; rag ty a woer nag eus denvyth yntredhon a woer treghi gwydh avel an Sidonysi.’

2 Kroniklys 1:16

Mergh Solomon o ynperthys dhiworth Ejyp ha Kue; gwikoryon an myghtern a's degemmeras dhiworta a'n pris kemmyn.

2 Kroniklys 9:25

Solomon a'n jevo peswar mil stall rag mergh ha charettow, ha dewdhek mil vargh; ev a's gwithas yn sitys charettow ha gans an myghtern y honan yn Yerusalem.

Salmow 20:7

Re a drest yn charettow ha re yn mergh; mes ni a berth kov a hanow an Arloedh agan Duw.

Eksodus 13:17

Pan asas Faro an bobel dhe vones, ny wrug Duw aga hembronk war an fordh dhe bow an Filistysi, kynth o ogas; rag Duw a leveris, ‘Ma na gemerrons edrek pan welons bresel, ha dehweles dhe Ejyp.’

Eksodus 13:18

Mes Duw a hembronkas an bobel a-dro dre fordh an gwylvos troha'n Mor Rudh. Ha mebyon Ysrael eth yn-mes a bow Ejyp pareusys arayys rag kas.

Eksodus 14:13

Ha Moyses a leveris dhe'n bobel, ‘Na berthewgh own, sevewgh fyrv ha gweles selwyans an Arloedh a wra oberi ragowgh hedhyw; rag an Ejyptianys a welowgh hedhyw, ny wrewgh aga gweles nevra arta.

Ysay 2:7

Y wlas yw lenwys a arghans hag owr, ha nyns eus diwedh dh'y dresoryow. Y wlas yw lenwys a vergh; ha nyns eus diwedh dh'y jarettow.

Yeremia 42:19

An Arloedh re leveris dhywgh, hwi remenant Yuda, Nag ewgh dhe Ejyp. Godhvydhewgh my dh'agas gwarnya hedhyw

Ezekiel 17:15

Mes ev a rebellyas er y bynn, ow tannvon y gannasow dhe Ejyp, dhe ri dhodho mergh ha lu bras. A yll bos seweni? A yll skapya, neb a wra yndella? A yll terri kevambos ha skapya?

Hosea 11:5

Ny dhehwel dhe bow Ejyp, mes Assyria a vydh y vyghtern, rag i a skonyas a dhehweles dhymm.

Hosea 14:3

Ny wra Assyria agan sawya; ny wren ni marghogeth war vergh. Ny leveryn arta “Agan duwow” dhe ober agan diwla, rag ynnos jy y kyv an omdhivas truedh.’

Mika 5:10

Hag y'n jydh na, yn-medh an Arloedh, my a dregh dha vergh a-dhiworthis ha shyndya dha jarettow;

Dewteronomi 28:68

An Arloedh a'th tre arta dhe Ejyp yn gorholyon y'n fordh a leveris dhis na wres hy gweles nevra namoy; hag ena ty a as dha honan dhe vos gwerthys dhe'th eskerens avel kethyon ha kethesow mes denvyth ny wra agas prena.

1 Samuel 8:11

Ev a leveris, ‘Hemma a vydh fordhow an myghtern neb a reyn warnowgh: ev a gemmer agas mebyon ha'gas apoyntya rag y jarettow ha dhe vos y varghogyon, ha dhe boenya a-dherag y jarettow;