Dewteronomi 17:12 - An Bibel Kernewek 20234 (Kernewek Kemmyn)

¹² An gour a lavas disobaya an oferyas neb a sev dhe venystra ena dhe'n Arloedh dha Dhuw, po an breusyas – an gour na a verow. Yndella ty a garth an drog dhiworth Ysrael.

Dewteronomi 17:12 Iomraidhean Croise

Ezra 10:8

Piwpynag na vynna dos a-ji dhe dri dydh, herwydh ervirans an bennsevigyon ha'n henavogyon, bedhes kowldhistruys oll y bythow, hag ev y honan diberthys a-dhiworth kuntelles an dhivresow.

Salmow 19:13

Gwith dha was ynwedh rag peghosow bolder; na wrens i maystri warnav! Ena divlam vydhav, ha my a vydh glan a gammweyth meur.

Lavarow Koth 21:11

Pan gessydhir an skornyer, an den sempel a dheu ha bos fur; pan dhyskir an den fur, ev a dhegemmer godhvos.

Hosea 4:4

Byttegyns bynner re striffyo denvyth, ha bynner re gerettho denvyth, rag er dha bynn yma ow hen, A oferyas.

Zekaria 3:7

‘Yndellma y lever Arloedh an luyow: Mar kerdhydh y'm fordhow ha gwitha ow charj, ena ty a wra governa ow chi ha gwitha ow klosyow, ha my a re dhis awtorita dhe dhos ha mos yn mysk an re usi ow sevel omma.

Niverow 15:30

Mes an den neb a wra neppyth, ughel y dhorn, kyn fo genesik po alyon, a villik an Arloedh; ha'n den na a vydh treghys dhe-ves dhiworth y bobel.

Niverow 15:31

Drefenn ev dhe dhispresya ger an Arloedh, ha treghi y worhemmynn, an den na a vydh treghys dhe-ves yn tien; y gammweyth a vydh warnodho.

Matthew 10:14

Ha piwpynag na'gas degemmerro po na woslowo agas geryow, pan yllowgh yn-mes a'n chi po a'n sita na, shakyewgh an doust dhiworth agas treys.

Luk 10:16

‘Neb a'gas klew a'm klew vy, ha neb a'gas skon a'm skon vy; ha neb a'm skon vy a'n skon ev neb a'm dannvonas vy.’

Yowann 12:48

Ev neb a'm nagh, ha na dhegemmer ow geryow, yma dhodho nebonan a wra y vreusi; an ger a gewsis vy, henna a wra y vreusi dydh fin.

Yowann 20:23

Dhe biwpynag y hwryllowgh gava aga feghosow, gevys yns dhedha, ha dhe biwpynag y's gwithowgh, gwithys yns.’

1 Korinthianys 5:13

Duw a vreus an re a-ves. ‘Tewlewgh an tebelwas yn-mes ahanowgh agas honan.’

Dewteronomi 1:43

Ytho my a gewsis dhywgh, mes ny vynnsowgh klewes. Hwi a rebellyas erbynn gorhemmynn an Arloedh, ha hwi a lavasas mos yn-bann dhe'n menydh.

Dewteronomi 10:8

Y'n termyn na an Arloedh a dhibarthas loeth Levi dhe dhegi argh kevambos an Arloedh, dhe sevel a-rag an Arloedh dh'y servya ha dhe venniga yn y hanow bys y'n jydh hedhyw.

Dewteronomi 13:11

Ena oll Ysrael a wra goslowes ha perthi own, ha ny wrons drog a'n par na yntredhowgh na fella.

Dewteronomi 13:5

An profoes na, po an hunroser na a hunrosow, a vydh gorrys dhe'n mernans, rag ev dhe gewsel rebellyans erbynn an Arloedh agas Duw neb a'gas dros yn-mes a bow Ejyp ha dha dhasprena dhiworth an chi a gethneth, dhe'th tynya dhiworth an fordh a wrug an Arloedh dha Dhuw gorhemmynna dhis, dhe gerdhes ynni. Yndella ty a garth an drog yn-mes ahanowgh.

Dewteronomi 13:6

Mara'th tynnyo yn-dann gel dha vroder, mab dha vamm, po dha vab, po dha vyrgh, po gwreg dha askra, po dha gothman yw kepar ha'th enev dha honan, ow leverel, ‘Deun ha servyn duwow erell’, na aswonnsys jy na'th tasow,

Dewteronomi 17:13

Oll an bobel a woslow ha perthi own, ha ny lavasons gul yndella namoy.

Dewteronomi 17:7

Leuv an dhustunioryon a vydh kynsa warnodho dh'y ladha, ha leuv oll an bobel a-wosa. Yndella ty a garth an drog yn-mes ahanowgh.

Dewteronomi 18:20

Byttegyns an profoes neb a lavas kewsel geryow y'm hanow na worhemmynnis dhodho aga hewsel, po neb a gews yn hanow duwow erell, an profoes na a verow.’

Dewteronomi 18:5

Rag an Arloedh dha Dhuw re'n dewisas yn-mes a'th loethow oll, dhe sevel ha dhe servya yn hanow an Arloedh, ev ha'y vebyon bys vykken.

Dewteronomi 18:7

ev a serv yn hanow an Arloedh y Dhuw kepar hag oll y vreder an Levysi neb a sev ena a-rag an Arloedh.

1 Thessalonianys 4:2

Rag hwi a woer an gorhemmynnow a resen dhywgh der an Arloedh Yesu.

1 Thessalonianys 4:8

Rakhenna, neb a skon, ny wra skonya mab-den mes Duw a re y Spyrys Sans dhywgh ynwedh.

1 Timothi 5:20

An re a begh, gwra aga heredhi a-dherag pub den oll may portho an re erell own.

Yoshua 1:18

Piwpynag a vo diwostydh dhe'th arghadow ha neb na woslow orth dha lavarow, pup-tra a worhemmynnydh dhodho, a vydh gorrys dhe'n mernans. Mes bydh krev ha bydh kolonnek.’

Breusysi 20:13

Lemmyn daskorrewgh an dhrogwesyon yn Gibea, rag ma's lytthyn ha kartha an drog yn-mes a Ysrael.’ Mes ny vynna an Benyaminysi goslowes orth aga breder, mebyon Ysrael.

1 Samuel 3:13

Rag my re leveris dhodho, a verr spys my dhe vreusi y ji bys vykken, rag an kammweyth a wodhya, drefenn bos y vebyon ow molleth Duw, ha ny's lettyas.