Dewteronomi 16:3 - An Bibel Kernewek 20234 (Kernewek Kemmyn)

³ Na dheber ganso travyth gans goell ynno. Seyth dydh ty a dheber bara heb goell, bara galar, rag ty a dheuth yn-mes a bow Ejyp yn unn fyski, rag may perthi kov a'n jydh may teuthys yn-mes a bow Ejyp, oll dydhyow dha vewnans.

Dewteronomi 16:3 Iomraidhean Croise

1 Myghternedh 22:27

ha leverel, “Yndellma y lever an myghtern: Gorr an gwas ma y'n prison, ha'y voesa orth ewnrannow lehes a vara hag a dhowr bys pan dhov yn kres.” ’

Salmow 102:9

Rag my re dhybris lusu avel bara, ha kemmyska ow diwes gans oelva,

Salmow 111:4

Ev a wrug dh'y oberow marthys bos kovhes; grassyes ha truedhek yw an Arloedh.

Salmow 127:2

Euver ragowgh hwi yw sevel a-varr, ha powes helergh, ow tybri an bara a lavuryow; rag yndella y re ev hun dh'y garadow.

Eksodus 12:11

Y'n vaner ma hwi a wra y dhybri: grogysys agas diwglun, agas sandalyow war agas treys ha'gas gwelenn yn agas dorn; ha hwi a wra y dhybri yn unn fyski. Pask an Arloedh yw.

Eksodus 12:17

Ha hwi a wra goelya goel an bara heb goell, rag an keth jydh ma my a dhros agas luyow yn-mes a bow Ejyp: rakhenna hwi a wra goelya an jydh ma, der agas henedhow, avel ordenans bys vykken.

Eksodus 12:39

Hag i a bebis torthow heb goell gans an toes re dhrosens a Ejyp, rag y vos heb goell, drefenn aga bos herdhys yn-mes a Ejyp ha ny yllons strechya, na ny bareussens sosten dhedha aga honan.

Eksodus 12:8

I a wra dybri an kig an nos na, rostys dre dan; gans bara heb goell hag erbys hwerow i a wra y dhybri.

Eksodus 34:18

Goel an bara heb goell ty a wra gwitha. Seyth dydh ty a dheber bara heb goell, dell worhemmynnis dhis, dhe'n prys ordenys y'n mis Abib, rag y'n mis Abib y teuthys yn-mes a Ejyp.

Ysay 52:12

Rag ny wrewgh dos yn-mes yn fysk ha ny wrewgh mos yn fo, rag an Arloedh a a-ragowgh, ha Duw Ysrael a vydh agas gwithyas-delergh.

Levitikus 23:6

hag y'n pymthegves dydh an keth mis yma goel an bara heb goell dhe'n Arloedh. Seyth dydh y koedh dhywgh dybri bara heb goell.

Zekaria 12:10

Ha my a wra diveri war ji Davydh ha trigoryon Yerusalem spyrys a ras ha pysadow. I a wra mires warnav vy neb re wansons, ha kyni ragdho avel kynvann rag an unn vab, ha mornya ragdho yn hwerow avel galar rag an kynsa-genys.

Niverow 28:17

Hag yn pymthegves dydh an mis ma yth yw goel; seyth dydh bara heb goell a vydh dybrys.

Niverow 9:11

Y'n nessa mis y'n peswardhegves dydh gorthugherweyth i a'n gwith; i a wra y dhybri gans bara heb goell hag erbys hwerow.

Luk 22:19

Ena ev a gemmeras bara, hag a rassas ha'y derri ha'y ri dhedha, ow leverel, ‘Hemm yw ow horf yw res a-barth dhywgh; gwrewgh hemma yn kovadh ahanav vy.’

1 Korinthianys 5:8

Na wren ni goelya, ytho, naneyl gans goell koth na gans goell a spit hag a dhrog, mes gans bara heb goell, a lelder hag a wiryonedh.

Dewteronomi 16:2

Sakrifi pask dhe'n Arloedh dha Dhuw dhiworth an deves po an chatel y'n tyller a wra an Arloedh y dhewis dhe wul dh'y hanow triga ena.

Dewteronomi 4:9

Saw kemmer with, ha gwith dha enev gans rach, ma na ankeffi an taklow a welas dha dhewlagas, ha ma na dhibarthons dhiworth dha golonn der oll dydhyow dha vewnans; mes gwra aga dyski dhe'th vebyon, ha dhe vebyon dha vebyon:

1 Thessalonianys 1:6

Ha hwi a dheuth ha bos holyoryon a'gan ensampel ni, hag a'n Arloedh, ow tegemmeres an ger yn galar bras gans lowena an Spyrys Sans,

Yoshua 4:7

ena hwi a lever dhedha, y feu dowrow an Yordan stoppys a-rag argh kevambos an Arloedh. Pan dreusis an Yordan, stoppys veu dowrow an Yordan. Ytho an meyn ma a vydh kovadh dhe'n Ysraelysi bys vykken.’