Dewteronomi 16:2 - An Bibel Kernewek 20234 (Kernewek Kemmyn)

² Sakrifi pask dhe'n Arloedh dha Dhuw dhiworth an deves po an chatel y'n tyller a wra an Arloedh y dhewis dhe wul dh'y hanow triga ena.

Dewteronomi 16:2 Iomraidhean Croise

2 Myghternedh 23:21

An myghtern a worhemmynnis dhe oll an bobel, ow leverel, ‘Gwithewgh an pask dhe'n Arloedh agas Duw dell yw skrifys yn lyver an kevambos ma.’

2 Kroniklys 35:7

Ena Yosia a ros rag oll an dus esa ena, eyn ha mynnigow a'n flokk rag offrynnow an pask bys y'n myns a dheg mil warn ugens, ha tri mil darow; yth o an re ma a bythow an myghtern.

Niverow 9:2

Gas mebyon Ysrael dhe witha an pask y'n termyn apoyntys.

Matthew 26:17

Hag yn kynsa dydh an bara heb goell, an dhyskyblon a dheuth dhe Yesu ha leverel, ‘Ple fynnydh ni dhe bareusi rag ty dhe dhybri an pask?’

Matthew 26:2

‘Hwi a woer bos an pask wosa dew dhydh, ha Mab an den a vydh daskorrys dhe vos krowsys.’

Mark 14:12

Hag y'n kynsa dydh a vara heb goell, pan sakrifiens an pask, yn-medh y dhyskyblon dhodho, ‘Ple fynnydh ni dhe vos dhe bareusi may typpri an pask?’

Luk 22:15

Hag ev a leveris dhedha, ‘My re yeunis yn feur dybri an pask ma genowgh, kyns my dhe wodhav;

Luk 22:8

hag ev a dhannvonas Peder ha Yowann yn-kerdh ow leverel, ‘Kewgh dhe bareusi dhyn an pask, rag ma'n dyppryn.’

1 Korinthianys 5:7

Kerthewgh dhe-ves an goell koth may fowgh hwi bagasik nowydh a does, dell owgh hwi heb goell yn hwir. Rag Krist agan pask re beu offrynnys.

Dewteronomi 12:11

Ha dhe'n tyller a wra an Arloedh agas Duw y dhewis rag gul dh'y hanow triga ena, dhodho y trowgh pup-tra a worhemmynnav dhywgh: agas offrynnow leskys, ha'gas sakrifisow, agas degedhow, ha'n offrynnow drehevys a'gas leuv, ha'n gwella a'gas offrynnow ambosel oll a ambosowgh dhe'n Arloedh.

Dewteronomi 12:14

Unnsel y'n tyller a dhewis an Arloedh yn onan a'th loethow, ena ty a offrynn dha offrynnow leskys. Ena ty a wra pup-tra esov orth y worhemmynna dhis.

Dewteronomi 12:18

Ty a'n deber a-rag an Arloedh dha Dhuw, y'n tyller a wra an Arloedh dha Dhuw y dhewis, ty ha'th vab ha'th vyrgh, ha'th was ha'th vaghteth, ha'n Levyas usi a-berth y'th yetys; ha hwi a lowenha a-rag an Arloedh dha Dhuw yn pup-tra may hworrydh dha leuv warnodho.

Dewteronomi 12:26

Byttegyns dha daklow sans a'th eus, ha'th ambosow, ty a's kemmer ha dos dhe'n tyller a wra an Arloedh y dhewis.

Dewteronomi 12:5

Mes hwi a hwila an tyller a wra an Arloedh agas Duw y dhewis dhiworth oll agas loethow, dhe worra y hanow ena rag y drigva; ha ty a dheu di.

Dewteronomi 15:20

Ty a'n deber a-rag an Arloedh dha Dhuw blydhen wosa blydhen y'n tyller a wra an Arloedh y dhewis, ty ha'th teylu.

Dewteronomi 16:1

Gwith mis Abib, ha gwra pask dhe'n Arloedh dha Dhuw, rag yn mis Abib an Arloedh dha Dhuw a'th tros mes a bow Ejyp d'wor' an nos.

Dewteronomi 16:3

Na dheber ganso travyth gans goell ynno. Seyth dydh ty a dheber bara heb goell, bara galar, rag ty a dheuth yn-mes a bow Ejyp yn unn fyski, rag may perthi kov a'n jydh may teuthys yn-mes a bow Ejyp, oll dydhyow dha vewnans.