Dewteronomi 16:16 - An Bibel Kernewek 20234 (Kernewek Kemmyn)

¹⁶ Teyrgweyth y'n vlydhen pub gorreydh ahanowgh a vydh gwelys a-rag an Arloedh dha Dhuw y'n tyller a wra y dhewis: yn goel an bara heb goell, yn dy'goel an seythunyow, hag yn goel an skovvaow; ha ny vydh gwelys a-rag an Arloedh gwag y leuv.

Dewteronomi 16:16 Iomraidhean Croise

1 Myghternedh 9:25

Teyrgweyth y'n vlydhen Solomon a offrynna offrynnow leskys hag offrynnow kres war an alter a dhrehevis rag an Arloedh, ow leski an offrynnow a-rag an Arloedh. Yndella ev a worfennas an chi.

2 Kroniklys 8:13

dell o dever pub dydh herwydh gorhemmynn Moyses rag an sabotys, an loeryow nowydh, ha'n tri goel blydhenyek – goel an bara heb goell, goel an seythunyow, ha goel an skovvaow.

Ezra 3:1

Pan dheuth an seythves mis, ha mebyon Ysrael y'n sitys, an bobel a omguntellas gans unn akord yn Yerusalem.

Nehemia 8:15

ha may teklarryens ha dyllo yn oll aga threvow hag yn Yerusalem, ow leverel, ‘Kewgh yn-mes war an menydhyow ha kyrghewgh skorrennow a oliv, oliv gwyls, myrtwydh, palm ha gwydh delyek arall rag gul skovvaow, dell yw skrifys.’

Salmow 122:4

Ha bys dhodho yth yskynn an loethow, loethow an Arloedh, dustuni dhe Ysrael, dhe wodhvos gras dhe hanow an Arloedh.

Salmow 84:7

Yth ons a nerth dhe nerth; pubonan a vydh gwelys a-rag Duw yn Sion.

Salmow 84:8

A Arloedh, Duw an luyow, klew ow fysadow; goslow, A Dhuw Yakob. Sela.

Salmow 96:8

Askrifewgh dhe'n Arloedh an gordhyans a dhegoedh dh'y hanow; drewgh offrynn, ha dewgh yn y glosyow.

Eksodus 34:20

Kynsa-genys an asen ty a dhaspren gans oen, po mar ny'n dasprenydh, ty a wra terri y gonna. Kynsa-genys oll dha vebyon ty a wra dasprena. Na ny wra nagonan omdhiskwedhes a-ragov gwag y dhiwleuv.

Eksodus 34:24

Rag my a wra fesya kenedhlow a-ragos, ha lesa dha oryon; ha ny'n jevydh denvyth hwans dhe'th tir, pan yskynnowgh dhe omdhiskwedhes a-rag an Arloedh dha Dhuw teyrgweyth y'n vlydhen.

Ysay 23:18

Hy gwayn ha'y gober a vydh sans dhe'n Arloedh; ny vydh kuntellys na gwithys, mes hy gwayn a vydh rag an re a drig a-rag an Arloedh, rag lanwes boes ha dillas splann.

Ysay 33:20

Mir war Sion, sita agan solempnitys apoyntys; dha dhewlagas a wel Yerusalem, trigva gosel, tylda anwayadow; ny vydh y ebilyer nevra tennys yn-mes, na ny vydh y gerdyn terrys.

Ezekiel 36:38

Kepar ha flokk rag offrynnow, kepar ha flokk Yerusalem yn hy goelyow apoyntys, yndella y fydh an sitys ynyal lenwys a flokkys a dus. Ena i a woer my dhe vos an Arloedh.

Levitikus 23:34

Kows orth mebyon Ysrael, ow leverel: An pymthegves dydh a'n seythves mis a vydh goel an skovvaow dhe'n Arloedh.

Haggay 1:9

Hwi a hwilas kemmys, hag otta, boghes; ha pan y'n dresowgh tre my a'n hwythas dhe-ves. Prag? yn-medh Arloedh an luyow. Rag ow chi yw magor, ha hwi a boen, peub dh'y ji y honan.

Matthew 2:11

Ha devedhys y'n chi i a welas an flogh gans Maria y vamm, hag i a goedhas dhe'n dor ha'y wordhya; hag owth igeri aga thresoryow, i a brofyas rohow dhodho, owr ha frankynkys ha myrr.

Mark 12:3

Mes i a'n dalghennas, ha'y gronkya, ha'y dhannvon dhe-ves gwag y dhiwla.

Yowann 7:2

Mes ogas veu goel an Yedhewon, an skovvaow;

Dewteronomi 16:15

Seyth dydh y solempnydh goel dhe'n Arloedh dha Dhuw y'n tyller a wra an Arloedh y dhewis; rag an Arloedh dha Dhuw a wra dha venniga yn oll dha askorr hag yn pub ober a'th leuv, ytho ty a lowenha devri.

Dewteronomi 16:17

Pub gour a dhre ro kepar dell yll, war-lergh bennath an Arloedh dha Dhuw a ros dhis.

Dewteronomi 31:11

pan dheu oll Ysrael dhe omdhiskwedhes a-rag an Arloedh dha Dhuw y'n tyller a dhewis, ty a lenn an lagha ma a-rag oll Ysrael yn aga klewans.

1 Samuel 1:3

Ha'n gour ma a wre mos yn-bann mes a'y sita blydhen wosa blydhen dhe wordhya ha sakrifia dhe Arloedh an luyow yn Shilo, le mayth esa an dhew vab a Eli, Hofni ha Finehas, oferysi an Arloedh.

1 Samuel 6:3

Hag i a leveris, ‘Mar tannvenowgh dhe-ves argh Duw Ysrael, na's dannvenewgh gwag, mes res yw dhywgh dannvon dhodho offrynn kammweyth ynwedh. Ena hwi a vydh sawys hag y fydh godhvedhys dhywgh prag nag yw y dhorn treylys a-dhiworthowgh.’