Dewteronomi 15:9 - An Bibel Kernewek 20234 (Kernewek Kemmyn)

⁹ Kemmer with na vo drokpreder y'th kolonn, ow leverel, ‘An seythves blydhen re dheuth nes, blydhen an gevyans’, ha rakhenna dha lagas a vydh drog erbynn dha vroder boghosek, ha ny redh dhodho; hag ev a elow er dha bynn war an Arloedh, hag y fydh peghes ynnos.

Dewteronomi 15:9 Iomraidhean Croise

Job 34:28

I a wrug dhe gri an voghosogyon dos dhodho, may klewas ev kri an dus truan.

Salmow 101:3

Ny worrav travyth anwiw a-dherag ow dewlagas. My a gas ober an re a gildenn; ny len orthiv.

Salmow 12:5

‘Drefenn an voghosogyon dhe vos ravnys, drefenn kynvann an edhommogyon, lemmyn my a sev’, yn-medh an Arloedh; ‘my a'n gorr y'n sawder a yeun ev.’

Salmow 9:12

Rag neb a wovynn goes yn dial a berth kov anedha; ny ankev garm an voghosogyon.

Eksodus 22:22

Ny wrewgh tebeldhyghtya gwedhwes vyth po omdhivas.

Eksodus 22:23

Mar kwredh aga thebeldhyghtya, hag i a gri warnav, my a wra klewes aga kri yn sur,

Eksodus 3:7

Ena an Arloedh a leveris, ‘My re welas galar ow fobel usi yn Ejyp ha klewes aga kri drefenn aga mestrysi kethneth; aswonn a wrav aga galarow;

Lavarow Koth 14:21

Neb a dhispres y gentrevek yw peghador, mes gwynn y vys neb yw kuv orth an voghosogyon.

Lavarow Koth 21:13

Neb a dhege y dhiwskovarn orth kri an boghosek, ev ynwedh a gri heb bos klewys.

Lavarow Koth 23:6

Na dheber bara an den kraf; na yeun war-lergh y voes sawrek;

Lavarow Koth 24:9

Towlow a follneth yw pegh, ha'n skornyer yw tra gasadow dhe dus.

Lavarow Koth 28:22

Gour pith a fysk dhe vos rych, ha ny woer ev y teu boghosogneth warnodho.

Lavarow Koth 4:23

Gwith dha golonn gans oll hewoelder, rag anedhi y teu dallethvaow bewnans.

Yeremia 17:10

My an Arloedh a hwither an golonn, ha previ an dhiwloneth, dhe ri dhe beub herwydh y fordhow, ha herwydh frut y oberow.

Yeremia 34:14

‘Dhe benn seyth blydhen livrewgh peub y vroder ebrow re beu gwerthys dhis ha'th servya hwegh blydhen; ty a'n liver ahanas.’ Mes ny woslowas agas tasow orthiv, na treylya aga skovarn dhymm.

Matthew 15:19

Rag dhiworth an golonn y teu drokprederow: denladh, avoutri, dijastita, ladrans, fals dhustuni ha blasfemi.

Matthew 20:15

A ny'm beus kummyas dhe wul kepar dell vynnav gans ow fyth ow honan? Po yw dha lagas jy drog drefenn my dhe vos hel?”

Dewteronomi 15:1

Dhe benn seyth blydhen y hwredh gevyans a gendon.

Dewteronomi 24:15

Ro dhodho y arveth y'n keth jydh ma'n dendilas, kyns es an howl dhe sedhi warnodho, rag boghosek yw, ha'y vewnans a greg warnodho; ken ev a elow war an Arloedh er dha bynn, hag y fydh peghes ynnos.

Dewteronomi 31:10

Ena Moyses a worhemmynnis dhedha, ow leverel, ‘Dhe benn pub seyth blydhen, orth an termyn ordenys yn blydhen an gevyans, yn goel an skovvaow,

Jamys 4:17

Ytho neb a woer an pyth yw da dhe wul hag ev ny'n gwra, dhodho ev pegh yw.

Jamys 4:5

Po a dybowgh an skryptor dhe leverel yn euver, ‘Trohag avi y yeun an spyrys a wrug ev dhe driga ynnowgh.’

Jamys 5:4

Otta, gobrow an wonisysi a vysas agas gwelyow hag a wrussowgh gwitha dhiworta yn fals, ymons ow karma; ha garmow an vysoryon re dhrehedhas diwskovarn Arloedh an luyow.

Jamys 5:9

Na wrewgh krodhvolas, a vreder, an eyl war y gila, ma na vewgh breusys. Otta, an breusydh a sev a-dherag an darasow.

1 Peder 4:9

Bedhewgh hel dhe westoryon, an eyl dh'y gila, heb krodhvol.