Dewteronomi 15:6 - An Bibel Kernewek 20234 (Kernewek Kemmyn)

⁶ Rag an Arloedh dha Dhuw a'th vennik kepar dell gewsis dhis, ha ty a re war woestel dhe lies kenedhel ha ny jevisydh jy; ty a rewl lies kenedhel, mes ny wrons dha rewlya jy.

Dewteronomi 15:6 Iomraidhean Croise

1 Myghternedh 4:21

Yth esa Solomon ow rewlya war oll an gwlaskordhow dhiworth an avon Ewfrates bys pow an Filistysi, ha bys yn or Ejyp; i a dhros trubyt ha servya Solomon dydhyow oll y vewnans.

1 Myghternedh 4:24

Rag ev a'n jevo mestrynses war oll an ranndir a'n gorlewin dhe'n avon a Tifsagh bys yn Gaza, war oll an vyghternedh a'n gorlewin dhe'n avon; hag ev a'n jevo kres a bub tu.

1 Kroniklys 17:27

Bedhes plegadow dhis lemmyn benniga chi dha was, may pessyo a-dheragos bys vykken; rag an pyth re vennigsys A Arloedh, yw benniges bys vykken.’

2 Kroniklys 9:26

Ev a reynyas war oll an vyghternedh dhiworth an avon Ewfrates bys pow an Filistysi, ha bys or Ejyp.

Ezra 4:20

Byttegyns, re beu myghternedh galloesek dhe Yerusalem, neb a rewlyas oll an rannvro Dres-an-Avon; ha toll-benn ha toll-wara, ha toll-dir, a veu tylys dhedha.

Nehemia 9:27

Ytho ty a's ros yn leuv aga eskerens, hag i a's arwaskas. Mes yn termyn aga ahwer, i a grias dhis, ha ty a's klewas dhiworth nev, ha herwydh dha druedh bras ty a ros dhedha selwadoryon neb a's sawyas dhiworth leuv aga eskerens.

Salmow 112:5

Dremas yw grassyes hag ev a re kendon; ev a dhyght y negysyow gans breus.

Salmow 37:21

An tebelwas a gyv kendon ha ny attal, mes an den gwiryon yw grassyes ha hel.

Salmow 37:26

Oll an jydh ev yw grassyes hag a re kendon, hag yma bennath war y has.

Lavarow Koth 22:7

An den galloesek a rewl an re voghosek, hag ev neb a gyv kendon yw keth dhe'n gour a'n re.

Luk 6:35

Mes hwi kerewgh agas eskerens ha gul da ha ri kendon heb gwaytyas attal vytholl, ha meur vydh agas gober, ha hwi a vydh mebyon an Ughella; rag kuv yw ev orth an re nag yw grasek ha'n re dhrog.

Dewteronomi 15:5

unnweyth mar koslowi gans rach orth lev an Arloedh dha Dhuw, ow kwitha hag ow kul oll an gorhemmynn ma esov ow korhemmynna dhis hedhyw.

Dewteronomi 28:44

Ev a re kendon dhis, mes ny redh kendon dhodho. Ev a dheu ha bos an penn, ha ty a dheu ha bos an lost.