Dewteronomi 15:10 - An Bibel Kernewek 20234 (Kernewek Kemmyn)

¹⁰ Ty a re dhodho yn surredi, ha na vedhes dha golonn drok-pes pan redh dhodho; ena rag an dra ma, an Arloedh dha Dhuw a'th vennik yn oll dha ober hag yn pup-tra may hworrydh dha leuv warnodho.

Dewteronomi 15:10 Iomraidhean Croise

Lavarow Koth 22:9

Neb yw hel a vydh benniges rag ev a re a'y vara dhe'n boghosek.

Ekklesiastes 11:1

Dannvon dha vara war enep an dowrow, ha ty a wra y dhaskavoes wosa lies dydh.

Ysay 32:8

An den nobyl a dewl towlow nobyl, hag y'n taklow nobyl ev a sev.

Ysay 58:10

mar profydh dha enev rag an nownek, ha sostena enev an den truan, ena dha wolow a splann y'n tewlder, ha dha dewolgow a vydh avel an hanter-dydh.

Matthew 25:40

Hag y hwra an Myghtern gorthybi ow leverel dhedha, “Yn hwir y lavarav dhywgh, par dell y'n gwrussowgh dhe onan a'n lyha a'm breder ma, dhymmo vy y'n gwrussowgh.”

Oberow 20:35

Yn pup-tra my a dhiskwedhas dhywgh, y telledh, ow lavurya yndella, sokra an re wann ha perthi kov a eryow an Arloedh Yesu, dell leveris ev, “Moy gwynnvys yw ri ages degemmeres.” ’

Romanyon 12:8

neb a gennerth, re gennertho neb a gevrenn, re gevrenno yn sempledh; neb a hembronk, re hembronko yn tiwysyk; neb a dhiskwa tregeredh, re bo gans lowena.

Dewteronomi 14:19

Ynwedh pup-tra owth hesya hag ow nija yw avlan dhywgh; ny vydhons dybrys.

Dewteronomi 14:29

ha'n Levyas (na'n jeves kevrenn nag eretons genes), ha'n alyon, ha'n omdhivas, ha'n wedhwes usi y'th yetys a yll dos ha dybri ha bos lenwys, rag ma'th vennikko an Arloedh dha Dhuw yn pub lavur a'th leuv a wredh.

Dewteronomi 15:18

Ny vydh kales y'th wel pan y'n dannvenydh dhiworthis rydh, rag ev a'th servyas hwegh blydhen, ha dhodho dewblek an dalvosogeth a arvethesik. Ena an Arloedh dha Dhuw a'th vennik yn pup-tra a wredh.

Dewteronomi 15:4

Mes ny vydh yntredhowgh boghosek, rag an Arloedh a'th vennik yn sur y'n tir a wra an Arloedh dha Dhuw y ri dhis avel eretons dh'y bewa,

Dewteronomi 23:20

Dhe'n estren ty a yll presta ow kovynn oker, mes dhiworth dha vroder na wovynn oker, rag ma'th vennikko an Arloedh dha Dhuw yn pup-tra may hworrydh dha leuv warnodho y'n tir esos ow tos bys di dh'y erita.

Dewteronomi 24:19

Pan vysydh dha drevas y'th wel, hag ankevi manal y'n gwel, na dhehwel dh'y hemmeres; hi a vydh dhe'n alyon, dhe'n omdhivas ha dhe'n wedhwes, rag ma'th vennikko an Arloedh dha Dhuw yn oll ober dha dhiwleuv.

Dewteronomi 28:8

An Arloedh a worhemmynn an vennath warnas ha war dha skiberyow ha war bup-tra may hworrydh dha leuv warnodho; hag ev a'th vennik y'n tir a wra an Arloedh dha Dhuw y ri dhis.

Ebrowyon 13:16

Na ankevewgh gul oberow mas na kevrenna an pyth eus genowgh; sakrifisow a'n par ma yw plegadow dhe Dhuw.

1 Peder 4:11

Den mar kews, kewses ev lavarow Duw; den mar konis, gonedhes gans nerth yw res gans Duw, may fo Duw gordhys yn pup-tra dre Yesu Krist, dhe neb re bo gordhyans ha nerth, trank heb worfenn. Amen.