Dewteronomi 14:8 - An Bibel Kernewek 20234 (Kernewek Kemmyn)

⁸ Ynwedh an hogh, rag an karn yw folsys mes ny dhaskni: avlan yw dhywgh; ny dhebrowgh aga hig, na tochya aga haryn.

Dewteronomi 14:8 Iomraidhean Croise

Ysay 65:4

usi owth esedha yn mysk an bedhow, hag ow koelya dres nos yn tylleryow kevrin; usi ow tybri kig mogh, hag yma kowl avlan yn aga lestri.

Ysay 66:17

An re a omsaker hag omlanhe dhe vos bys y'n lowarthyow, ow siwya nebonan y'n kres, ow tybri kig an mogh, ha'n dra gasadow, ha'n logosenn, a dheu dhe dhiwedh war-barth, yn-medh an Arloedh.

Ysay 66:3

Ladher ojyon yw kepar ha ladher gour; neb a sakrifi davas yw avello ev neb a derr konna ki; neb a dhrehav offrynn greun yw avello ev neb a offrynn goes hogh; neb a offrynn rann kovadh a frankynkys yw avello ev neb a vennik idol. I re dhewisas aga fordhow, hag yn aga thaklow kasadow aga enev y'n jeves delit.

Levitikus 11:3

pypynag yw folsys y garn hag a dhaskni, yn mysk an bestes, henna hwi a dheber.

Levitikus 5:2

Po mar toch den neppyth avlan, korf best gwyls avlan, korf chatel avlan, po korfow pryves owth hesya a vo avlan, hwath mars yw an dra kelys dhiworto, ev yw avlan, ha kablus.

Dewteronomi 14:7

Byttegyns, ny dhebrowgh a'n re ma yn mysk an re a dhaskni, hag yn mysk an re folsys an karn: an kowrvargh, ha'n skovarnek, ha'n konin; rag i a dhaskni, mes an karn nyns yw folsys; avlan yns i dhywgh.

Dewteronomi 14:9

Hwi a dheber hemma a bup-tra eus y'n dowr; hwi a yll dybri pup-tra a'n jeves eskelli-pysk ha skans.

2 Peder 2:22

An gwir lavar re goedhas warnedha, ‘An ki a dreyl arta dh'y hwyjans y honan’, hag ‘An vanow, wosa omwolghi, a dreyl dhe omrolya yn leys.’