Dewteronomi 14:2 - An Bibel Kernewek 20234 (Kernewek Kemmyn)
2 Rag pobel sans os dhe'n Arloedh dha Dhuw, ha'n Arloedh re'th tewisas dhe vos dhodho pobel arbennik dhodho y honan yn-mes a'n poblow oll usi war enep an norvys.
Rag i re gemmeras re a'ga myrghes ragdha aga honan, ha rag aga mebyon: yndellma i re gemmyskas an has sans gans tus an broyow na: yn hwir, leuv an bennsevigyon ha'n soedhogyon re beu y'n voward y'n dislelder ma.’
Hag y klewis an gour gwiskys yn lien esa a-ugh dowrow an avon; ev a dhrehevis y dhorn dhyghow ha'y dhorn gledh war-tu ha'n nevow, hag ev a dos ti re Dhuw a vew bys vykken: ‘Wosa oes, dew oes ha hanter oes, pan vydh kowlwrys shyndyans nerth an bobel sans, oll an taklow ma a vydh kewerys.’
Y alloes a wra krevhe, mes ny vydh der y nerth y honan. Marthys y hwra ev distrui, ha seweni yn pypynag a wrello. Ev a wra distrui an re grev ha pobel an syns.
Mes my re leveris dhywgh, Hwi a erit aga thir, ha my a'n rov dhywgh dhe berghenna, tir a dhinwa leth ha mel. An Arloedh agas Duw ov vy, re'gas dibarthas dhiworth an kenedhlow.
Ny dhebrowgh karyn vytholl. Ty a yll y ri dhe'n alyon usi a-ji dhe'n yetys hag ev a'n deber; po ty a yll y wertha dhe estren, rag ty dhe vos pobel sans dhe'n Arloedh dha Dhuw. Ny wre'ta bryjyon mynn yn leth y vamm.
An Arloedh a wra dha fastya dhe vos pobel sans dhodho y honan kepar dell dos dhis, mar kwithydh gorhemmynnow an Arloedh dha Dhuw ha kerdhes yn y fordhow.
Rag ty yw pobel sans dhe'n Arloedh dha Dhuw. An Arloedh dha Dhuw re'th tewisas dhe vos dhodho pobel arbennik dhodho y honan, yn-mes a oll an poblow war enep an norvys.
Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.