Dewteronomi 13:6 - An Bibel Kernewek 20234 (Kernewek Kemmyn)

⁶ Mara'th tynnyo yn-dann gel dha vroder, mab dha vamm, po dha vab, po dha vyrgh, po gwreg dha askra, po dha gothman yw kepar ha'th enev dha honan, ow leverel, ‘Deun ha servyn duwow erell’, na aswonnsys jy na'th tasow,

Dewteronomi 13:6 Iomraidhean Croise

Jenesis 16:5

Hag yn-medh Saray dhe Abram, ‘Re wrello an drog gwrys er ow fynn koedha warnas tejy. My a ros ow maghteth a-bervedh y'th askra ha pan welas hi y hwrug hi konsevya, dispresys veuv yn hy dewlagas. Re bo an Arloedh breusyas yntra my ha ty.’

2 Samuel 1:26

Grevys ov ragos, ow broder Yonathan; meurgerys genev es'ta; marthys o dha gerensa dhymm, moy es kerensa benynes.

1 Myghternedh 18:40

Elias a leveris dhedha, ‘Dalghennewgh profoesi Baal; na esewgh nagonan anedha dhe dhiank.’ Ena i a's dalghennas; hag Elias a's dros dhe nans Kishon, ha'ga ladha ena.

2 Myghternedh 11:18

Oll pobel an pow eth yn chi Baal ha'y derri dhe'n dor; i a vrewis y alteryow ha'y imajys yn temmigow, ha ladha Mattan, oferyas Baal, a-rag an alteryow. Ena Yehoyada an oferyas a settyas gwithysi war ji an Arloedh.

2 Kroniklys 15:13

Piw pynag ny vynna hwilas an Arloedh, Duw Ysrael, y tegoedhva may fedha ledhys, po yowynk po koth, po gour po benyn.

2 Kroniklys 23:17

Ena oll an bobel eth dhe ji Baal ha'y denna dhe'n dor; y alteryow ha'y imajys a dorrsons yn temmigow, hag i a ladhas Mattan, oferyas Baal, a-rag an alteryow.

Job 31:27

may feu ow holonn dynys yn-dann gel, ha'm leuv a offras dhedha amm a omaj;

Eksodus 13:3

Ha Moyses a leveris dhe'n bobel, ‘Perthewgh kov a'n jydh ma, pan dheuthewgh yn-mes a Ejyp, yn-mes a'n chi a gethneth, rag an Arloedh a'gas dros a'n tyller ma gans leuv grev; bara goell ny vydh dybrys.

Eksodus 32:27

Hag y leveris dhedha, ‘Yndellma y lever an Arloedh, Duw Ysrael: “Pub den gorres y gledha war y glun. Kewgh ha dehweles a yet dhe yet der an kamp, ha ledhewgh pub den y vroder, ha pub den y goweth ha pub den y gentrevek.” ’

Lavarow Koth 18:24

Yma dhe wour kowetha a omwra bos kowetha, mes yma gwir goweth hag a len nes ages broder.

Lavarow Koth 5:20

Prag yth osta kammledys, ow mab, gans benyn estren, ha byrla diwvronn alyon?

Yeremia 28:15

Ena an profoes Yeremia an profoes a leveris dhe Hanania an profoes, Goslow, Hanania, ny'th tannvonas an Arloedh, mes ty a wra an bobel ma dhe fydhya yn gow.

Yeremia 28:16

Ytho yndellma y lever an Arloedh: My a'th tewl a-dhiworth enep an nor. An vlydhen ma ty a verow, drefenn ty dhe dhyski rebellyans erbynn an Arloedh.

Yeremia 44:3

drefenn an drogedh a wrussons orth ow frovokya dhe sorr, drefenn i dhe vones dhe leski offrynnow ha servya duwow erell na aswonnens, na i, na hwi, na'gas tasow.

Zekaria 13:3

Mar kwra nebonan profoesa hwath, ena y das ha'y vamm a'n dineythis a lever dhodho, ‘Ny vewydh; rag ty re wowleveris yn hanow an Arloedh.’ Y das ha'y vamm a'n dineythis a wra y wana pan wra ev profoesa.

2 Korinthianys 5:16

Ytho, alemma rag, ny aswonnyn ni denvyth yn maner dhenel; yn tevri, mar aswonnsyn ni Krist yn maner dhenel, lemmyn ny'n aswonnyn yndella na fella.

Galatianys 2:4

mes rag bos breder fekyl dres a-ji yn-dann gel, skolkyoryon a slynkyas a-ji rag aspia orth agan rydhses a'gan beus yn Krist Yesu, ma'gan drollens bys yn kethneth;

Efesianys 4:14

ma na ven namoy fleghes, tewlys gans mordonnow ha degys a-dro gans pub gwyns a dhyskas, dre sotelneth tus, yn sleyghneth bys y'n felder a doell.

Dewteronomi 11:32

Gwaytyewgh gul oll an ordenansow ha'n breusow esov orth aga ri a-ragowgh hedhyw.

Dewteronomi 13:2

ha mar pydh kollenwys an tokyn po an marth a gewsis dhis, ow leverel, ‘Deun war-lergh duwow erell’ – na's aswonnsys – ‘ha servyn i’,

Dewteronomi 13:7

duwow an poblow usi a-dro dhywgh, usi ogas dhis po pell dhiworthis, dhiworth unn penn an norvys bys yn penn arall an norvys,

Dewteronomi 17:12

An gour a lavas disobaya an oferyas neb a sev dhe venystra ena dhe'n Arloedh dha Dhuw, po an breusyas – an gour na a verow. Yndella ty a garth an drog dhiworth Ysrael.

Dewteronomi 18:20

Byttegyns an profoes neb a lavas kewsel geryow y'm hanow na worhemmynnis dhodho aga hewsel, po neb a gews yn hanow duwow erell, an profoes na a verow.’

Dewteronomi 19:19

ena y hwrewgh dhodho ev kepar dell vynnas gul dh'y vroder. Yndella ty a garth an drog a-dhiworthowgh.

Dewteronomi 21:21

Ena oll gwer y dre a'n labydh gans meyn, may farwo. Yndella ty a garth an drog a-dhiworthowgh, hag oll Ysrael a glew, ha perthi own.

Dewteronomi 22:21

ena i a dhre an vyrgh yn-mes dhe dharas chi hy thas, ha gwer hy thre a's labydh gans meyn may farwo, drefenn hi dhe wul outray yn Ysrael, ow pos hora yn chi hy thas. Yndella ty a garth an drog a-dhiworthowgh.

Dewteronomi 24:7

Mars eus gour kevys ow tenladra onan a'y vreder, mebyon Ysrael, ha'y dhyghtya avel kethwas ha'y wertha, ena an lader na a verow. Yndella ty a garth an drog a-dhiworthowgh.

Dewteronomi 28:54

An gour medhel yn agas mysk ha pur vleudh a dreyl erbynn y vreder, ha'y wreg ger, ha war remenant y vebyon a vydh gesys,

Dewteronomi 29:18

Bedhewgh war ma na fo ynnowgh hwi gour na benyn na kordh na loeth may treyl y golonn hedhyw dhiworth an Arloedh agan Duw dhe gerdhes ha servya duwow an kenedhlow ma; ma na vo ynnowgh hwi gwreydhenn ow toen kegis ha fuelenn.

Dewteronomi 8:14

ena kemmer with na ughelhaho dha golonn, ha ty a ankev an Arloedh dha Dhuw, neb a'th tros dhe-ves dhiworth an chi a gethneth;

Kolossianys 2:4

Hemma a lavarav, ma na'gas toello denvyth gans fekyl lavarow.

Yoshua 7:13

Yn-sol, sansha an bobel, ha lavar, “Omsanshewgh rag a-vorow; rag yndellma y lever an Arloedh, Duw Ysrael, ‘Yma taklow sakrys y'n kres ahanas, A Ysrael; ny yllydh sevel a-dherag dha eskerens bys may kemmerowgh dhe-ves an taklow sakrys a'gas mysk.’

2 Peder 2:1

Mes yth esa fals profoesi yn mysk an bobel kepar dell vydh fals dhyskadoryon yn agas mysk ynwedh, a vynn dri tebelgryjyansow fell, ow nagha hwath an Mester a wrug aga frena, hag ow tri diswrians uskis warnedha i.

Diskwedhyans 12:9

Ha'n dhragon veur a veu tewlys yn-nans, an sarf goth neb yw gelwys an Jowl, ha Satnas, neb a doell oll an bys: ev a veu tewlys yn-nans bys y'n dor, ha'y eledh a veu tewlys yn-nans ganso.

Diskwedhyans 13:14

Hag ev a doell an drigoryon war an bys der an toknys a veu res dhodho dhe wul a-dherag an best; ow leverel dhe'n re a drig war an bys may hwrellens imaj dhe'n best a veu goliys der an kledha hag a vewa.

Diskwedhyans 20:3

hag ev a's tewlys y'n pytt diwoeles hag a'n degeas, hag a worras sel warnodho, na doella an kenedhlow namoy bys pan vo an mil vlydhen kowlwrys. A-wosa y koedh dhodho bos delivrys berr dermyn.

Breusysi 10:6

Mebyon Ysrael a wrug arta an pyth o drog yn golok an Arloedh, ow kordhya an Baalim ha'n Ashtaroth, duwow Aram, duwow Sidon, duwow Moab, duwow an Ammonysi, ha duwow an Filistysi. Yndella i a asas an Arloedh, ha ny'n gordhyens.

Breusysi 2:13

I a forsakyas an Arloedh, hag a servyas an Baalim ha'n Ashtaroth.

Breusysi 20:13

Lemmyn daskorrewgh an dhrogwesyon yn Gibea, rag ma's lytthyn ha kartha an drog yn-mes a Ysrael.’ Mes ny vynna an Benyaminysi goslowes orth aga breder, mebyon Ysrael.

Breusysi 5:8

Pan o dewisys duwow nowydh, ena yth esa bresel y'n yetow. A veu dhe weles po skoes po guw yn mysk dew-ugens yn Ysrael?

1 Samuel 18:1

Pan worfennsa Davydh kewsel dhe Sowl, enev Yonathan a veu kelmys orth enev Davydh, ha Yonathan a'n kara avel y enev y honan.

1 Samuel 18:3

Ena Yonathan a wrug ambos gans Davydh, drefenn ev dh'y gara avel y enev y honan.

1 Samuel 20:17

Yonathan a wrug dhe Davydh daswul y di, drefenn ev dh'y gara: rag ev a'n kara kepar dell gara ev y vewnans y honan.