Dewteronomi 13:16 - An Bibel Kernewek 20234 (Kernewek Kemmyn)

¹⁶ Ty a dhre oll hy freydh war-barth bys yn plen an dre, ha leski an dre hag oll hy freydh gans tan, offrynn kowlleskys dhe'n Arloedh dha Dhuw, hag y fydh krug bynitha; ny vydh drehevys arta.

Dewteronomi 13:16 Iomraidhean Croise

Eksodus 22:19

Piwpynag a gosko gans best a vydh gorrys dhe'n mernans.

Ysay 17:1

Profoesans a-dro dhe Damaskus. Otta, ny vydh Damaskus sita na fella, mes y fydh kals a vagoryow.

Ysay 25:2

Ty re wrug an sita yn graghell, an kastell gans keryow yn magor. Nyns yw palys an estrenyon sita namoy; nevra ny vydh dastrehevys.

Yeremia 49:2

Rakhenna otta, an dydhyow a dheu, yn-medh an Arloedh, pan wrav an arm a vatel dhe vos klewys erbynn Rabba a'n Ammonysi; y fydh krug difeyth, ha'y threvow a vydh leskys gans tan; ena Ysrael a dhiserit an re a wrug y dhiserita ev, yn-medh an Arloedh.

Ezekiel 26:14

My a'th wra karrek lomm; ty a vydh tyller rag lesa roesow. Ny vydhydh nevra dastrehevys, rag my an Arloedh re gewsis, yn-medh an Arloedh Duw.

Mika 1:6

Rakhenna y hwrav a Samaria karnedh y'n gwel, tyller rag plansa gwinbrennyer; ha my a dhinwa hy meyn y'n nans, ha diskudha hy selyow.

Dewteronomi 7:25

Imajys gravys aga duwow a leskowgh dre dan. Na dhesir an arghans na'n owr usi warnedha na'y gemmeres ragos, rag own ty dhe vos maglennys ynno, rag ev dhe vos kasadow dhe'n Arloedh dha Dhuw.

Dewteronomi 7:26

Na dhro pyth kasadow dhe'th chi, ma na vi sakrys rag distruyans avello. Ty a'n kas gans kas kowal, ha'y aborrya, drefenn y vos sakrys rag distruyans.

Yoshua 6:21

Ena i a sakras dhe dhistruans gans min an kledha oll esa y'n sita, gwer ha benynes, gwer yowynk ha hen, oghen, deves hag asenes.

Yoshua 6:24

I a loskas an sita ha pup-tra ynni gans tan; saw an arghans ha'n owr, ha'n lestri a vrons ha horn i a worras yn tresorva chi an Arloedh.

Yoshua 6:26

Yoshua a wrug an ti ma y'n termyn na, ow leverel, ‘Mollothek a-dherag an Arloedh a vydh an gour a assay dastrehevel an sita ma, Yeriko. Ev a worr an selyow orth kost y vab kynsa genys, ev a sett hy yetow yn-bann orth kost y vab yowynka.’

Yoshua 8:28

Yoshua a loskas Ay, ha'y wul bys vykken krug a vagoryow, tyller ynyal dell yw bys y'n jydh ma.