Dewteronomi 12:9 - An Bibel Kernewek 20234 (Kernewek Kemmyn)

⁹ drefenn na dheuvewgh hwath bys y'n bowesva, na dhe'n eretons a wra an Arloedh dha Dhuw y ri dhis.

Dewteronomi 12:9 Iomraidhean Croise

1 Myghternedh 8:56

‘Benniges re bo an Arloedh, re ros powes dh'y bobel Ysrael herwydh pup-tra a ambosas; ny fyllis ger vyth a'y ambos da, a gewsis der y was Moyses.

1 Kroniklys 23:25

Rag Davydh a leveris, ‘An Arloedh, Duw Ysrael, re ros powes dh'y bobel; hag ev a drig yn Yerusalem bys vykken.

Salmow 95:11

Rakhenna my a wrug ti y'm sorr, na wrellens entra y'm powesva.

Yeremia 31:2

Yndellma y lever an Arloedh: An bobel a veu gesys a'n kledha a gavas favour y'n gwylvos; hwath Ysrael pan hwilas powes,

Mika 2:10

Sevewgh ha kewgh dhe-ves, rag nyns yw homma agas powesva; drefenn agas defolans hi a vydh distruys, ha'n terroes a vydh tynn.

Dewteronomi 12:8

Na wrewgh par dell wren ni omma hedhyw, pubonan ow kul pynagoll a vo ewn yn y dhewlagas y honan;

Dewteronomi 25:19

Ytho pan wra an Arloedh dha Dhuw ri dhis powesva dhiworth oll dha eskerens a-derdro, y'n tir a wra an Arloedh dha Dhuw y ri dhis avel eretons dh'y erita, ena ty a dhefend dhe-ves yn tien kov Amalek a-dhann nev. Na ankov.

Dewteronomi 3:20

bys pan re an Arloedh powes dh'agas breder, kepar dell ros dhywgh hwi, hag i ynwedh a erit an tir usi an Arloedh agas Duw ow ri dhedha dres an Yordan. Ena pubonan a dhehwel dh'y eretons re res dhywgh.’

Dewteronomi 4:21

An Arloedh a sorras orthiv drefenn agas geryow, ha ti na dreussiv an Yordan, na dos dhe'n tir da a wra an Arloedh dha Dhuw y ri dhis avel eretons.

Yoshua 11:23

Ytho Yoshua a gemmeras an tir oll, war-lergh oll re lavarsa an Arloedh dhe Moyses: ha Yoshua a'n ros avel eretons dhe Ysrael war-lergh rannow aga loethow. Ha'n tir a'n jeva kres dhiworth bresel.