Dewteronomi 12:6 - An Bibel Kernewek 20234 (Kernewek Kemmyn)

⁶ Hwi a dhre di agas offrynnow leskys, ha'gas sakrifisow, ha'gas degedhow, hag offrynnow drehevys a'gas leuv, ha'gas ambosow, ha'gas offrynnow bolonjedhek, ha'n re kynsa-genys a'gas chatel ha'gas flokkys,

Dewteronomi 12:6 Iomraidhean Croise

2 Kroniklys 31:14

Kore mab Ymna an Levyas, gwithyas yet an howldrevel, a'n jevo charj a'n rohow bolonjedhek res dhe Dhuw, rag kevrenna an kevro gwrys dhe'n Arloedh ha'n offrynnow an moyha sans.

2 Kroniklys 7:12

Ena an Arloedh a omdhiskwedhas dhe Solomon y'n nos, ha leverel dhodho, ‘My re glewas dha bysadow, ha my re dhewisas an tyller ma ragov vy ow honan avel chi sakrifis.

Ezra 3:2

Ena Yeshua mab Yosadak a sevis, ha'y vreder an oferysi, ha Zerubbabel mab Shealtiel ha'y vreder, hag i a dhrehevis alter Duw Ysrael rag offrynna offrynnow leskys warnedhi, dell yw skrifys yn lagha Moyses gour Duw.

Nehemia 10:36

ynwedh dhe dhri dhe ji agan Duw, dhe'n oferysi neb a serv yn chi agan Duw, an kynsa-genys a'gan mebyon, hag a'gan gwarthek, dell yw skrifys y'n lagha, ha'n kynsa-genys a'gan greow hag a'gan flokkys;

Nehemia 10:39

Rag pobel Ysrael ha mebyon Levi a dhre aga hevro a reun, gwin hag oyl dhe'n chambouryow le may ma lestri an sentri, ha'n oferysi neb a serv, ha'n borthoryon ha'n ganoryon. Ny forsakyn chi agan Duw.

Salmow 116:17

My a offrynn dhis sakrifis a rasyans ha gelwel war hanow an Arloedh.

Ezekiel 20:40

Rag war ow menydh sans, war venydh ughel Ysrael, yn-medh an Arloedh Duw, oll chi Ysrael, i oll, a wra ow servya ena y'n tir; eno my a wra aga degemmeres. Ena my a vynn orthowgh agas offrynnow ha'n gwella a'gas sakrifisow gans oll agas taklow sans.

Levitikus 1:3

Mars yw y offrynn offrynn leskys a'n gwarthek, offrynnes ev best gorow heb namm: gwres ev y offrynna orth daras tylda an kuntelles, may kaffo favour dherag an Arloedh.

Malaki 3:10

Drewgh an dega dien a-ji dhe'n withva, may fo boes y'm chi. Prevewgh vy yn hemma, yn-medh Arloedh an luyow. A ny igorav an fenestri a nev ha diveri bennath ragowgh yw moy ages lowr?

Malaki 3:8

A lader den dhiworth Duw? Mes hwi a lader dhiworthiv. Hwi a lever, ‘Fatell ledryn dhiworthis?’ An dega ha'n offrynn!

Luk 11:42

‘Mes go-hwi Fariseow! Rag hwi a dhegev menta ha ruta ha losow oll, heb gul vri a wirvreus ha kerensa Duw; y tal dhywgh gul an re ma, heb dispresya an re na.

Luk 18:12

My a wra penys heb dybri diwweyth y'n seythun, my a re dega a bup-tra a dhendilav.”

Dewteronomi 12:17

Ny yllydh dybri a-berth y'th yetys dega a'th ys na'th win, na'th oyl, na'n kynsa-genys a'th chatel ha'th flokk, na pynagoll a'th ambosow a ambossi na'th offrynnow bolonjedhek nag offrynn drehevys a'th leuv.

Dewteronomi 26:2

ty a gemmer neppyth a'n kynsa a oll frut an tir a dhredh mes a'th tir a wra an Arloedh dha Dhuw y ri dhis ha'y worra yn kanstell, ha mos dhe'n tyller a wra an Arloedh dha Dhuw y dhewis dhe wul dh'y hanow triga ena,

Yoshua 22:27

mes dhe vos dustunier yntra ni ha hwi, hag ynter agan henedhow war agan lergh, may hwren ni servis an Arloedh a-ragdho gans agan offrynnow leskys ha'gan sakrifisow ha'gan offrynnow kres; ma na lavarro agas mebyon dh'agan mebyon yn termyn a dheu, ‘Nyns eus dhywgh rann y'n Arloedh.’ ”

1 Samuel 1:21

An gour Elkana hag oll y vayni eth yn-bann dhe offrynna dhe'n Arloedh an sakrifis blydhenyek, ha dhe gewera y ambos.

1 Samuel 1:24

Ha wosa hi dh'y dhidhena, hi a'n kemmeras yn-bann gensi, gans lodhen tri bloedh, hag unn efa a vleus, ha seth a win. Hi a'n dros dhe ji an Arloedh yn Shilo; ha'n maw o yowynk.