Dewteronomi 12:3 - An Bibel Kernewek 20234 (Kernewek Kemmyn)

³ Terrewgh aga alteryow dhe'n dor, ha brewi aga feulveyn, ha leski aga Asherim gans tan; treghewgh dhe'n dor imajys gravys aga duwow, ha distrui aga hanow dhiworth an tyller na.

Dewteronomi 12:3 Iomraidhean Croise

1 Myghternedh 14:15

‘An Arloedh a wysk Ysrael, par dell yw broennenn kryghyllys y'n dowr; ev a dhiwreydh Ysrael yn-mes a'n tir da ma a ros dh'aga thasow, ha'ga skattra dres an Ewfrates, drefenn i dhe wul aga Asherim, ow provokya an Arloedh dhe sorr.

1 Myghternedh 15:13

Ev a wordhellos ynwedh y vamm Maaka dhiworth hy soedh avel mamm-vyghternes, drefenn hi dhe wruthyl imaj kasadow a Ashera; Asa a droghas dhe'n dor hy thra gasadow ha'y leski yn nans Kidron.

2 Myghternedh 11:18

Oll pobel an pow eth yn chi Baal ha'y derri dhe'n dor; i a vrewis y alteryow ha'y imajys yn temmigow, ha ladha Mattan, oferyas Baal, a-rag an alteryow. Ena Yehoyada an oferyas a settyas gwithysi war ji an Arloedh.

2 Myghternedh 18:4

Ev a gemmeras an tylleryow ughel yn-mes, ha terri an peulveyn, ha treghi yn-nans an Ashera, ha brewi an sarf a vrons re wrussa Moyses, rag bys y'n dydhyow na yth esens fleghes Ysrael ow leski offrynnow dhedhi; henwys veu Nehushtan.

2 Myghternedh 23:14

Ev a vrewis an peulveyn, ha treghi dhe'n dowr an Asherim, ha lenwel aga thylleryow a eskern denel.

2 Kroniklys 14:2

Asa a wrug an pyth o da hag ewn yn golok an Arloedh y Dhuw.

2 Kroniklys 14:3

Ev a gemmeras dhe-ves an alteryow estren ha'n tylleryow ughel, ev a dorras an peulveyn hag a droghas dhe'n dor an Asherim.

2 Kroniklys 19:3

Byttegyns neppyth a dhader yw kevys ynnos, rag ty re dhiswrug an Asheroth yn-mes a'n tir, ha re settyas dha golonn dhe hwilas Duw.’

2 Kroniklys 31:1

Pan veu oll henna gorfennys, oll Ysrael esa ena eth yn-mes dhe sitys Yuda hag a droghas an peulveyn, ha terri dhe'n dor an Asherim, ha distrui an tylleryow ughel ha'n alteryow der oll Yuda ha Benyamin hag yn Efraym ha Manasse, bys pan y's diswrussens oll. Ena pobel Ysrael a dhehwelis dh'aga sitys, pubonan dh'y berghennogeth y honan.

2 Kroniklys 34:3

Rag yn ethves blydhen y reyn, hag ev hwath maw, ev a dhallathas hwilas Duw Davydh y das, hag y'n dewdhegves blydhen, ev a dhallathas kartha dhiworth Yuda ha Yerusalem an tylleryow ughel, an Asherim, ha'n imajys gravys ha teudhys.

Salmow 16:4

Aga galarow a voghha, seul a fysk war-lergh duw arall; ny offrynnav goes aga offrynnow-diwes, ha ny gemmerav aga henwyn y'm diwweus.

Eksodus 23:13

Koelewgh orth an pyth oll re leveris dhywgh; ha na elwewgh war henwyn duwow erell, na na esewgh i dhe vos klewys a'gas ganow.

Eksodus 23:24

Ny omblegydh a-rag aga duwow, na'ga servya, na gul herwydh aga oberow, mes ty a wra aga distrui yn tien ha terri aga feulveyn dhe demmyn.

Eksodus 34:13

Ty a derr dhe'n dor aga alteryow, ha terri dhe demmyn aga feulveyn, ha treghi aga Asherim,

Ysay 27:9

Rakhenna, yndellma anewnder Yakob a vydh prenys, ha hemma a vydh an frut leun ow treylya dhe-ves y begh: pan worr oll meyn an alter avel meyn krey dralyes, ny sev Asherim nag alteryow ynkys.

Yeremia 17:2

rag bos aga mebyon ow perthi kov a'ga alteryow ha'ga Asherim ryb an gwydh glas war an breow ughel,

Hosea 2:17

My a gemmer henwyn an Baalim yn-mes a'y ganow, ha ny vydhons nevra kovhes orth aga henwyn.

Mika 5:14

ha my a dhiwreydh dha Asherim a-dhiworthis, ha diswul dha sitys.

Zekaria 13:2

Y'n jydh na, yn-medh Arloedh an luyow, my a wra dilea henwyn an imajys dhiworth an tir, ha ny vydhons kovhes byth moy; ynwedh my a wra gorra dhe-ves a'n tir an brofoesi ha'n spyrys avlan.

Niverow 33:52

ena hwi a wra fesya oll trigoryon an tir a-dheragowgh, ha distrui aga meyn gravys, ha distrui oll aga imajys teudh, ha disevel oll aga thylleryow ughel;

Dewteronomi 12:4

Na wrewgh gordhya an Arloedh agas Duw yndella.

Dewteronomi 7:25

Imajys gravys aga duwow a leskowgh dre dan. Na dhesir an arghans na'n owr usi warnedha na'y gemmeres ragos, rag own ty dhe vos maglennys ynno, rag ev dhe vos kasadow dhe'n Arloedh dha Dhuw.

Dewteronomi 7:5

Mes yndella y hwrewgh dhedha: hwi a derr dhe'n dor aga alteryow, ha brewi aga feulveyn, ha treghi aga Asherim, ha leski aga imajys gravys gans tan.

Diskwedhyans 13:1

Ha my a welas best ow trehevel yn-mes a'n mor, ha ganso deg korn ha seyth penn ha deg diadem war y gern, ha hanow blasfemi war y bennow.

Breusysi 2:2

ha hwi nevra ny wrewgh kevambos gans trigoryon an tir ma; hwi a derr dhe'n dor aga alteryow.” Mes ny obaysowgh ow lev. Prag y hwrussowgh hemma?