Dewteronomi 12:11 - An Bibel Kernewek 20234 (Kernewek Kemmyn)

¹¹ Ha dhe'n tyller a wra an Arloedh agas Duw y dhewis rag gul dh'y hanow triga ena, dhodho y trowgh pup-tra a worhemmynnav dhywgh: agas offrynnow leskys, ha'gas sakrifisow, agas degedhow, ha'n offrynnow drehevys a'gas leuv, ha'n gwella a'gas offrynnow ambosel oll a ambosowgh dhe'n Arloedh.

Dewteronomi 12:11 Iomraidhean Croise

1 Myghternedh 12:27

Mars a an bobel ma dhe offrynna sakrifisow yn chi an Arloedh yn Yerusalem, kolonn an bobel a dreyl arta dh'aga mester, Rehoboam myghtern Yuda.’

1 Myghternedh 8:13

Devri my re dhrehevis dhis chi ughel, tyller rag ty dhe driga ynno bys vykken.’

1 Myghternedh 8:16

“A-dhia'n jydh may tres vy ow fobel Ysrael yn-mes a Ejyp, ny dhewisis sita vyth yn-mes a loethow Ysrael rag drehevel ow chi ynni, may fe ow hanow ena; mes my a dhewisas Davydh dhe vos a-ugh ow fobel Ysrael.”

1 Myghternedh 8:29

may fydh igor dha lagasow war-tu ha'n chi ma nos ha dydh.

2 Myghternedh 18:22

Mes mar leverydh dhymm, “Ni a fydh y'n Arloedh agan Duw”, a nyns yw ev may kemmeras dhe-ves Hezekia y dylleryow ughel ha'y alteryow, ow leverel dhe Yuda ha dhe Yerusalem, “Hwi a wordhyowgh a-dherag an alter ma yn Yerusalem”?

1 Kroniklys 22:1

Ena Davydh a leveris, ‘Hemma a vydh chi an Arloedh Duw ha hemma a vydh alter an offrynn leskys rag Ysrael.’

2 Kroniklys 6:20

Re bo dha dhewlagas igor war-tu ha'n chi ma, dydh ha nos, an tyller ynno mayth ambossys dhe worra dha hanow, ha klew an pysadow a bys dha was war-tu ha'n tyller ma

2 Kroniklys 7:12

Ena an Arloedh a omdhiskwedhas dhe Solomon y'n nos, ha leverel dhodho, ‘My re glewas dha bysadow, ha my re dhewisas an tyller ma ragov vy ow honan avel chi sakrifis.

Ezra 6:12

Ha'n Duw neb a wrug dh'y hanow triga ena, re dhomhwello myghtern po pobel pynag a ystynno leuv dhe janjya hemma, po dhe dhistrui an chi ma a Dhuw, usi yn Yerusalem. My Darius re dhellos arghadow; bedhes gwrys gans meur a rach.’

Salmow 100:2

Servyewgh an Arloedh gans lowena; dewgh a-dheragdho gans kan.

Salmow 116:17

My a offrynn dhis sakrifis a rasyans ha gelwel war hanow an Arloedh.

Salmow 66:13

My a dheu y'th chi gans offrynnow leskys; ha my a dal dhis ow ambosow,

Salmow 78:68

Mes ev a dhewisas loeth Yuda, menydh Sion, a gara.

Eksodus 25:8

Ha gas i dhe wul dhymm sentri may trikkiv yn aga mysk.

Eksodus 29:45

Ha my a drig yn mysk mebyon Ysrael, ha my a vydh aga Duw.

Yeremia 7:12

Kewgh lemmyn bys y'm tyller esa yn Shilo, le may hwrugavy ow hanow dhe driga yn kynsa, ha gwelewgh an pyth a wrug dhodho drefenn drogedh ow fobel Ysrael.

Levitikus 17:4

heb y dhri bys yn daras tylda an kuntelles dhe offrynna offrynn dhe'n Arloedh dherag tabernakel an Arloedh: goes a vydh reknys erbynn an gour na; an gour ma re skoellyas goes, hag ev a vydh treghys dhe-ves dhiworth y bobel.

Dewteronomi 12:13

Kemmer with na offrynnowgh dha offrynnow leskys pub le a welydh.

Dewteronomi 12:14

Unnsel y'n tyller a dhewis an Arloedh yn onan a'th loethow, ena ty a offrynn dha offrynnow leskys. Ena ty a wra pup-tra esov orth y worhemmynna dhis.

Dewteronomi 12:18

Ty a'n deber a-rag an Arloedh dha Dhuw, y'n tyller a wra an Arloedh dha Dhuw y dhewis, ty ha'th vab ha'th vyrgh, ha'th was ha'th vaghteth, ha'n Levyas usi a-berth y'th yetys; ha hwi a lowenha a-rag an Arloedh dha Dhuw yn pup-tra may hworrydh dha leuv warnodho.

Dewteronomi 12:21

Mar pydh an tyller a wrug an Arloedh dha Dhuw y dhewis dhe settya y hanow ena re bell dhiworthis, ty a sakrifi bestes a'th chatel hag a'th flokk a ros an Arloedh dhis kepar dell worhemmynnis dhis, ha ty a dheber a-berth y'th yetys war-lergh oll desir dha enev.

Dewteronomi 12:26

Byttegyns dha daklow sans a'th eus, ha'th ambosow, ty a's kemmer ha dos dhe'n tyller a wra an Arloedh y dhewis.

Dewteronomi 12:5

Mes hwi a hwila an tyller a wra an Arloedh agas Duw y dhewis dhiworth oll agas loethow, dhe worra y hanow ena rag y drigva; ha ty a dheu di.

Dewteronomi 14:23

Ty a dheber a-rag an Arloedh dha Dhuw, y'n tyller a wra y dhewis dhe wul dh'y hanow triga ena, dega dha ys, ha'th win ha'th olew, ha kynsa-genys dha jatel ha'th flokk, rag may tyski dhe berthi own a'n Arloedh dha Dhuw pub dydh oll.

Dewteronomi 15:19

Pub kynsa-genys gorow a vo genys y'th gre hag y'th flokk ty a saker dhe'n Arloedh dha Dhuw. Ny wonedhydh gans kynsa-genys dha oghen, na knyvyas kynsa-genys dha flokk.

Dewteronomi 15:20

Ty a'n deber a-rag an Arloedh dha Dhuw blydhen wosa blydhen y'n tyller a wra an Arloedh y dhewis, ty ha'th teylu.

Dewteronomi 17:8

Mars yw mater re gales ragos dhe vreusi yntra goes ha goes, yntra ken ha ken, hag yntra strekys ha strekys, materow a gontroversita a-berth y'th yetys, ena ty a sev hag yskynna dhe'n tyller a wra an Arloedh dha Dhuw y dhewis.

Dewteronomi 18:6

Mar teffo Levyas dhiworth onan a'th yetys yn-mes a Ysrael oll, usi ow kodriga ena, ha dos yn oll desir y enev dhe'n tyller a wra an Arloedh y dhewis,

Dewteronomi 23:16

Ev a yll triga yntredhowgh, y'n tyller a dhewis, yn onan a'th yetys yw da ganso, ha ny wredh y arwaska.

Dewteronomi 26:2

ty a gemmer neppyth a'n kynsa a oll frut an tir a dhredh mes a'th tir a wra an Arloedh dha Dhuw y ri dhis ha'y worra yn kanstell, ha mos dhe'n tyller a wra an Arloedh dha Dhuw y dhewis dhe wul dh'y hanow triga ena,

Dewteronomi 31:11

pan dheu oll Ysrael dhe omdhiskwedhes a-rag an Arloedh dha Dhuw y'n tyller a dhewis, ty a lenn an lagha ma a-rag oll Ysrael yn aga klewans.

Yoshua 18:1

Oll kuntelles mebyon Ysrael a omguntellas yn Shilo, ha settya ena tylda an kuntelles. Ha'n tir a veu fethys a-ragdha.

Yoshua 22:11

An Ysraelysi a glewas an Rewbenysi ha'n Gadysi ha hanter-loeth Manasse dhe drehevel alter a-dal pow Kanan, yn Geliloth ryb an Yordan, war denewen an Ysraelysi.

Yoshua 22:16

‘Yndellma y lever oll kuntelles an Arloedh, “Pyth yw an dislelder ma re wrussowgh erbynn Duw Ysrael ow treylya hedhyw dhiworth siwya an Arloedh, ow trehevel alter ragowgh agas honan hedhyw yn rebellyans erbynn an Arloedh?

Yoshua 22:23

Mar trehaffen ragon alter rag treylya a siwya an Arloedh, po mar kwrellen warnedhi offrynn leskys po offrynn greun po mar kwrellen warnedhi sakrifisow offrynnow kres, an Arloedh y honan a hwilsa agan kessydhya.

Yoshua 22:27

mes dhe vos dustunier yntra ni ha hwi, hag ynter agan henedhow war agan lergh, may hwren ni servis an Arloedh a-ragdho gans agan offrynnow leskys ha'gan sakrifisow ha'gan offrynnow kres; ma na lavarro agas mebyon dh'agan mebyon yn termyn a dheu, ‘Nyns eus dhywgh rann y'n Arloedh.’ ”

Yoshua 22:29

Pell bedhes dhiworthyn ni defia an Arloedh, ha treylya y'n jydh ma a siwya an Arloedh rag drehevel alter rag offrynn leskys, offrynn, po sakrifis, nag yw alter an Arloedh agan Duw usi a-rag y dabernakel.’

Yoshua 9:27

Mes y'n jydh na Yoshua a's settyas dhe vos treghysi keunys ha tennoryon dowr rag an kuntelles ha rag alter an Arloedh, bys y'n jydh ma, y'n tyller a dhewisas.

1 Samuel 1:21

An gour Elkana hag oll y vayni eth yn-bann dhe offrynna dhe'n Arloedh an sakrifis blydhenyek, ha dhe gewera y ambos.