Dewteronomi 12:10 - An Bibel Kernewek 20234 (Kernewek Kemmyn)

¹⁰ Mes pan dreusowgh an Yordan ha triga y'n tir a wra an Arloedh agas Duw y ri dhywgh dh'y erita, ha pan re powes dhywgh dhiworth oll agas eskerens a-derdro, hwi a drig yn sawder.

Dewteronomi 12:10 Iomraidhean Croise

1 Myghternedh 4:25

Hag yth esa Yuda hag Ysrael trigys yn sawder dydhyow oll Solomon, peub yn-dann y winbrenn hag yn-dann y figbrenn, dhiworth Dan bys yn Beer-sheba.

1 Myghternedh 8:56

‘Benniges re bo an Arloedh, re ros powes dh'y bobel Ysrael herwydh pup-tra a ambosas; ny fyllis ger vyth a'y ambos da, a gewsis der y was Moyses.

1 Kroniklys 22:18

‘A nyns usi an Arloedh agas Duw genowgh? Hag ev re ros powes dhywgh a bub tenewen? Rag ev re dhelivras trigoryon an pow yn ow leuv, hag yma'n pow fethys a-rag an Arloedh ha'y bobel.

Salmow 4:8

Yn kres my a wrowedh ha koska; drefenn ty dha honan, A Arloedh, dhe wul dhymm triga yn sawder.

Eksodus 33:14

Hag ev a leveris, ‘My ow honan a wra mos genes, ha my a re dhis powes.’

Lavarow Koth 1:33

mes neb a woslow orthiv a wra triga yn sawder, hag a vydh attes, heb euth a dhroktra.’

Yeremia 23:6

Yn y dhydhyow Yuda a vydh selwys hag Ysrael a vew yn sawder. Ha hemm yw an hanow may fydh gelwys: An Arloedh agan Ewnder.

Yeremia 32:37

Otta, my a's kuntell yn-mes a'n tiryow oll ma's fesyas yn ow sorr hag yn ow honnar hag yn sorrvann meur; ha my a's dre arta dhe'n tyller ma ha my a wra dhedha triga yn sawder.

Yeremia 33:11

lev lowender ha heudhder, lev an gour pries ha lev an venyn bries, lev an re a lever, hag i ow tri offrynnow grasyans yn chi an Arloedh: ‘Gormelewgh Arloedh an luyow, rag an Arloedh yw da, rag y dregeredh a dhur bys vykken.’ Rag my a dreyl kethneth an tir kepar hag y'n dalleth, yn-medh an Arloedh.

Ezekiel 28:26

I a drig ynno yn sawder, ha drehevel chiow, ha plansa gwinlannow; i a drig yn sawder pan wrav breusow war oll aga hentrevogyon a's dispres. Ena i a woer my dhe vos an Arloedh aga Duw.

Ezekiel 34:25

My a wra kevambos kres gansa, ha pellhe drog vestes dhiworth an tir, hag i a drig y'n difeythtir yn sawder, ha koska y'n koeswigow.

Ezekiel 34:28

Ny vydhons na fella preydh rag an kenedhlow, ha ny wra bestes an tir aga devorya; mes i a drig yn sawder ha nagonan ny worr own ynna.

Ezekiel 38:11

Ty a lever, ‘Yth av yn-bann erbynn tir a drevow heb fosow; my a dheu erbynn an dus kosel, trigys yn sawder, i oll trigys heb fosow, heb barrys na yetys dhedha’,

Ezekiel 38:8

Wosa lies dydh y fydhydh gelwys. Yn blydhynyow a dheu yth edh erbynn tir yw restorys wosa bresel, gans lies pobel kuntellys war venydhyow Ysrael, hirneth re bia difeyth; y bobel a veu dres yn-mes dhiworth an poblow, ha lemmyn i oll yw trigys yn sawder.

Dewteronomi 11:31

Rag hwi a vydh ow treusi an Yordan dhe dhos dhe erita an tir a wra an Arloedh agas Duw y ri dhywgh, ha hwi a wra y berghenna, ha triga ynno.

Dewteronomi 3:27

Yskynn bys y'n penn a Pisga, ha drehav dha dhewlagas dhe'n howlsedhes, ha'n kledh, ha'n dyghow, ha'n howldrevel, ha gwel gans dha dhewlagas; drefenn na dreusydh an Yordan ma.

Dewteronomi 33:12

Rag Benyamin, y leveris: Meurgerys an Arloedh, ev a drig yn sawder rybdho; ev a'n goskeus oll an jydh, ha trigys vydh ynter y dhiwskoedh.

Dewteronomi 33:28

Ysrael a drig yn sawder; y honan oll yw fenten Yakob, yn tir a ys ha gwin nowydh, y nevow ynwedh a dhever gluth.

Dewteronomi 4:22

Rag my a verow y'n tir ma, heb treusi an Yordan: mes hwi a vydh ow treusi, ha hwi a erit an tir da ma.

Dewteronomi 9:1

Klew, Ysrael: ty a dreus an Yordan hedhyw dhe vos a-bervedh dhe erita kenedhlow brassa ha kreffa agesos, sitys bras, kerys bys y'n ebron,

Yoshua 11:23

Ytho Yoshua a gemmeras an tir oll, war-lergh oll re lavarsa an Arloedh dhe Moyses: ha Yoshua a'n ros avel eretons dhe Ysrael war-lergh rannow aga loethow. Ha'n tir a'n jeva kres dhiworth bresel.

Yoshua 14:1

An re ma yw an tiryow a eritas mebyon Ysrael yn pow Kanan, a veu rynnys dhedha avel eretons gans Yoshua mab Nun ha pennow teyluyow loethow Ysrael.

Yoshua 3:17

An oferysi esa ow toen argh kevambos an Arloedh a sevis fast war syghtir yn kres an Yordan, hag oll Ysrael a dreusis war syghtir, bys pan worfennas oll an genedhel treusi an Yordan.

Yoshua 4:12

An Rewbenysi, an Gadysi, ha'n hanter-loeth Manasse a dreusis arayys rag kas a-rag an Ysraelysi, dell gewsis Moyses dhedha.

1 Samuel 7:12

Ena Samuel a gemmeras men ha'y settya yntra Mispa ha Yeshana, ha'y henwel Ebenezer; rag ev a leveris, ‘Kyns-lemmyn an Arloedh re'gan gweresas.’