Dewteronomi 10:8 - An Bibel Kernewek 20234 (Kernewek Kemmyn)

⁸ Y'n termyn na an Arloedh a dhibarthas loeth Levi dhe dhegi argh kevambos an Arloedh, dhe sevel a-rag an Arloedh dh'y servya ha dhe venniga yn y hanow bys y'n jydh hedhyw.

Dewteronomi 10:8 Iomraidhean Croise

1 Myghternedh 8:6

Ena an oferysi a dhros argh kevambos an Arloedh dh'y thyller, yn sentri pervedhel an chi, y'n tyller an moyha sans, yn-dann eskelli an jerubim.

1 Kroniklys 15:2

Ena Davydh a leveris, ‘Ny yll nagonan doen argh Duw marnas an Levysi, rag an Arloedh a's dewisas dhe dhoen argh an Arloedh ha dhe venystra dhodho bys vykken.’

1 Kroniklys 15:26

Rag Duw dhe weres an Levysi neb a dhug argh kevambos an Arloedh, i a sakrifias seyth tarow ha seyth hordh.

1 Kroniklys 23:13

Mebyon Amram: Aron ha Moyses. Aron a veu diberthys gans y vebyon bys vykken dhe sakra an taklow moyha sans, dhe leski offrynnow a-rag an Arloedh, dhe venystra dhodho ha dhe leverel bennathow yn y hanow bys vykken.

1 Kroniklys 23:26

Ytho nyns yw res na fella dhe'n Levysi doen an tabernakel na'n daffar rag y servis’ –

2 Kroniklys 29:11

Ow mebyon, na vedhewgh logh lemmyn, rag an Arloedh re'gas dewisas dhe sevel a-ragdho ha'y servya, ha dhe vos y venystoryon, ha dhe leski offrynnow dhodho.’

2 Kroniklys 30:27

Ena an oferysi ha'n Levysi a sevis yn-bann ha benniga an bobel, ha'ga lev o klewys; ha'ga fysadow a dheuth dh'y drigva sans yn nev.

Salmow 134:1

Otta, bennigewgh an Arloedh, gwesyon oll a'n Arloedh, hwi neb a sev nosweyth yn chi an Arloedh.

Salmow 134:2

Drehevewgh agas diwleuv y'n sentri, ha bennigewgh an Arloedh.

Salmow 135:2

hwi neb a sev yn chi an Arloedh, yn klosyow chi agan Duw.

Yeremia 15:19

Rakhenna yndellma y lever an Arloedh: Mar tehwelydh, ena my a'th taskemmer, ha ty a sev arta a-ragov: ha mar leverydh an pyth yw drudh a-der an pyth yw divri, ty a vydh avel leveryas ragov: gas i dhe dhehweles dhiso jy, mes ty na dhehwel dhedha i.

Ezekiel 44:11

I a vydh menystrys y'm sentri, gans charj a yetys an tempel, hag ow servya y'm tempel; i a ladh an offrynn leskys ha'n sakrifis rag an bobel, hag i a sev a-ragdha ha'ga servya.

Ezekiel 44:15

Mes an oferysi leviek, mebyon Sadok, an re a withas charj a'm sentri pan eth mebyon Ysrael yn sowdhan dhiworthiv, i a dheu nes dhymm dhe'm servya, hag i a sev a-ragov dhe offrynna dhymm blonek ha goes, yn-medh an Arloedh Duw.

Levitikus 8:9

Hag ev a worras an tulyfant war y benn ha war an tulyfant war y dal ev a worras an vedalenn owrek, an gurun sans, dell erghis an Arloedh dhe Moyses.

Levitikus 9:22

Hag Aron a dhrehevis y leuv troha'n bobel ha'ga benniga, ha diyskynna dhiworth offrynna an offrynn pegh ha'n offrynn leskys ha'n offrynnow kres.

Niverow 3:31

Ha'ga charj yw an argh, an voes, an kantoler, an alteryow, lestri an sentri dredha may fenystro an oferysi, ha'n groglenn, dh'y wonis oll.

Niverow 3:6

Doro loeth Levi yn ogas, ha'ga gorra a-rag Aron an oferyas, may fenystro dhodho.

Niverow 4:15

Ha pan vydh Aron ha'y vebyon gorfennys ow kudha an sentri hag oll daffar an sentri, dell dhalleth an kamp war an fordh, wosa henna mebyon Kohath a wra dos dhe dhoen an re ma, mes ny goedh dhedha tochya an taklow sans, ma na varwons. An re ma yw taklow tylda an kuntelles a vydh degys gans mebyon Kohath.

Yowann 15:16

Ny wrussowgh hwi ow dewis vy, mes my re'gas dewisas hwi, ha'gas apoyntya mayth yllowgh ha doen frut, ha may hwrello agas frut durya; may rollo ow Thas dhywgh pypynag a wovynnowgh dhiworto y'm hanow vy.

Oberow 13:2

Hag i ow kordhya an Arloedh hag ow penys, an Spyrys Sans a leveris, ‘Diberthewgh ragov Barnabas ha Sowl rag an gonis ma's gelwis vy.’

Romanyon 1:1

Powl, gwas a Yesu Krist, gelwys dhe vos abostol, diberthys dhe aweyl Duw

Romanyon 12:7

neb a serv, re serfyo; neb a dhysk, re dhysko;

2 Korinthianys 6:17

Rakhenna dewgh yn-mes a-dhiworta, ha bedhewgh diberthys, yn-medh an Arloedh, ha na dochyewgh travyth avlan, ha my a wra agas degemmeres,

Galatianys 1:15

Byttegyns pan vynnas Duw, neb a'm dibarthas a-dhia vrys ow mamm ha'm gelwel der y ras,

Dewteronomi 17:12

An gour a lavas disobaya an oferyas neb a sev dhe venystra ena dhe'n Arloedh dha Dhuw, po an breusyas – an gour na a verow. Yndella ty a garth an drog dhiworth Ysrael.

Dewteronomi 18:5

Rag an Arloedh dha Dhuw re'n dewisas yn-mes a'th loethow oll, dhe sevel ha dhe servya yn hanow an Arloedh, ev ha'y vebyon bys vykken.

Dewteronomi 21:3

ha henavogyon an dre yw nessa dhe'n den ledhys a gemmer lejek na veu gorrys dhe lavur ha na dennas yn-dann yew.

Dewteronomi 21:5

Ha'n oferysi, mebyon Levi, a nes; rag an Arloedh dha Dhuw a wrug aga dewis dh'y servya ha dhe venniga yn hanow an Arloedh; ha gansa y fydh breusys pub kedrynn ha pub strekys.

Dewteronomi 31:9

Ytho Moyses a skrifas an lagha ma, ha'y ri dhe'n oferysi leviek, degoryon argh kevambos an Arloedh, ha dhe oll henavogyon Ysrael.