Dewteronomi 10:5 - An Bibel Kernewek 20234 (Kernewek Kemmyn)

⁵ Ena my a dreylyas ha diyskynna dhiworth an menydh ha gorra an leghennow y'n argh a wrug vy, hag yth esons ena kepar dell worhemmynnis an Arloedh dhymm.

Dewteronomi 10:5 Iomraidhean Croise

Eksodus 25:16

Hag y'n argh ty a wra gorra an dustuni a rov dhis.

Eksodus 25:21

Ha ty a wra gorra an dregeredhva war an argh; hag y'n argh, ty a wra gorra an dustuni a rov dhis.

Eksodus 32:15

Ha Moyses a dreylyas ha diyskynna a'n menydh gans diw leghenn an dustuni yn y dhorn, leghennow a veu skrifys war an dhew du; war an eyl tu ha war y gila y fons skrifys.

Eksodus 34:28

Hag y feu ena gans an Arloedh dew-ugens dydh ha dew-ugens nos; ha ny dhybris bara nag eva dowr. Hag y skrifas war leghennow geryow an kevambos, an deg gorhemmynn.

Eksodus 34:29

Pan dhiyskynnas Moyses a venydh Sinay, ha diw leghenn an dustuni yn y dhorn dell dhiyskynnas a'n menydh, ny wodhya Moyses kroghen y fas dhe splanna, rag ev re bia ow kewsel gans Duw.

Eksodus 40:20

Hag ev a gemmeras an dustuni ha'y worra y'n argh, ha gorra an gwelynni war an argh, ha settya an dregeredhva a-ugh an argh;

Dewteronomi 10:2

Ha my a skrif war an leghennow an geryow esa war an kynsa leghennow a derrsys. Ena ty a's gorr y'n argh.’

Dewteronomi 9:15

Ytho my a dreylyas ha diyskynna dhiworth an menydh, ha'n menydh ow tewi gans tan, ha diw leghenn an kevambos y'm diwleuv.

Yoshua 4:9

Yoshua a settyas yn-bann an dewdhek men re bia yn kres an Yordan y'n tyller may sevis treys an oferysi a dhug argh an kevambos; hag ymons i ena bys y'n jydh ma.