Dewteronomi 1:16 - An Bibel Kernewek 20234 (Kernewek Kemmyn)

¹⁶ My a worhemmynnis agas breusysi y'n termyn na, ow leverel, ‘Klewewgh an kenyow ynter agas breder, ha breusewgh yn ewnder yntra gour ha'y vroder ha'n alyon trigys ganso.

Dewteronomi 1:16 Iomraidhean Croise

Jenesis 18:25

Pell bedhes dhiworthis gul war-lergh an gis ma, ladha an re wiryon gans an re dhrog, may fo an re wiryon kepar ha'n re dhrog; bedhes pell dhiworthis! A ny vynn Breusyas oll an nor gul gwirvreus?’

2 Samuel 23:3

Duw Ysrael a gewsis, Karrek Ysrael a leveris dhymm: Ev neb a rewl tus yn ewnder, hag a rewl yn own Duw,

Salmow 58:1

A leverowgh hwi gwirvreus yn hwir? A vreusowgh yn ewnder, hwi vebyon den?

Eksodus 22:21

Ny wredh kammdhyghtya alyon na'y arwaska, drefenn hwi dhe vos alyons yn pow Ejyp.

Lavarow Koth 31:9

Igor dha anow, breus yn ewn, ha pled ken an edhommek ha'n boghosek.

Levitikus 19:15

Ny wrewgh kammhynseth y'n vreus. Ny wre'ta favera an boghosek, na gul revrons dhe'n den galloesek, mes ty a vreus dha gentrevek gans ewnder.

Levitikus 24:22

Y fydh unn lagha dhywgh, an alyon ha'n genesik maga ta, rag an Arloedh agas Duw ov vy.

Niverow 27:19

gwra dhodho sevel a-rag Eleazar an oferyas ha'n kuntelles oll, ha ro dhodho charj yn aga golok.

Yowann 7:24

Na vreusewgh herwydh an semlans, mes breusewgh gans breus gwiryon.’

Dewteronomi 1:15

My a gemmeras pennow agas loethow, gwer fur hag aswonnys, ha'ga settya avel pennow warnowgh, kaptenyon a vilyow, kaptenyon a gansow, kaptenyon a hanter-kansow, kaptenyon a dhegow, ha soedhogyon rag agas loethow.

Dewteronomi 24:14

Na arwask arvethesik neb yw boghosek hag edhommek, onan a'th vreder po a'th alyons eus y'th tir a-ji dhe'th yetys.

Dewteronomi 25:1

Mars eus dadhel yntra gwer, dens i dhe vreuslys hag i a re barn dhedha; ena i a akwit an den gwiryon ha dampnya an tebelwas.

Dewteronomi 27:11

Ha Moyses a worhemmynnis dhe'n bobel an jydh na, ow leverel:

Dewteronomi 31:14

Ena an Arloedh a leveris dhe Moyses, ‘Otta, an dydhyow a nes rag dha vernans. Galw Yoshua ha sevewgh orth tylda an kuntelles, ha my a re dhodho charj.’ Ytho Moyses ha Yoshua a sevis orth tylda an kuntelles.

1 Thessalonianys 2:11

Hwi a woer fatell wrussyn ni agas dyghtya, pubonan ahanowgh, kepar dell wra tas y fleghes ev,

1 Timothi 5:21

My a'th charj a-dherag Duw ha Krist Yesu ha'n eledh dewisys may synsi an taklow ma heb ragvreus, heb gul travyth dre faverans.

1 Timothi 6:17

Gorhemmynn dhe'n dus yw rych y'n bys ma na vons i goethus na trestya yn rychys nag yw sur, mes yn Duw, a brof dhyn pup-tra yn rych dhe wul devnydh 'vas anodho.