Dewteronomi 1:10 - An Bibel Kernewek 20234 (Kernewek Kemmyn)

¹⁰ an Arloedh agas Duw re'gas kressyas, hag ottahwi hedhyw avel ster an nev yn palster.

Dewteronomi 1:10 Iomraidhean Croise

Jenesis 15:5

Hag ev a'n dros mes a-ji ha leverel, ‘Mir lemmyn troha'n nev ha reken niver an ster, mar kyllydh aga nivera.’ Hag yn-medh ev dhodho, ‘Yndella y fydh dha has.’

Jenesis 22:17

my a wra dha venniga yn surredi, ha kressya dha has kepar ha ster an nevow ha kepar ha'n tewes war dreth an mor, ha'th has a wra erita yet y eskerens.

Jenesis 28:14

Ha'th has a vydh kepar ha doust an dor ha ty a wra omlesa dhe'n howlsedhes, dhe'n howldrevel, dhe'n kledh ha dhe'n dyghow, hag oll teyluyow an norvys a vydh benniges ynnos hag y'th has.

1 Kroniklys 27:23

Mes ny niveras Davydh an re yn-dann ugens bloedh, rag an Arloedh re ambossa gul Ysrael mar bals avel ster an nevow.

Nehemia 9:23

Ty a gressyas aga mebyon avel ster an nev, ha'ga dri a-ji dhe'n tir a leversys dh'aga thasow dh'y entra ha dh'y erita.

Salmow 107:38

Hag ev a's bennik, mayth ynkressyons yn fras, ha ny as aga gwarthek dhe lehe.

Eksodus 12:37

Ha mebyon Ysrael eth yn-rag a Rameses dhe Sukkoth, neb hwegh kans mil wour war droes, heb rekna an fleghes.

Eksodus 32:13

Porth kov a Abraham, Ysak, hag Ysrael, dha servysi, dhe neb y hwrussys ti re'th honan ha leverel dhedha, “My a wra liesplekhe agas diyskynnysi avel ster nev, hag oll an tir ma re ambosis y rov dh'agas diyskynnysi, hag i a'n erit bys vykken” ’

Ysay 51:2

Mirewgh orth Abraham, agas tas, hag orth Sara a'gas dineythis; rag nyns o ev marnas onan pan y'n gelwis, mes my a'n bennigas ha'y wul lies.

Ezekiel 16:7

ha tev avel skyll an mes.’ Ha ty a ynkressyas ha tevi, ha dos dhe venynses. Dha dhiwvronn a veu furvys, dha wols a devis, mes ty o noeth ha lomm.

Niverow 1:46

aga niver kowal o hwegh kans ha tri a vilyow, pymp kans ha hanter-kans.

Niverow 10:36

Ha pan bowesa hi, ev a leveri, ‘Dehwel, A Arloedh, dhe'n deg milyow a vilyow Ysrael.’

Dewteronomi 1:11

Re'gas kressyo an Arloedh, Duw a'gas tasow, milblek moy es dell owgh, ha'gas benniga kepar dell gewsis dhywgh.

Dewteronomi 10:22

Dha dasow eth yn-nans dhe Ejyp, deg ha tri-ugens enev; ha lemmyn an Arloedh dha Dhuw a'th settyas avel an ster a nev yn palster.

Dewteronomi 26:5

Ena ty a worthyp ha leverel a-rag an Arloedh dha Dhuw, ‘Aramean gwandrek o ow thas, hag ev eth yn-nans dhe Ejyp ha godriga ena gans boghes tus hag ena mos ha bos kenedhel vras, krev ha niverus.

Dewteronomi 28:62

Hwi a vydh gesys boghes agas niver, kynth ewgh kyns avel ster nev yn niver, drefenn na woslewsys lev an Arloedh dha Dhuw.

Dewteronomi 7:7

Nyns o drefenn agas bos moy ages poblow erell y hwrug an Arloedh agas kara ha'gas dewis – rag yth ewgh an lyha a'n poblow oll;