Daniel 9:7 - An Bibel Kernewek 20234 (Kernewek Kemmyn)

⁷ ‘Dhiso jy, A Arloedh, yma ewnder, mes dhyn ni yma meth a'n fas, dell eus y'n jydh hedhyw, dhe dus Yuda, dhe annedhysi Yerusalem, ha dhe Ysrael oll, an re ogas ha'n re bell, yn keniver pow may mons fesys genes, drefenn an trayson re wrussons er dha bynn.

Daniel 9:7 Iomraidhean Croise

Ezra 9:13

Pup-tra eus devedhys warnan yw drefenn agan tebelwriansow, ha'gan treuspass meur, kyn hwrussys ty agan Duw agan kessydhya le es dell dhendilas agan kammweythresow, ha re ros dhyn remenant an par ma.

Ezra 9:15

A Arloedh, Duw Ysrael, ty yw gwiryon: rag ni yw gesys hedhyw avel remenant a skapyas. Ottani a-ragos yn agan kammweyth: drefenn ny yllyn ni sevel a-ragos drefenn hemma.’

Nehemia 9:33

Hwath ty re beu gwiryon yn pup-tra re dheuth warnan, rag ty dhe dhyghtya yn lel genen ha ni re beghas.

Salmow 119:137

Gwiryon osta, A Arloedh, hag ewnhynsek yw dha vreusow.

Salmow 44:15

Oll an jydh yma ow disenor a-dheragov, ha meth ow fas re'm kudhas,

Salmow 51:14

Gwra ow delivra dhiworth kabel-goes, A Dhuw, ty Dhuw ow selwyans; ha'm taves a gan yn lowen a'th ewnder.

Salmow 51:4

Er dha bynn jy, ty dha honan, y peghis vy ha gul an drogober ma y'th wolok, rag may fes justifiys y'th lavar, ha divlam y'th vreus.

Ysay 11:11

Y'n jydh na an Arloedh a ystynn y leuv an nessa gweyth dhe dhaskavoes remenant y bobel yw gesys, dhiworth Assyria, dhiworth Ejyp, dhiworth Pathros, dhiworth Ethiopia, dhiworth Elam, dhiworth Shinar, dhiworth Hamath, ha dhiworth ynysow an mor.

Ysay 45:16

I oll a's teves meth hag a vydh konfondys, gwrioryon imajys a yn deray war-barth.

Yeremia 12:1

Gwiryon osta, A Arloedh, pan bledyav genes: mes gas vy dhe gewsel genes a'th varnow: Prag y hwra fordh an debeles seweni? Prag yth yns attes oll an re yw traytus?

Yeremia 23:6

Yn y dhydhyow Yuda a vydh selwys hag Ysrael a vew yn sawder. Ha hemm yw an hanow may fydh gelwys: An Arloedh agan Ewnder.

Yeremia 24:9

My a wra dhedha bos euth, pyth drog, yn oll gwlaskordhow an nor, dhe vos keredh ha droglavar, tont ha molleth yn oll an tylleryow ma's fesyav.

Yeremia 3:25

Ni a wrowedh yn agan meth, ha'gan despit a'gan kudh: rag ni re beghas erbynn an Arloedh agan Duw, ni ha'gan tasow, a-dhia agan yowynkneth ha hwath bys y'n jydh ma, ha ny obayson lev an Arloedh agan Duw.’

Yeremia 32:32

drefenn oll drogedh fleghes Ysrael ha fleghes Yuda, a wrussons dhe'm provokya dhe sorr, i, aga fennsevigyon, aga oferysi, ha'ga frofoesi, ha gwer Yuda, hag annedhysi Yerusalem.

Yeremia 33:16

Y'n dydhyow na Yuda a vydh selwys ha Yerusalem a drig yn sawder. Ha hemm yw an hanow may fydh henwys: ‘An Arloedh agan gwiryonedh.’

Yeremia 4:17

Avel gwithysi park, ymons i a-dro dhedhi; drefenn i dhe vos diwostydh er ow fynn, yn-medh an Arloedh.

Yeremia 7:19

Yw my neb a brovoksons dhe sorr? yn-medh an Arloedh: a nyns yw i aga honan, dh'aga meth aga honan?

Ezekiel 16:63

rag may perthi kov ha bos methek, heb igeri dha anow arta drefenn dha dhisenor, pan wrav prenedh dhis rag pup-tra re wrussys, yn-medh an Arloedh Duw.

Ezekiel 36:31

Ena hwi a berth kov a'gas drog fordhow ha'gas gweythresow na vons da; ha hwi a wra divlasa agas honan rag agas kammweythresow ha'gas gwriansow kasadow.

Ezekiel 5:10

Rakhenna tasow a dheber mebyon a-berth ynnos, ha mebyon a dheber aga thasow; ha my a wra breusow ynnos, ha skattra oll an remenant ahanas dhe oll an gwynsow.

Ezekiel 6:12

Neb yw a-bell a verow der an plag, ha neb yw ogas a goedh der an kledha, ha neb yw gesys po gwithys a verow dre dhivoetter. Yndella my a gowlwra ow honnar warnedha.

Daniel 9:14

Yndella an Arloedh a woelyas, ow hwilas chons dhe dhri an droglamm warnan; rag gwiryon yw an Arloedh agan Duw yn y weythresow oll, ha ny woslowsyn orth y lev.

Daniel 9:18

Ow Duw, ro dha skovarn ha klewes; igor dha dhewlagas ha mir orth agan ahwer, hag orth an sita may feu dha hanow gelwys warnedhi; nyns yw drefenn agan gwiryonsys ni may profyn agan aspysadow a-ragos, mes drefenn dha druedh bras.

Daniel 9:8

Dhyn ni, A Arloedh, yma meth a'n fas, dh'agan myghternedh, dh'agan prynsys ha dh'agan tasow, drefenn ni dhe begha er dha bynn.

Amos 9:9

Rag otta, my a worhemmynn, ha shakya chi Ysrael yn mysk an gwlasow, kepar ha shakya kroeder, ha ny goedh bilienn vyth dhe'n leur.

Romanyon 6:21

Mes pana frut a'gas bo a'n taklow ma'gas beus meth anedha lemmyn? Diwedh an re na yw mernans.

Dewteronomi 32:4

An Garrek – perfydh yw y ober, rag oll y fordhow yw ewn; Duw a lenduri, heb kammhynseth, gwiryon ha kompes yw ev.

Dewteronomi 4:27

An Arloedh a wra agas skattra ynter an poblow, boghes vydh agas niver gesys yn mysk an kenedhlow may hwra an Arloedh agas ledya di.