Daniel 9:5 - An Bibel Kernewek 20234 (Kernewek Kemmyn)

⁵ ni re beghas ha gul drog, ha gul kammweythres, ha rebellya, ow treylya dhiworth dha worhemmynnow ha'th vreusow.

Daniel 9:5 Iomraidhean Croise

2 Myghternedh 18:12

drefenn na woslowsons lev an Arloedh aga Duw, mes i a gammdremenas erbynn y gevambos, ha pup-tra a worhemmynnis Moyses, gwas an Arloedh; ny woslowsons ha ny obaysons.

2 Myghternedh 21:15

drefenn i dhe wul an pyth yw drog y'm golok ha dhe'm provokya dhe sorr, a-dhia'n jydh may teuth aga thasow yn-mes a Ejyp, hwath bys y'n jydh ma.’

Ezra 9:6

ha leverel, ‘Ow Duw, meth a'm beus hag ankombrys ov may trehavav ow fas dhis, ow Duw: drefenn bos agan drogoberow ynkressys a-ugh agan penn, ha'gan kammweyth ughelhes bys y'n nevow.

Salmow 106:6

Ni re beghas gans agan tasow; ni re wrug kammweythres ha sherewneth.

Salmow 119:102

Ny blynchis vy dhiworth dha vreusow, drefenn ty dhe dhyski dhymm.

Salmow 119:176

My re wandras yn sowdhan avel davas yw kellys; hwila dha was, rag ny ankevis dha worhemmynnow.

Salmow 18:21

Rag my re synsis fordhow an Arloedh, ha ny dhiberthis yn trog dhiworth ow Duw.

Ysay 53:6

Ni oll avel deves re wandras; pubonan ahanan re dreylyas dh'agan fordh agan honan, ha'n Arloedh re worras warnodho an kammweyth ahanan ni oll.

Ysay 59:13

rebellyans ha toell erbynn an Arloedh, treylya war-dhelergh dhiworth siwya agan Duw, kewsel arwask ha rebellyans, konsevya ha kewsel y'n golonn geryow gow.

Ysay 64:4

A-henys tus ny glewas, na ny woslowas skovarn, na ny welas lagas duw marnas ty, neb a ober ragdho ev neb a'n gorta.

Yeremia 14:20

Ni a aswonn, A Arloedh, agan drogedh, kammhynseth agan tasow, rag ni re beghas er dha bynn.

Yeremia 14:7

Kyn hwra agan drogoberow doen dustuni er agan pynn, A Arloedh, gwra neppyth a-barth dha hanow; rag agan dislelder yw meur; ni re beghas er dha bynn.

Yeremia 3:25

Ni a wrowedh yn agan meth, ha'gan despit a'gan kudh: rag ni re beghas erbynn an Arloedh agan Duw, ni ha'gan tasow, a-dhia agan yowynkneth ha hwath bys y'n jydh ma, ha ny obayson lev an Arloedh agan Duw.’

Yeremia 30:14

Oll dha garoryon re'th ankovas; ny'th hwilons rag my re'th holyas gans goli eskar, gans keredh a dhen fell, drefenn bos meur dha anewnder, drefenn dha beghosow dhe ynkressya.

Yeremia 44:3

drefenn an drogedh a wrussons orth ow frovokya dhe sorr, drefenn i dhe vones dhe leski offrynnow ha servya duwow erell na aswonnens, na i, na hwi, na'gas tasow.

Kynvannow 1:18

Gwiryon yw an Arloedh, drefenn ow bos diwostydh erbynn y anow; klewewgh, my a'gas pys, hwi boblow oll, ha mirewgh orth ow galar; ow gwyrghesow ha'm gwer yowynk res eth yn kethneth.

Kynvannow 1:20

Mir, A Arloedh, ha grevys ov vy; ow holodhyon yw troblys, ow holonn yw treylys ynnov, rag diwostydh dres eghenn re beuv. A-ves, an kledha a ladh an fleghes, a-ji nyns eus saw mernans.

Kynvannow 3:42

Ni re gammdremenas ha rebellya; mes ty, ny wrussys gava.

Ezekiel 5:6

Mes hi re rebellyas erbynn ow breusow moy ages sherewynsi an kenedhlow, hag erbynn ow ordenansow moy ages an gwlasow usi a-dro dhedhi; rag i re dhenaghas ow breusow ha ny gerdhsons y'm ordenansow.

Ezekiel 6:9

An re ahanowgh a skap a wra ow kovhe y'n kenedhlow mayth yns i degys yn kethneth, fatell ov vy terrys gans aga holonn avoutrek a dreylyas a-dhiworthiv, ha gans aga dewlagas ow horya war-lergh aga idolys. Kasa aga honan a wrons dre reson an drogow a wrussons rag oll aga thaklow kasadow.

Daniel 9:11

‘Ysrael oll re dorras dha lagha ha treylya dhe-denewen, ow nagha goslowes orth dha lev. Diverys warnan yma'n molleth ha'n ti hag yw skrifys yn lagha Moyses gwas Duw, rag ni re beghas er y bynn.

Daniel 9:15

‘Ha lemmyn, A Arloedh agan Duw, neb re hembronkas dha bobel yn-mes a bow Ejyp dre leuv grev, hag a wrug dhe'th hanow bos gerys-da avel y'n jydh hedhyw, pegha re wrussyn, ha gul yn trog.

Daniel 9:9

Dhe'n Arloedh agan Duw yma truedh ha gevyans; rag ni re rebellyas er y bynn,

Hosea 1:2

Hemm yw dalleth ger an Arloedh dhe Hosea. An Arloedh a leveris dhe Hosea, ‘Ke, kemmer dhis dha honan gwreg a fornikasyon ha fleghes a fornikasyon, a-ban wrug an tir fornikasyon meur, ow tiberth dhiworth an Arloedh.’

Malaki 3:7

A-dhia dhydhyow agas tasow, hwi a dhibarthas a'm gorhemmynnow, ha ny wrussowgh aga obaya. Dehwelewgh dhymmo vy ha my a dhehwel dhywgh, yn-medh Arloedh an luyow. Hwi a lever, ‘Fatell dhehwelyn?’

Ebrowyon 3:12

Kemmerewgh with, breder, ma na vo yn denvyth ahanowgh tebelgolonn ankryjyk, ow treylya dhiworth an Duw bew.