Daniel 9:25 - An Bibel Kernewek 20234 (Kernewek Kemmyn)

²⁵ Godhvydh ytho ha konvedhes: a-dhia dhyllans an ger rag daswul ha dastrehevel Yerusalem bys devedhyans an pryns untys, y fydh seyth seythunweyth; ha dre dhiw seythun ha tri-ugens y fydh dastrehevys gans plenys ha gans pollgleudh, mes yn prys a ankres.

Daniel 9:25 Iomraidhean Croise

2 Samuel 15:25

Ena yn-medh an myghtern dhe Sadok, ‘Kemmer argh Duw a-ji dhe'n sita arta. Mar kavav gras yn golok an Arloedh, ev a'm dre arta, ha gasa my dh'y gweles, hi hy honan ha'y thrigva.

Ezra 4:24

Yndella yn eur na ober chi Duw usi yn Yerusalem a hedhis, ha pesya yndella bys y'n nessa blydhen a reyn Darius myghtern Persia.

Ezra 7:1

Lemmyn wosa an hwarvosow ma, yn reyn Artakserkses myghtern Persia, Ezra mab Seraya, mab Azaria, mab Hilkia,

Ezra 7:8

Ezra a dheuth dhe Yerusalem y'n pympes mis, henn o y'n seythves blydhen a'n myghtern.

Nehemia 3:1

Ena Elyashib an arghoferyas ha'y vreder an oferysi a dhallathas oberi hag i a dhrehevis Yet an Deves. I a's sakras hag a dhesedhas hy darasow; ha bys yn Tour an Kans, i a's sakras, bys yn Tour Hananel.

Nehemia 4:2

Hag ev a leveris a-rag y vreder ha lu Samaria, ‘Pyth usi an Yedhewon wann ma ow kul? A vynnons daswul taklow ragdha i aga honan? A sakrifions i? A worfennons yn unn jydh? A wrons an meyn dhe dhasvewa mes a vernyow radell leskys?’

Nehemia 4:8

Hag i oll a vrasas war-barth dhe dhos hag omladh erbynn Yerusalem, ha gul deray ynni.

Nehemia 6:15

Ytho an fos a veu kowlwrys y'n pympes dydh warn ugens a vis Elul, y'n dewdhek dydh ha dew-ugens.

Salmow 71:10

Rag ow eskerens a gews er ow fynn, ha'n re a gontrewayt ow enev a omgusul war-barth;

Ekklesiastes 3:3

Prys ladha ha prys sawya; prys terri dhe'n leur ha prys drehevel.

Ysay 55:4

Otta, my a'n gwrug dustunier dhe'n poblow, rewler ha mester dhe boblow.

Ysay 9:6

Rag flogh re beu genys dhyn, mab re beu res dhyn; ha war y dhiwskoedh yma arloettys. Hag ev a vydh henwys Kusulyador Marthys, Duw Galloesek, Tas bys Vykken, Pennsevik Kres.

Daniel 8:11

Ev a vostyas erbynn pryns an lu, ha dhiworto y feu kemmerys dhe-ves an offrynn pub-dydhyek, hag y feu domhwelys y dyller sans.

Daniel 8:25

Der y felder ev a wra dhe doell seweni der y dhorn; balgh vydh yn y golonn. Heb gwarnyans y hwra distrui meur a dus; erbynn Pryns an brynsys y sev; y fydh terrys, mes ny vydh dre leuv den.

Daniel 9:23

Orth dalleth dha aspysadow, ger a dheuth yn-mes, ha devedhys ov dh'y dherivas dhis, rag meurgerys os; ytho gwra vri a'n ger ha konvedh an welesigeth:

Mika 5:1

Lemmyn kuntell dha vagasow a soudoryon, ty vyrgh a vagasow; omsettya a-dro dhyn a wrussons; gans gwelenn y hweskons bogh rewler Ysrael.

Mika 5:2

Ha ty, Bethlehem Efratha, byghan kynth os yn mysk teyluyow Yuda, yn-mes ahanas y teu dhymm nebonan a vydh rewler yn Ysrael, may feu y dhalleth a'n termyn koth, a dhydhyow pell tremenys.

Matthew 13:23

Mes an dra hesys yn tir da, ev yw neb a glew an ger ha'y gonvedhes hag ev a dheg frut, re anedha ow ri kansplek, re tri-ugensplek ha re deg warn ugensplek.’

Matthew 24:15

‘Pan welowgh ytho pyth kasadow an difeythter menegys gans Daniel an profoes ow sevel y'n tyller sans (gwres an redyer konvedhes),

Mark 13:14

‘Mes pan welowgh pyth kasadow an difeythter ow sevel le na dhegoedh dhodho (gwres an redyer konvedhes), ena fies dhe'n menydhyow an re usi yn Yudi;

Yowann 1:41

Ev a gavas y vroder y honan Simon yn kynsa hag yn-medh ev dhodho, ‘Ni re gavas an Messia’, (yw treylys, Krist).

Yowann 4:25

Yn-medh an venyn dhodho, ‘My a woer Messia, henwys Krist, dhe dhos; pan dheu, ev a dheriv dhyn pup-tra.’

Oberow 3:15

ha hwi a ladhas an Awtour a vewnans, neb a veu drehevys gans Duw dhiworth an re varow; dhe henna dustunioryon on ni.

Oberow 5:31

Duw a ughelhas an gour ma dh'y barth dhyghow avel Rewler ha Selwyas, rag ri edrek dhe Ysrael ha dehwelyans peghosow.

Oberow 8:30

Ha Felip a boenyas dhodho, ha'y glewes ow redya Ysay an Profoes, hag yn-medh ev, ‘A gonvedhydhta, ytho, an pyth a redydh?’

Efesianys 5:16

ow kul devnydh a'n termyn, rag bos an dydhyow drog.

Diskwedhyans 1:5

ha dhiworth Yesu Krist, an test len, an kynsa dineythys a'n re varow, ha rewler myghternedh an norvys. Dhe neb a'gan kar ha'gan delivras mes a'gan peghosow der y woes,

Diskwedhyans 19:16

Ha war y vantell ha war y vordhos, hanow yw skrifys: Myghtern myghternedh, hag Arloedh arlydhi.