Daniel 9:21 - An Bibel Kernewek 20234 (Kernewek Kemmyn)

²¹ pan esen ow leverel ow fysadow, an gour Gabriel, neb re welsen kyns y'n welesigeth, a dheuth dhymm ow nija uskis orth prys offrynn an gorthugher.

Daniel 9:21 Iomraidhean Croise

1 Myghternedh 18:29

Pan dremenas hanter-dydh, i a vuskegis bys yn termyn offrynn an greun, mes nyns esa lev, na gorthyp, na nyns esa nagonan ow koslowes.

1 Myghternedh 18:36

Pan dheuth termyn offrynn an greun, an profoes Elias a dheuth nes ha leverel, ‘A Arloedh, Duw Abraham, Ysak, hag Ysrael, bedhes godhvedhys an jydh ma dha vos Duw yn Ysrael, hag ow bos dha was, ha my dhe wul oll an taklow ma orth dha arghadow.

Salmow 103:20

Bennigewgh an Arloedh, hwi eledh ev, hwi alloesogyon a wra herwydh y er ev, seul a woslow orth y lev pan gews ev.

Salmow 104:4

Ev a wra y eledh spyrysyon, ha'y venystrys tan ow flammya.

Salmow 141:2

Re bo ow fysadow a-dheragos avel ynkys, ha'm diwleuv drehevys avel offrynn gwesper.

Eksodus 29:39

Unn oen ty a offrynn myttinweyth, ha'y gila ty a wra offrynna gorthugherweyth;

Ysay 6:2

Yth esa serafyn ow sevel a-ughto, hwegh askell dhe bubonan anedha: gans diw ev a gudha y fas, ha gans diw ev a gudha y dreys, ha gans diw ev a nija.

Ezekiel 1:11

yndella y feu aga fasow. Aga eskelli a omlesa war-vann; dhe bubonan yth esa diw askell a dochya an eyl dh'y ben, ha diw askell a gudha aga horfow.

Ezekiel 1:14

An kreaturs bew a boenya ha dehweles kepar ha lughesenn.

Ezekiel 14:14

hwath kyn fe an tri gour ma ynno, Noy, Daniel, ha Job, ny allsens delivra marnas aga enevow aga honan der aga gwiryonedh, yn-medh an Arloedh Duw.

Daniel 10:10

Hag awotta dorn orth ow thochya, ha'm settya ow krena war ow dewlin ha palvow ow diwleuv.

Daniel 10:16

Hag otta, onan haval dhe vab-den a dochyas ow diwweus; hag my a igoras ow ganow ha kewsel. Dhodho ev neb esa ow sevel a-ragov y leveris, ‘Ow arloedh, drefenn an welesigeth re dheuth gloesow warnav, ha ny'm beus nerth namoy.

Daniel 10:18

Arta ev neb o haval dhe dhen a'm tochyas ha'm kennertha.

Daniel 8:16

Ha my a glewas lev den yntra glannow an Ulay, hag y helwis ow leverel, ‘Gabriel, gwra dhe hemma konvedhes an welesigeth.’

Daniel 8:18

Hag ev ow kewsel orthiv, my a goedhas yn klamder, gans ow fas troha'n dor. Mes ev a'm tochyas, ha'm settya a'm sav.

Matthew 27:46

Hag a-dro dhe'n nawves eur, Yesu a armas gans lev ughel ow leverel, ‘Eli, Eli, lema sabaghthani?’ henn yw: ‘Ow Duw, Ow Duw, prag y'm forsaksys?’

Luk 1:19

Ha'n el a worthybis dhodho, ‘Gabriel ov vy, neb a sev a-rag Duw, ha dannvenys veuv dhe gewsel orthis, ha dhe dhri dhis an nowodhow da a hemma.

Luk 1:26

Hag y'n hweghves mis an el Gabriel a veu dannvenys gans Duw dhe sita yn Galile henwys Nazareth,

Oberow 10:3

A-dro dhe nawves eur an jydh ev a welas diblans yn hunros el Duw ow mos dhodho hag ow leverel dhodho, ‘Kornelius.’

Oberow 10:9

Ternos, hag i ow vyajya hag ow nesa dhe'n sita, Peder a yskynnas dhe'n to rag pysi, a-dro dhe'n hweghves eur.

Oberow 12:7

Hag otta, el an Arloedh a sevis ogas dhodho, ha golow a splannas y'n vagh; hag ow kweskel tenewen Peder ev a'n drehevis yn-bann, ow leverel, ‘Sav yn-bann, fisten.’ Ha'n chaynys a goedhas dhiworth y dhiwla.

Oberow 3:1

Lemmyn yth esa Peder ha Yowann ow mos yn-bann dhe'n tempel dhe'n eur a bysadow, an nawves eur.

Ebrowyon 1:14

A nyns yns i oll spyrysyon menystra dannvenys rag gonis, a-barth an re a wra erita selwyans?

Ebrowyon 1:7

Hag a-dro dhe'n eledh y lever, ‘Neb a wra y eledh spyrysyon, ha'y venysters flammow tan.’

Diskwedhyans 9:17

Hag yndella my a welas an vergh y'n welesigeth, ha'n re owth esedha warnedha gans lurik liw tan, hyakinth, ha loskven, ha penn an vergh o kepar ha penn lewyon, ha tan ha mog ha loskven a dheu yn-mes a'ga ganow.