Daniel 9:16 - An Bibel Kernewek 20234 (Kernewek Kemmyn)

¹⁶ A Arloedh, herwydh oll dha weythyow gwiryon, re bo treylys, my a'th pys, dha sorr ha'th konnar dhiworth dha sita Yerusalem, dha venydh sans; rag a-barth agan peghosow, hag a-barth kammweyth agan tasow, Yerusalem ha'th pobel re dheuth bismer dh'agan kentrevogyon.

Daniel 9:16 Iomraidhean Croise

Nehemia 9:8

ha ty a gavas y golonn lel a-dheragos ha gul an kevambos ganso dhe ri dh'y has tir an Kananysi, an Hittysi, an Amorysi, an Perizzysi, an Yebusysi ha'n Girgashysi. Ty re geweras dha eryow, rag gwiryon os.

Salmow 143:1

Klew ow fysadow, A Arloedh, ro skovarn dhe'm govynnadow; gorthyp dhymm a-barth dha lelder ha'th ewnder.

Salmow 31:1

Ynnos jy, A Arloedh, y hwilav skovva; na as vy nevra dhe berthi meth; gwra ow delivra y'th ewnder.

Salmow 41:13

Benniges re bo an Arloedh, Duw Ysrael, bys vykken ha bynnari. Amen, hag Amen.

Salmow 71:2

Gwra ow delivra y'th ewnder ha'm difres; pleg dha skovarn dhymm ha'm sawya.

Salmow 79:4

Ni re dheuth ha bos mewl dh'agan kentrevogyon, skorn ha ges dhe'n re usi yn agan kyrghynn.

Salmow 85:4

Treyl ni, A Dhuw agan selwyans, ha gas dha sorr orthyn.

Salmow 89:51

An despit ganso may skornyas dha eskerens, A Arloedh, may skornsons olow dha Untys.

Eksodus 20:5

Na ombleg a-ragdha na'ga servya; rag my an Arloedh dha Dhuw yw Duw avius, ow kessydhya kammweyth an tasow war an fleghes bys an tressa ha peswora henedh a'n re a'm kas,

Ysay 5:25

Rakhenna sorr an Arloedh a dhew erbynn y bobel, hag ev a ystynn y leuv er hy fynn ha'y gweskel. An menydhyow a gren, ha'ga horfow yw avel atal yn kres an stretys. Yn despit dhe oll hemma, ny dreyl y sorr dhe-ves, ha'y leuv yw hwath ystynnys.

Yeremia 24:9

My a wra dhedha bos euth, pyth drog, yn oll gwlaskordhow an nor, dhe vos keredh ha droglavar, tont ha molleth yn oll an tylleryow ma's fesyav.

Yeremia 29:18

Ha my a's helgh gans an kledha, gans an divoetter, ha gans an pla, ha'ga gorra dhe vos euth dhe oll gwlaskordhow an nor, dhe vos molleth ha skruth ha hwibana, ha keredh yn mysk oll an kenedhlow le ma's fesis,

Yeremia 32:31

Rag an sita ma re beu acheson a'm sorr hag ow honnar a-dhia'n jydh may feu drehevys bys y'n jydh ma, ma's dileav a-dhiworth ow golok;

Yeremia 32:32

drefenn oll drogedh fleghes Ysrael ha fleghes Yuda, a wrussons dhe'm provokya dhe sorr, i, aga fennsevigyon, aga oferysi, ha'ga frofoesi, ha gwer Yuda, hag annedhysi Yerusalem.

Ezekiel 22:4

Ty yw kablus drefenn an goes a skoellsys, ha ty re omdhefolsys der an idolys a wrussys. Ty re dhros dha dhydh nes, ha dos dhe dhiwedh dha vlydhynyow. Rakhenna my re'th wrug skorn dhe'n kenedhlow, ha ges dhe oll an powyow.

Ezekiel 5:14

Ha my a'th wrav dhe vos tyller a vagoryow ha skorn yn mysk an kenedhlow usi a-dro dhis, yn golok oll an dremenysi

Daniel 11:45

Ev a worr tyldow y balys ynter an moryow, ha menydh sans an splannder. Mes ev a dheu dh'y dhiwedh, heb denvyth orth y weres.

Daniel 9:20

Ha my ow kewsel hag ow pysi, hag ow yes ow feghes ha peghes ow fobel Ysrael, hag ow profya ow aspysadow a-rag an Arloedh ow Duw, a-barth menydh sans ow Duw;

Yoel 3:17

Yndellma hwi a wodhvydh my dhe vos an Arloedh agas Duw, trigys yn Sion, ow menydh sans. Ha Yerusalem a vydh sans, ha nevra ny wra estrenyon tremena dredhi namoy.

Zekaria 8:3

Yndellma y lever An Arloedh: My re dhehwelis dhe Sion ha my a vydh trigys yn mysk Yerusalem. Ena Yerusalem a vydh henwys ‘Sita an gwir’, ha menydh Arloedh an luyow ‘An menydh sans.’

2 Thessalonianys 1:6

Rag gwiryon yw dhe Dhuw dhe attyli galar dhe'n re a wra agas duwenhe,

1 Yowann 1:9

Mar aswonnyn agan peghosow, lel yw ev hag ewnhynsek, hag ev a av dhyn agan peghosow, ha'gan glanha a bub kammhynseth.

1 Samuel 2:7

An Arloedh a wra boghosek ha gul rych; ev a iselha, hag ev a ughelha.