Daniel 9:15 - An Bibel Kernewek 20234 (Kernewek Kemmyn)

¹⁵ ‘Ha lemmyn, A Arloedh agan Duw, neb re hembronkas dha bobel yn-mes a bow Ejyp dre leuv grev, hag a wrug dhe'th hanow bos gerys-da avel y'n jydh hedhyw, pegha re wrussyn, ha gul yn trog.

Daniel 9:15 Iomraidhean Croise

1 Myghternedh 8:51

(rag i yw dha bobel ha dha ertach, a dhresys yn-mes a Ejyp, a gres an fornes horn).

2 Myghternedh 21:15

drefenn i dhe wul an pyth yw drog y'm golok ha dhe'm provokya dhe sorr, a-dhia'n jydh may teuth aga thasow yn-mes a Ejyp, hwath bys y'n jydh ma.’

2 Kroniklys 6:37

ena mar pydhons ow tos dh'aga skians y'n pow dhodho mayth yns degys avel divresow, hag i a's teves edrek, hag a bled genes yn pow aga divroedh, ow leverel, “Ni re beghas ha gul drogoberow; ni re omdhug yn trog”;

Nehemia 1:10

Lemmyn an re ma yw dha servysi ha'th pobel, a dhasprensys dre dha nerth bras ha gans dha leuv grev.

Nehemia 1:6

bedhes dha skovarn hewoel ha dha dhewlagas igor rag may klewvi pysadow dha was a bysav a-ragos y'n eur ma dydh ha nos rag fleghes Ysrael dha wesyon, ow konfessya peghosow fleghes Ysrael re beghsyn ni er dha bynn. Ha my ha chi ow thas re beghas.

Nehemia 9:10

ha ri toknys hag anethow erbynn Faro hag erbynn oll y servysi, hag oll pobel y wlaskor; rag ty a wodhya i dhe dhyghtya agan tasow yn tont. Ytho ty a waynyas an ger-da a'th eus, par dell yw y'n jydh hedhyw.

Salmow 106:8

Byttegyns ev a's selwis a-barth y hanow, rag may hwrella dh'y wriansow nerthek bos aswonnys.

Eksodus 13:14

Hag y'n termyn a dheu pan wovynn orthis dha vab, “Pyth yw styr hemma?” ty a lever dhodho, “Dre nerth an leuv an Arloedh a'gan dros yn-mes a Ejyp, yn-mes a ji an gethneth.

Eksodus 13:16

Y fydh avel tokyn war dha dhorn po soenelligow yntra dha dhewlagas; rag dre nerth an leuv an Arloedh a'gan dros yn-mes a Ejyp.’

Eksodus 13:3

Ha Moyses a leveris dhe'n bobel, ‘Perthewgh kov a'n jydh ma, pan dheuthewgh yn-mes a Ejyp, yn-mes a'n chi a gethneth, rag an Arloedh a'gas dros a'n tyller ma gans leuv grev; bara goell ny vydh dybrys.

Eksodus 13:9

Hag y fydh dhis avel tokyn war dha dhorn hag avel kov yntra dha dhewlagas, may fo lagha an Arloedh yn dha anow; rag dre leuv grev an Arloedh re'th tros yn-mes a Ejyp.

Eksodus 14:18

Ha'n Ejyptianys a woer my dhe vos an Arloedh, pan gavav gordhyans drefenn Faro, y jarettow, ha'y varghogyon.’

Eksodus 32:11

Mes Moyses a bysis an Arloedh y Dhuw, ha leverel, ‘A Arloedh, prag y lesk toemm dha sorr erbynn dha bobel, a's dresys yn-mes a bow Ejyp gans galloes meur ha dorn grev?

Eksodus 6:1

Mes an Arloedh a leveris dhe Moyses, ‘Lemmyn ty a wel an pyth a wrav dhe Faro; rag ev a's dannvon, krev an dhorn, ha krev an dhorn ev a's gorr yn-mes a'y dir.’

Eksodus 6:6

Lavar ytho dhe vebyon Ysrael, “My yw an Arloedh hag a wra agas dri a-dhann veghyow an Ejyptianys ha'gas livra a'ga hethneth ha'gas dasprena gans bregh ystynnys ha dre vreusow meur,

Eksodus 9:16

Mes rakhemma y'th hesis dhe vewa, dhe dhiskwedhes dhis ow galloes, may fo derivys ow hanow war oll an nor.

Ysay 55:13

Yn le an spern y hwra tevi merywenn, yn le an linas y hwra tevi akasia; ha henna a vydh kov dhe'n Arloedh, avel tokyn heb fin, na vydh treghys dhe-ves.

Ysay 64:4

A-henys tus ny glewas, na ny woslowas skovarn, na ny welas lagas duw marnas ty, neb a ober ragdho ev neb a'n gorta.

Yeremia 14:20

Ni a aswonn, A Arloedh, agan drogedh, kammhynseth agan tasow, rag ni re beghas er dha bynn.

Yeremia 32:10

My a sinas an chartour, ha'y selya, ha kemmeres dustunioryon, ha poesa an arghans war vantolyow.

Kynvannow 3:42

Ni re gammdremenas ha rebellya; mes ty, ny wrussys gava.

Ezekiel 5:6

Mes hi re rebellyas erbynn ow breusow moy ages sherewynsi an kenedhlow, hag erbynn ow ordenansow moy ages an gwlasow usi a-dro dhedhi; rag i re dhenaghas ow breusow ha ny gerdhsons y'm ordenansow.

Daniel 9:5

ni re beghas ha gul drog, ha gul kammweythres, ha rebellya, ow treylya dhiworth dha worhemmynnow ha'th vreusow.

Luk 15:21

Y vab a leveris dhodho, “A Das, my re beghas erbynn nev hag a-dheragos; nyns ov wordhi na fella dhe vos gelwys dha vab.”

Luk 18:13

Mes an toller a sevis a-bell ha ny vynni na hwath drehevel y dhewlagas dhe nev, mes ev a weskis y vronn ha leverel, “Duw, kemmer truedh ahanav, peghador.”

2 Korinthianys 1:10

Ev re'gan delivras dhiworth mernans mar vras, hag ev a wra agan delivra; warnodho ni re worras agan govenek ev dh'agan delivra arta,

Dewteronomi 5:15

Porth kov ty dhe vos keth yn pow Ejyp, ha'n Arloedh dha Dhuw a'th tros yn-mes alena dre leuv grev ha bregh ystynnys; rakhenna an Arloedh dha Dhuw a worhemmynnis dhis gwitha an sabot.