Daniel 9:12 - An Bibel Kernewek 20234 (Kernewek Kemmyn)

¹² Ev re gollenwis y eryow kewsys er agan pynn, hag erbynn agan breusysi neb a'gan breusis, ow tri warnan droglamm bras, rag yn-dann oll an nevow ny veu gwrys kepar dell veu gwrys yn Yerusalem.

Daniel 9:12 Iomraidhean Croise

1 Myghternedh 3:9

Ro dhe'th was ytho kolonn a yll konvedhes rag barna dha bobel ha dissernya yntra da ha drog; rag piw a yll barna dha bobel mar veur ma?’

2 Myghternedh 22:16

Yndellma y lever an Arloedh, My a dhre drog war an tyller ma, ha war y annedhysi, herwydh oll geryow an lyver re redyas myghtern Yuda,

Job 12:17

Ev a led konseloryon dhe-ves dieskis, hag ev a wra dhe vuskogyon bos breusysi.

Salmow 148:11

Myghternedh an nor ha poblow oll, pennsevigyon hag oll breusysi a'n norvys;

Salmow 2:10

Ytho bedhewgh fur lemmyn, hwi vyghternedh; gwrewgh vri a'n gwarnyans ma, hwi vreusysi an norvys.

Lavarow Koth 8:16

dredhov pennternedh a rewl, ha pennsevigyon, oll myns a wovern yn ewn.

Ysay 43:28

Ytho my a dhisakras pennsevigyon an sentri, my a ros Yakob dhe gowldhistruyans, hag Ysrael dhe dhespit.

Ysay 44:26

neb a surha ger y was, hag a gowlwra kusul y gannasow; neb a gews a Yerusalem, ‘Hi a vydh annedhys’, hag a-dro dhe sitys Yuda, ‘I a vydh drehevys, ha my a dhastrehav aga magoryow’;

Yeremia 30:7

Eghan! rag meur yw an jydh na, ma nag eus onan haval dhodho: termyn ahwer yw rag Yakob; mes ev a vydh sawys anodho.

Yeremia 32:23

hag i a dheuth a-ji ha'y erita. Mes ny woslowsons orth dha lev na kerdhes y'th lagha; ny wrussons travyth a'n pyth oll a worhemmynnsys dhedha. Ytho ty a wrug oll an anfeusi dhe dhos warnedha.

Yeremia 39:16

Ke ha kewsel dhe Ebed-melek an Ethiopek, ow leverel, Yndellma y lever Arloedh an luyow, Duw Ysrael: Otta, my a dhre ow ger war an sita ma rag drog, a-der rag da, hag i a vydh kollenwys a-ragowgh y'n jydh na.

Yeremia 44:23

Yth yw drefenn hwi dhe leski offrynnow, ha drefenn hwi dhe begha erbynn an Arloedh, ha ny woslewsowgh orth lev an Arloedh na kerdhes yn y lagha ha'y ordenansow ha'y dhustuni, y hwarva an drogedh ma dhywgh, kepar hag y'n jydh hedhyw.’

Kynvannow 1:12

A ny vern travyth, oll hwi a dremen? Mirewgh, ha gweles mars eus ahwer kepar ha'm ahwer vy, a veu gorrys warnav, ma'm grevyas an Arloedh ganso yn dydh y sorr fers.

Kynvannow 2:13

Pandr'a allav y leverel a-dro dhis, pandr'a gehavalav dhis, a vyrgh Yerusalem? pandr'a gomparyav genes ma'th konfortiv, A wyrghes, myrgh Sion? Rag mar vras avel an mor yw dha derroes; piw a yll dha yaghhe?

Kynvannow 2:17

An Arloedh re wrug y vynnas, ev re gowlwrug y lavar; kepar dell ordenas seuladhydh; ev re dorras heb truedh; ev a wrug dhe'n eskerens lowenhe warnas, ev re dhrehevis korn dha eskerens.

Kynvannow 4:6

Brassa yw kessydhyans myrgh ow fobel ages an kessydhyans rag pegh Sodom, a veu domhwelys yn unn lamm, kyn na veu leuv vyth gorrys warnedhi.

Ezekiel 13:6

I re welas fals welesigethow, ha'ga dewinieth yw gow. Yn-medhons, ‘An Arloedh a lever’, kyn na wrug an Arloedh aga dannvon, hag i a wayt aga ger dhe vos kollenwys.

Ezekiel 5:9

My a wra ynnos an pyth na wrug vy bythkweth, ha ny wrav vy travyth avello nevra arta, drefenn oll dha daklow kasadow.

Daniel 12:1

‘Ha dhe'n prys na y sev Mighal, an pryns meur neb a skoedh mebyon dha bobel; hag y fydh seson a ankres, a'n par na veu a-dhia dhalleth an genedhel bys y'n eur na. Mes y'n eur na y hwra dha bobel skapya, pub huni neb a vydh kevys skrifys y'n lyver.

Yoel 2:2

dydh tewlder ha tewlyjyon, dydh kommol ha tewolgow tew. Dell les an bora war an menydhyow y teu pobel vras ha krev; nyns esa bythkweth aga far, na ny vydh namoy a'y wosa, bys vlydhynyow henedhow ha henedhow.

Amos 3:2

Hwi unnsel a aswonnis vy yn-mes a oll teyluyow an nor; rakhenna my a wra agas kessydhya rag agas drogoberow oll.

Zekaria 1:6

Yn hwir, ow geryow ha'm ordenansow, a erghis dhe'm gwesyon an brofoesi, a ny dhrehedhsons dh'agas tasow? Ena i a gavas edrek ha leverel, ‘Par dell vynnas Arloedh an luyow gul dhyn rag agan fordhow ha'gan oberow, yndella y hwrug ev dhyn.’

Zekaria 1:8

Y'n nos my a viras, hag otta gour ow marghogeth war vargh rudh, ow sevel yn mysk an myrtwydh yn kownans, hag a-dryv dhodho mergh rudh, gorm ha gwynn.

Zekaria 7:12

I a wrug aga holonn avel adamant rag na glewvens an lagha, na'n geryow a wrug Arloedh an luyow aga dannvon gans y Spyrys dre'n profoesi a-henys. Ytho sorr bras a dheuth dhiworth Arloedh an luyow.

Matthew 24:21

Rag y'n prys na y fydh anken tynn, a'n par na hwarva a-dhia dhalleth an norvys bys y'n jydh hedhyw, na nevra ny vydh.

Matthew 5:18

Rag yn hwir my a lever dhywgh, bys pan dremenno nev ha nor, ny dremen unn jet na banna dhiworth an lagha erna vo kowlwrys pup-tra oll.

Mark 13:19

rag y'n dydhyow na y fydh anken dell na veu a dhalleth an kreasyon a wrug Duw y wruthyl, bys lemmyn, na nevra ny vydh.

Luk 21:22

rag hemm yw dydhyow a gessydhyans, pan vydh kowlwrys pup-tra a veu skrifys.

Romanyon 15:8

Rag y lavarav dhywgh y teuth Krist ha bos menyster dhe'n re drodreghys rag gwirder Duw, rag surhe an ambosow a veu res dhe'n tasow,