Daniel 8:9 - An Bibel Kernewek 20234 (Kernewek Kemmyn)

⁹ Ha dhiworth onan anedha y teuth yn-mes korn byghan, a devis dres eghenn war-tu ha'n dhyghowbarth, war-tu ha'n howldrehevel, ha war-tu ha'n tir splann.

Daniel 8:9 Iomraidhean Croise

Salmow 105:24

Hag ev a ynkressyas y bobel yn feur; ha'ga gul kreffa es aga eskerens.

Salmow 48:2

Teg hy ughelder, lowender oll an nor, yw menydh Sion, yn pella rannow an kledh, sita an myghtern meur.

Yeremia 3:19

Mes my a leveris, Fatell wrav vy dha worra yn mysk ow mebyon, ha ri dhis tir plegadow, an tekka ertach a'n kenedhlow oll? Ha my a leveris, Ty a'm galow, Ow thas; ha ny dreylydh arta ahanav.

Ezekiel 20:15

Ynwedh my a dhrehevis ow leuv, ow ti dhedha y'n difeythtir na vedhen aga dri dhe'n tir a res dhedha, a dhinwa leth ha mel, an tekka a'n tiryow oll;

Ezekiel 20:6

Y'n jydh na my a dhrehevis ow leuv dhedha ha ti, my dh'aga dri yn-mes a bow Ejyp dhe dir a aspiis ragdha, a dhinwa leth ha mel, an tekka a'n tiryow oll.

Daniel 11:16

Neb a dheu er y bynn a wra herwydh y vodh, ha den ny yll sevel a-ragdho; ev a sev y'n tir splann, gans distruyans yn y dhorn.

Daniel 11:21

Yn y le y hwra sevel onan dispresadow, ma nag yw res dhodho meuredh ryel; ev a dheu yn termyn a gres, ha gwaynya an ruvaneth dre doell.

Daniel 7:8

Ha my ow prederi a-dro dhe'n kern, otta, y sevis yn aga mysk onan moy, onan byghan, ha tri a'n kern kynsa a veu diwreydhys a-ragdho; hag otta, y'n korn ma lagasow avel lagasow tus, ha ganow ow leverel taklow meur.

Zekaria 7:14

My a wrug aga skattra gans korwyns yn mysk oll an kenedhlow na's aswonnsons. An tir a veu ynyal war aga lergh, ma na wrug denvyth tremena dredho na dehweles. Y hwrussons an tir hweg dhe vos ynyal.