Daniel 8:7 - An Bibel Kernewek 20234 (Kernewek Kemmyn)

⁷ My a'n gwelas ow nesa dhe'n hordh, hag ev a sorras orto, ha gweskel an hordh ha terri y dhewgorn. Ha'n hordh ny'n jevo nerth dhe sevel er y bynn; yndella ev a'n tewlis dhe'n dor ha stankya warnodho; nyns esa denvyth a ylli delivra an hordh a'y nerth.

Daniel 8:7 Iomraidhean Croise

Daniel 11:11

Ena myghtern an dhyghowbarth a vydh serrys fest, dos yn-mes ha batalyas orto, orth myghtern an gledhbarth, neb a guntell ost bras, mes an ost na a vydh gorrys yn y dhorn.

Daniel 7:12

Dhiworth remenant an bestes y feu aga mestrynses kemmerys dhe-ves, mes aga bewnans a veu hirhes dre dermyn ha seson.

Daniel 7:7

Wosa henna my a welas yn gwelesigethow an nos, hag ottena peswora best, euthyk ha vil ha krev dres eghenn; yth esa dhodho dyns bras a horn; ev a dhybris ha terri. An remenant ev a stankyas gans y dhewdroes. Dihaval o ev dhe oll an bestes kyns, ha deg korn a'n jevo.

Daniel 8:10

Bys yn lu an nev y tevis, hag a wrug dhe dharn an lu, ha dhe dharn an ster koedha dhe'n dor, hag ev a stankyas warnedha.

Daniel 8:6

Ev a dheuth bys y'n hordh dewgornek, re welsen war lann an dowrgleudh, hag a boenyas er y bynn gans konnar y nerth.

Daniel 8:8

Ena an bogh a omvoghhas dres eghenn; mes kettell dheuth ha bos krev, an korn bras a veu terrys, hag yn y le y sevis peswar korn hewel, war-tu ha'n peswar gwyns a nev.

Levitikus 26:37

Hag i a goedh an eyl war y gila, kepar ha pan ve dherag kledha pan na's siw denvyth; ha ny'gas bydh galloes dhe sevel dherag agas eskerens.

Yoshua 8:20

Pan dreylyas gwer Ay war aga lergh, i a welas mog an sita ow mos yn-bann dhe'n nev. Nyns esa dhedha galloes dhe fia dhe du pynagoll. An Ysraelysi a omwrussa fia dhe'n gwylvos a dreylyas erbynn an helghyoryon.